Обединети за Македонија го поддржува договорот за надминување на спорот за името и ги повикува граѓаните, особено младите, да излезат на референдумот на европската иднина на Македонија.

„Претседателството на Обединети за Македонија на својата синоќешна седница расправаше и го поддржа договорот за надминување на спорот за името. Оценка на претседателството е да им се даде можност за подобра иднина на младата популација и на генерациите што доаѓаат преку создавање предуслови за прием на нашата земја во евро-атлантските интеграции.

Со придавката северна нема да се изгуби идентитетот на државата, ниту другите суштевствени определби. Тие не се загрозени – ниту се менуваат, е ставот на претседателството.

Обединети за Македонија најави дека внимателно ќе го следи реализирањето на договорот и со своето дејствување ќе придонесува кон, како што вели, неговото остварување во духот на темелните партиски определби во согласност со кои утре навистина ќе станеме рамноправна членка на ЕУ и НАТО.