Македонија
Околу 500 тони медицински отпад фантомски исчезнува во официјалната евиденција
Најмалку 500 тони медицински отпад е количината која фантомски исчезнува кога ќе се споредат бројките на количеството од овој тип отпад што се собира во Македонија на годишно ниво и тоа што согорува во печката на Дрисла.
Како едно од најопасните жаришта што го причинуваат енормното загадување во Скопје и околината, граѓанските активисти го посочуваат токму согорувањето на медицинскиот отпад.
Количината на медицинскиот отпад што ја посочуваат институциите не е прецизна и веројатно далеку ја надминува официјалната статистика. Ако се земат предвид и сомнежите и сведоштвата на жителите од селото Батинци, кое се наоѓа до депонијата, дека медицински отпад нелегално влегува преку македонските граници и се истовара тука, тогаш се стигнува до фрапантни бројки и неконтролираното согорување создава смртоносно загадување на воздухот.
„Макфакс“ консултираше активисти од невладиниот сектор кои пред 4 години учествувале во регионален проект што ги вклучувал Македонија, Албанија, Косово, Босна и Херцеговина и Србија, а се однесувал токму на менаџирањето на медицинскиот отпад во регионот. Нивните анализи покажале дека станува збор за исклучително горчлив проблем и дека кај нас третманот на медицинскиот отпад не е контролиран од надлежните институции и се прават големи злоупотреби заради нечиј профит.
„Врз основа на нашите истражувања државата нема точна бројка за тоа колкава е количината на медицинскиот отпад што се создава во земјата. Иако се манипулира со некоја количина од 1.300 тони, количеството е многу поголемо. Но, дури и да е така инселераторот на Дрисла нема капацитет да согори повеќе од 900 000 килограми па во тој случај каде е разликата, односно каде се речиси 400 тони на отпад. Тоа изразено во бројки за транспорт се 15 шлепери или 25 специјални контејнери за транспорт“, вели Душко Христов, еден од партиципиентите во регионалниот проект кој ја истражувал оваа тема.
Според Христов, нивните истражувања покажале дека во Македонија се прави и несоодветен транспорт на опасниот отпад, односно механичкиот и органскиот медицински отпад се меша.
„Во цивилизираните земји оној органски отпад (мртвородени фетуси,тумори и други хируршко отстранети материи) се согорува во крематориуми. Кај нас ова гори заедно со останатиот медицински отпад во печката која работи со многу мал капацитет. Целата оваа приказна, вклучувајќи ги и сомнежите дека преку границите се внесува отпад што не е детектиран од страна на граничните служби, станува еден волшебен круг во кој интересите на поединци се ставаат над интересот за безбеден живот на граѓаните“, вели Христов.
Од Институтот за јавно здравје, професорот Михаил Кочуловски за „Макфакс“ изјави дека собирањето, транспортот и уништувањето на медицинскиот отпад во Македонија се врши во согласност со законските прописи.
„Ние немаме сознанија дека медицинскиот отпад има несоодветен третман. Се почитуваат сите законски прописи. Од болниците истиот се транспортира во ‘Дрисла’ и таму се уништува, а тоа не создава никаква опасност по јавното здравје“, вели Кочуловски.
Последните податоци покажуваат дека количествотоа согорен медицински отпад во изминативе години рапидно расте
Пред 1 година „Балкан грин енерџи њуз“ пишува дека Министерството за животна средина ќе направи проект за изградба на регионални депониии насекаде во земјата кои ќе бидат по највисоки европски стандарди, а ќе биде финансиран од фондовите на Европската Унија. За овој проект требале да бидат обезбедени 38,5 милиони евра од ИПА-фондовите.
Според податоците на Министерството за внатрешни работи во Македонија, постојат вкупно 54 активни и контролирани општински депонии, поделени на депонии со висок, среден и низок ризик, како и 270 неконтролирани депонии во скопскиот регион со близу 5.512 кубни метри на отпад.
