Македонија
Речиси 200 компании со профит над 10 милиони евра заедно ќе платат 77 милиони евра данок на солидарност

Според евиденцијата на Управата за јавни приходи, лани речиси 200 компании пријавиле приход поголем од 10 милиони евра. Директорката на Управата за јавни приходи, Сања Лукаревска, очекува од нив во буџетот со данокот на солидарност да се слеат 77 милиони евра.
„Врз основа на сите евиденциски анализи што ги имаме направено, во согласност со даночните биланси што ги имаат доставено компаниите, приближно 200 компании би требало да бидат опфатени со овој данок на солидарност. Зборуваме за споредбени податоци од 2022 година, 2021 година и така натаму. Очекувањата се дека околу 76-77 милиони евра би се влеале во буџетот преку овој еднократен данок на солидарност“, рече директорката Лукаревска.
Предлог-законот за данок на солидарност со европско знаменце е во собраниска процедура. Предложен е од Министерството за финансии и предвидува воведување данок за солидарност во 2023 година како еднократна давачка за компаниите што во 2022 година оствариле вкупен приход поголем од 615.000.000 денари или 10 милиони евра.
Законот вторпат стигнува во Собранието и овој пат ќе се носи во скратена постапка оти е со европско знаменце.
Стопанската комора веќе се изјасни против дополнително даночење на успешните компании.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Полицискиот број не е во функција, граѓаните да се јавуваат на 112

Поради технички причини не е во функција телефонскиот број 192, информира Секторот за внатрешни работи Скопје.
-За било каква пријава или информација, граѓаните на Скопје можат да го користат бесплатниот телефонски број 112 или телефонските броеви на полициските станици во населбите каде живеат, посочуваат од СВР Скопје и додаваат дека се преземаат мерки бројот 192 што побрзо да се врати во функција.
Македонија
Цел Аеродром без струја поради голем пожар на Вардариште

Голем пожар изби попладнево на дивата депонија Вардариште каде што е зафатен поголем простор и постар објект.
Во моментот интервенираат 13 пожарникари со 5 ПП возила, а исклучени се далекуводите за Аердром и Лисиче заради пожарот.
Македонија
Мицкоски: Од земја во која криминалот и корупцијата беа секојдневие, станавме земја на економски раст, победи и стабилност

Континуираниот раст на индустриското производство е многу добра вест за македонската економија. Индустриското производство во јули оваа година порасна за 4,1 процент споредено со истиот месец минатата година. Јули е првиот индикатор за третиот квартал од 2025 година, напиша премиерот Христијан Мицкоски на својот фејсбук профил.
-Преработувачката индустрија е носечки фактор за порастот на индустриското производство со раст од 7 отсто споредено со истиот месец минатата година. Кумулативно индустриското производство од почетокот на годината заклучно со месец јули (во првите седум месеци од 2025 година) порасна за 3 отсто споредено со истиот период минатата година, а преработувачката индустрија порасна за истиот период 4,5 отсто. Целосно се менува структурата на македонската економија, се вели во постот од Мицкоски.
Нагласува дека расте бројот на туристи и бројот на ноќевања, расте бруто-домашниот производ, расте цената на откуп на земјоделските производи, расте градежништвото, расте трговијата итн…
-Од земја во која криминалот и корупцијата беа секојдневие, а анти националната политика беше заштитен знак за владата, сега сме земја на економски раст, победи и стабилност. Чекор по чекор ќе направиме и многу повеќе. Нема откажување. Патриотска политика на дипломатијата со цел заштита на националните интереси, истакува премерот Мицкоски во својот пост на Фејсбук.