Македонија
Одбележан Денот на албанскиот учител во Дебар

Денот на албанскиот учител, 7 Март, во Дебар е одбележан со многубројни активности. Патрониот празник во училиштето „Саид Најдени“ се одбележа со богата програма, а така беше и во другите дебарски училишта.
Во Галеријата на градскиот амам дебарскиот сликар Сабит Боцку имаше изложба на која беа изложени над 50 слики во кои доминираа ликови од наставниот кадар на Албанците, потоа дебарската архитектура, традицијата и убавините на поширокиот регион. Боцку, кој сега е пензионер, на отворањето нагласи дека речиси 200 дебарски наставници додоа голем придонес во образованието на Албанците во Полошкиот, Скопскиот и во регионот на Куманово.
Градоначалникот на Дебар, Ружди Лата, на прес-конференција истакна дека Дебар има посебно место во наставниот процес на Албанците во целина. Тој рече дека голем е бројот на албански наставници што имаат големи заслуги за албанската настава во целина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).