Од „Дрисла“ тврдат дека капацитетот на печката за согорување на медицински отпад е 3 тони дневно.
„Вкупната количина согорен отпад во печката во 2018 година е 989.112 килограми. Медицинскиот отпад се селектира во медицинските јавни и приватни установи каде што се пакува во посебни кутии и вреќи за медицински отпад согласно со законските прописи за постапување со опасен отпад, и самите установи ставаат декларација за видот на медицинскиот отпад, а Дрисла не ги отвора кутиите и вреќите пред да го согори отпадот во печката“, тврдат од „Дрисла“.
Основното јавно обвинителство лани по допрен глас отвори постапка за незаконито работење на депонијата „Дрисла“. Државниот инспекторат за животна средина со вонреден инспекциски надзор пред година и пол утврди поголемо испуштање на јаглероден моноксид, сулфур двооксид и прав надвор од дозволените вредности.
Жителите на селото Батинце блиску до депонијата постојано се жалаат дека дишат чад. Докторите по медицина велат дека чадот од согорувањето на медицинскиот отпад ако не е соодветно филтриран преку респираторните органи многу токсично дејствува врз човековото тело.
Министерството за здравство вчера најави дека вакцините со поминат рок исто така ќе бидат уништени во „Дрисла“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно време во Македонија – утре дожд и снег, нов бран врнежи од вторник
Времето утре променливо облачно со слаби локални врнежи од дожд и снег, а на некои повисоки места и на планини од слаб снег. Ќе дува слаб до умерен ветер претежно од североисточен правец. Минималната температура ќе биде во интервал од -6 до 1, а максималната ќе достигне од 2 до 7 степени.
Во Скопје, променливо облачно со слаб ветер од североисточен правец. Минималната температура ќе се спушти до -3, а максималната ќе достигне до 5 степени, јавува УХМР.
Во следните денови ќе преовладува променливо облачно време. Во понеделник и во вторник преку денот времето ќе биде стабилно и суво. Во вторник кон крајот на денот, во текот на ноќта и во среда се очекуваат нови врнежи претежно од снег.
Македонија
Демант на Министерството за социјална политика, демографија и млади во врска со ЈУМЦСР Тетово
Министерството за социјална политика, демографија и млади најостро ги демантира наводите изнесени во јавноста за наводно непостапување по случајот во ЈУМЦСР Тетово.
„Ваквите обвинувања се целосно неосновани, неточни и спротивни на фактите.
Инспекторите од Инспекциската служба при Министерството за социјална политика, демографија и млади редовно вршат инспекциски надзори од сите видови (редовни, вонредни и контролни) во ЈУ Меѓуопштински центар за социјална работа Тетово, како субјект на инспекциски надзор.
Во рамки на овие надзори, меѓу другото, континуирано се врши инспекциски надзор над постапките за остварување на правата од парични давања, и тоа: правото на гарантирана минимална помош, правото на социјална сигурност за старите лица и правото на паричен надоместок за помош и нега од друго лице.
Во спроведените инспекциски надзори (редовни, вонредни и контролни) континуирано се изрекуваат соодветни инспекциски мерки со цел отстранување на констатираните неправилности. По исцрпување на инспекциските мерки, согласно законските одредби, се преземаат мерки за утврдување одговорност и поведување соодветни постапки против сторителите на утврдените повреди, вклучително и поднесување соодветни пријави до надлежните органи. Притоа, поголем дел од кривичните постапки што се водат пред Јавното обвинителство се иницирани од инспекторите од Инспекциската служба при Министерството, самостојно или во соработка со Јавното обвинителство.
