Македонија
Опомена за претседателката на Советот на Општина Битола поради неправилности во разрешувањето на членови во управните и надзорните одбори
На барање на градоначалникот на општина Битола, Тони Коњановски, Државниот инспекторат за локална самоуправа на 09.06.2023 извршил вонреден инспекциски надзор во Општина Битола, за работата на Советот и именувањата и разрешувањата на членовите во управните и надзорните одбори. По направената анализа, до градоначалникот било доставено известување од решението со опомена за постапување доставено до Претседателката на Советот на општина Битола.
Според информациите во решението, опомената на Претседателот на Советот се изрекува за неправилности при донесените решенија за разрешување на членовите во Управните и надзорните одбори на ЈКП „Водовод“ Битола, „Комуналец“ Битола, „Изградба и одржување на јавен простор“, „Пазари“ Битола, „Жабени“ Битола, „КИЦ“ Битола. Неправилностите се однесуваат на непочитување на одредбите од член 17 ѓ и 26 а од Законот за јавни претпријатија.
„Претседателката на Советот не ги испочитувала одредбите од член 17 ѓ од Законот за јавни претпријатија, цитираме: Основачот може да ги разреши сите членови на управниот одбор на јавното претпријатие пред истекот на мандатот доколку не даде согласност на годишната сметка и извештајот за работењето на јавното претпријатие, согласно со членот 11 точка 7 од овој закон.
Во конкретниот случај не се исполнети условите за разрешување на сите членови на Управните и Надзорните одбори на шесте јавни комунални претпријатија, бидејќи тие се предложени и избрани од оваа структура на Советот на општина Битола, по локалните избори 2021 година, имаат време до крајот на нивниот мандат и дека ги имаат усвоено и годишната сметка и извештајот за работењето на јавните претпријатија.
Мнозинството членови на Советот на Општина Битола, неправилно постапи и со едно решение ги разрешува членовите на Управните и Надзорните одбори на шесте ЈКП“, стои во решението на Државниот инспекторат, а во продолжение инспекторот додава:
„Советот на општина Битола не постапил и во согласност со член 17 ѓ, точка 5. Што се однесува до успорените акти, донесени на 27 седница на Советот на општина Битола, кои не се донесени во согласност со член 17 ѓ од Законот за јавните претпријатија, се доставува известување со опомена до Претседателот на Советот на општина Битола, како задолженија за постапување: во рок од 15 дена од приемот на решението, успорените акти да ги стават на седница на повторно разгледување, а донесените акти да бидат во целосна согласност со Законот за јавните претпријатија“, се наведува во решението од Државниот инспекторат, на кое претседателката има рок на жалба од 15 дена.
Во врска со побараниот инспекциски надзор од Претседателката Илиевска и необјавувањето на дел од актите од оваа седница, поврзани со именувањата и разрешувањата на членовите на управните и надзорните одбори, инспекторот му укажува на градоначалникот Коњановски, дека во иднина, во таквите случаи, потребно е писмено да се извести Претседателот на Советот, со образложение дека, донесените акти од советот нема да се објавуваат во службеното гласило на општината, бидејќи не се во согласност со законските решенија, се истакнува во официјалното соопштение од Општина Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..