Македонија
Одбележан 4 Мај, Денот на општината Маврово и Ростуше
„Од формирањето на локалната самоуправа на Маврово и Ростуше до сега се постигнати одлични резултати во севкупниот развој на општината. Локалната власт има реализирано бројни проекти во сферата на инфраструктурата и туризмот со кои видно е подобрен животот на локалното население“, истакна градоначалникот на општината, Медат Куртовски, на свеченоста што се одржа денеска по повод 4 Мај, Денот на општината Маврово и Ростуше.
Покрај проектите на локално и централно ниво, општината има реализирано и проекти од програмите на ЕУ, особено во сферата на меѓуграничната соработка на Македонија и Албанија, додаде градоначалникот Куртовски. Новата локална власт ќе продолжи да работи во реализација на проекти кои се поврзани со зголемувањето на вработеноста, развојот на туризмот, но и поттикнување поповолни услови за инвестирање на печалбарите од овој регион, кои се на работа во земјите на ЕУ, додаде Куртовски.
На свеченоста што се одржа во спортската сала ,,Македонија“, која се наоѓа покрај реката Радика, пред голем број жители од оваа рурална општина беше изведена богата културно-уметничка програма во организација на училиштата од селата Скудриње, Маврово, Жировница и Ростуше, во која дојде до израз богатиот фоклор од овој регион.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.
Македонија
Силен СДСМ во Собранието е потребен за иднината на државата, велат социјалдемократите
Граѓаните треба масовно да излезат да гласаат на 8 мај, со својот глас да ја поддржат идејата за напредна, слободна и европска држава, да го поддржат СДСМ и Коалицијата за европска Македонија, велат од СДСМ преку соопштение.
„Силен СДСМ во Собранието е потребен заради иднината на државата, за ДПМНЕ да не го донесе повторно режимот во најава, кој толку долго прогресивните сили во државата се трудеа да го срушат.
Ако десничарска партија како ДПМНЕ на гордиот наследник на Груевски добие преголема моќ, тоа ќе ги убие ЕУ перспективите, ќе ја загрози слободата и демократијата.
Доволно долго Македонија седеше во чекалната за Европа, додека други држави поминуваа, и никој не сака пак да се вратиме таму.
ДПМНЕ ќе ја одложува евроинтеграцијата во недоглед, тие немаат ниту план ниту пак се доследни во остварувањето на стратешките цели. Тоа го правеше и Груевски, тие само ќе продолжат кај што застана тој“, се вели во соопштението.