Во однос на постапките за остварување на наведените права од социјална заштита, инспекторите за социјална заштита од Секторот за инспекциски надзор во областа на социјалната заштита и заштитата на децата, во ЈУ Меѓуопштински центар за социјална работа Тетово, во текот на 2024 година спроведоа два (2) вонредни инспекциски надзори по поднесени иницијативи од граѓани и шест (6) контролни надзори за следење на спроведувањето на инспекциските мерки изречени со решенија од 2023 година, при што беа утврдени неправилности во 76 предмети. Во 2024 година беа донесени и решенија со кои се изречени инспекциски мерки за уште седум (7) предмети.
Во текот на 2025 година е спроведен еден (1) редовен инспекциски надзор со утврдени неправилности во шест (6) предмети, еден (1) вонреден надзор со утврдени неправилности во пет (5) предмети, како и шест (6) контролни надзори со кои е вршен надзор над спроведувањето на инспекциските мерки изречени со решенија донесени во 2024 и 2025 година.
Во рамки на сите спроведени инспекциски надзори утврдени се неправилности во вкупно 94 предмети. Согласно спроведените контролни надзори, констатираните неправилности се отстранети во 88 предмети, по што инспекциската постапка е запрена. Исклучок претставува еден надзор спроведен во 2025 година, во кој се утврдени неправилности во шест (6) предмети, за кои контролниот надзор ќе се спроведе по истекот на рокот утврден за спроведување на инспекциските мерки.
Важно е да се напомене дека во случаи кога инспекторите ќе констатираат неоснована исплата на средства, ги известуваат/задолжуваат надлежните институции, да постапат согласно законските прописи, како и да се преземат мерки за утврдување индивидуална одговорност и поведување соодветни дисциплински, прекршочни или кривични постапки против одговорните лица, во согласност со важечката законска регулатива“, се вели во демантот.
Македонија
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран Заев, од позиција на власт, вршеле притисок врз доктор Жан Митрев со цел да му ја одземат сопствената болница.
Стојаноски се повика на интервју на Митрев во кое докторот раскажа дека Филипче и Заев му се заканувале, а институциите ја блокирале неговата лична сметка, како и сметката на болницата. Дополнително, како што наведе, била изречена и забрана за продажба на болницата, која, според сведоштвото, била укината веднаш штом политичарите изразиле интерес за откуп.
„По само една недела, ЈО му ја отстранило забраната. Како е ова можно?“ – праша Стојаноски.
Тој исто така, повикувајќи се на интервјуто, рече дека Филипче и Заев сакале да ја купат болницата по цена далеку пониска од реалната, нарекувајќи го ова уште еден пример за злоупотреба на моќта во време на здравствена криза.
„Додека луѓе умираа секојдневно од КОВИД, тие се занимавале со сценарија за одземање болници“, изјави Стојаноски.
Пратеникот од редовите на ВМРО-ДПМНЕ го повика Јавното обвинителство да го истражи случајот и неселективно да постапи.
Брисел со поддршка за Данска и Гренланд; Фон Дер Лајен порача: Царините на Трамп се закана за трансатлантските односи
Претседателката на Европската комисија, Урсула фон дер Лајен, предупреди на опасноста од воведување царини, кои, според неа, би ги поткопале...
Трамп воведува царини за 8 европски земји: „Ќе плаќаат додека не го преземам Гренланд“
Претседателот на САД, Доналд Трамп, најави бран зголемување на царините за европските сојузници додека на САД не им биде дозволено...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
Mицкоски очекува добри вести во наредните денови од САД
Премиерот Христијан Мицкоски изјави дека очекува наскоро добри вести за македонските граѓани од САД. Тој појасни дека суспендирањето на визите...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство,...
Почината жена пронајдена во стан во Струга
Вчера во 17:50 часот во ОВР Струга е пријавено дека во стан во Струга е пронајдена почината А.М.(57) од кичевското...
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи...
Саудиска Арабија, Катар, Турција и Оман испратија предупредување до Трамп
Саудиска Арабија, Катар, Турција и Оман го повикаа американскиот претседател Доналд Трамп да не започнува воздушни напади врз Иран, стравувајќи...
