Израелскиот весник „Хаарец“ наведува дека движењето Хамас забрзано ги обновува своите капацитети и повторно се активира во другите области на Газа.

Весникот цитираше висок израелски офицер, чиј идентитет не беше откриен, кој вели дека во оваа војна Израел „учи да се натпреварува со Хамас“, бидејќи движењето неодамна ја промени својата воена тактика и се фокусира повеќе на поставување експлозивни направи во зградите.

Весникот, поврзан со израелската левица, додава дека неодамнешните операции во населбата Зејтун и други области покажале дека проценките на војската за инфраструктурата на Хамас се неточни.

„Хаарец“ потврди и дека повеќето војници во израелската армија сметаат дека воената операција што ја започна армијата во Џабалија е апсурдна.

Во вторникот, американскиот портал „Политико“ ги цитираше официјалните претставници: „Можете да го деградирате, можете да го нарушите Хамас, но работите што му дозволуваат да се формира, да се развива и да расте се уште се таму“.

Порталот наведува дека разговарал со четворица американски претставници кои рекле дека се согласуваат со мислењето дека е малку веројатно Израел да постигне целосна победа во Газа и дека сегашните израелски операции во Газа „вдишуваат живот во движењето Хамас“.

Изминатите неколку дена беа сведоци на очигледна ескалација на операциите на палестинскиот отпор предводен од Бригадите Ал-Касам, военото крило на движењето Хамас, во различни области на Појасот Газа, откако Израел го попречи договорот за размена на затвореници предложен од посредниците и одобрен од Хамас.

Како што пренесува „Anadolu“, Израел објави дека до вторникот од почетокот на војната во Газа, која влезе во осмиот месец, загинале 620 израелски војници, а 3.456 се ранети. Информациите што ги изнесе израелската армија се мета на обвинувања од домашната јавност, која смета дека се крие реалниот број на загинати и ранети, кој е многу поголем.

Израел ја продолжува војната иако Советот за безбедност на Обединетите нации донесе резолуција за итен прекин на непријателствата и покрај фактот што Меѓународниот суд на правдата побара да се преземат итни мерки за да се спречи геноцид и да се подобри хуманитарната ситуација во Газа.

Русија денеска соопшти дека главниот аеродром во близина на градот Казан, на 1.000 километри од Украина, е привремено затворен откако украинско борбено беспилотно летало полета во регионот, јавува агенцијата Франс прес.

Украинските сили ги ескалираа воздушните напади на руските погранични области во последните неколку недели, но успеаја и да нападнат цели длабоко во руската територија. Според АФП, Министерството за одбрана соопшти дека соборило украинско беспилотно летало над централниот регион на Татарстан, но не прецизираше која била целта.

Unknown UAVs attack Tatarstan (still russia). More than 1000 km from the border with Ukraine. Both airports (in Kazan and Nizhnekamsk) are temporarily closed (carpet plan). pic.twitter.com/IfMxUd0WYs

— ✙ Albina Fella ✙ 🇺🇦🇬🇧🇫🇷🇩🇪🇵🇱🇺🇸🇨🇦🇦🇺 (@albafella1) May 15, 2024

Два аеродроми во регионот, вклучително и главниот центар Казан, беа привремено затворени во исто време, соопшти Росавијација, руската воздухопловна управа. „Со цел да се обезбеди безбедност на цивилните авиони, воведени се привремени ограничувања на работата на два аеродроми во Татарстан – Казан и Нижнекамск“, соопштија државните новински агенции.

Русија претходно соопшти дека во текот на ноќта неутрализирала 17 украински беспилотни летала кои Киев ги користел за напад на складиште за гориво во јужниот град Ростов, каде што се наоѓа воениот штаб на Москва за нејзината операција во Украина.

Два дрона предизвикаа експлозии во складиште за гориво во Ростов, без да предизвикаат пожар или повредени, изјави локалниот гувернер Василиј Голубев на Телеграм, пренесува АФП.

Телата на две лица Р.А. (69) и М.А. (61), биле пронајдени во куќа во населбата кај Фоча, а според првичните информации мажот ја убил сопругата, а потоа и себеси, потврдија за Радио Фоча во Полициската управа Фоча.

Телата биле пронајдени вчера околу 17 часот по пријава во полиција.

На местото на настанот излегле службеници од полициската управа Фоча заедно со Итната медицинска помош“, додаваат од полицијата.

Оттаму додаваат дека полициски службеници го пронашле телото на жената М.А. и мажот Р.А. со повреди предизвикани од употреба на огнено оружје.

Обвинителот на Окружното обвинителство Требиње е запознаен со се, а најверојатно се работи за убиство и самоубиство.

Во Клиничката болница Фоча денеска ќе се изврши обдукција на телото на брачните другари