Македонија
Објавен прирачник за поттикнување меѓугенерациско разбирање преку планинарење во природа
Граѓанската организација Еко Логик го објави својот нов Прирачник за поттикнување меѓугенерациско разбирање преку планинарење во природа. Овој прирачник е уникатен и е наменет за сите кои сакаат да ги поврзат генерациите преку заеднички активности на отворено, учејќи и истражувајќи ја природата.
Покрај Прирачникот ќе следат и 8 интерактивни игри за различни возрасти, преку кои учесниците можат да учат за природата, дендрологијата, биодиверзитетот и многу повеќе. Овие игри се дизајнирани да бидат едукативни, забавни и лесно прилагодливи за различни групи, од деца до стари.
За кого е наменет прирачникот?
– Планинарски друштва
– Извиднички одреди
– Спортски клубови
– Семејства и групи од сите возрасти
Прирачникот е бесплатен и достапен за сите заинтересирани. Можете да го преземете на следниот ЛИНК.
Природaта е најдобриот учител, а овој прирачник може да биде сечиј водич за да се искористат неговите лекции за создавање трајни врски и спомени меѓу генерациите.
Проектот е финансиран од ЕУ, преку програмата Еразмус+
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Центар, Сопиште и Бутел
Од ЕВН Македонија АД известуваат дека денеска без електрична енергија ќе останат:
· во периодот од 07:30 до 15:00 часот, корисниците на блокот на згради од булеварот Партизански Одреди бр.17 кон улица Максим Горки, општина Центар.
· во периодот од 07:45 до 15:30 часот, корисниците на селата Јаболци, Ново Брезница, Патишка Река, Држилово, Малчиште, Црн Врв, Елово, Осинчани, Карст с.Јаболци Викендици Држилово, Сателитски Центар, Ново Брезница, Рудпроект, Јаболци, Патишка Река, општина Сопиште.
· во периодот од 08:30 до 10:30 часот, корисниците на улицата Тале Христов, Поликлиника ВФВ и Објектите околу ВРВ Поликлиник, општина Бутел.
· во периодот од 09:00 до 12:00 часот, дел од корисниците на улицата Елисие Поповски – Марко бр.21,47 и други корисници во непосредна близина, општина Центар.
Македонија
Делови од Центар и Аеродром денеска без вода
Од ЈП Водовод и Канализација известуваат дека денеска:
– поради изведување на водоводен приклучок ф-80 мм на улицата Франклин Рузвелт бб, прекинато водоснабдување ќе имаат корисниците на дел од истата улица, односно потегот од Орце Николов до Благој Давков, општина Центар.
Водоснабдувањето ќе биде прекинато од 10:00 часот до завршување со работните активности.
– поради промена на вентил во шахта ф-2“ на улицата Венијамин Мачуковски бб, прекинато водоснабдување ќе имаат корисниците од истата улица, општина Аеродром.
Водоснабдувањето ќе биде прекинато од 09:00 часот до завршување со работните активности.
Македонија
Утрото претежно ведро и студено, преку денот сончево со мала до умерена облачност
Утрото претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Времето во наредните денови
Следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

