Македонија
(Видео) Опуштено и со кренати чаши Ковачевски, Вучиќ и Милатовиќ запеаја на вечера во ресторан во Белград

Премиерот Димитар Ковачевски, по свеченото отворање на Вториот меѓународен саем за вино, заедно со домаќинот, српскиот претседател Александар Вучиќ, и претседателот на Црна Гора, Јаков Милатовиќ, и други беа на вечера во ресторан во Белград.
Српскиот претседател Александар Вучиќ на инстаграм-профилот „Будуќностсрбијеав“ објави видео од ресторанот во кој заедно со Ковачевски и Милатовиќ ја отпеа песната „Дајте вина, хоќу лом“.
Sieh dir diesen Beitrag auf Instagram an
Во опуштена и позитивна атмосфера, со кренати чаши, Ковачевски Вучиќ и Милатовиќ ја пееја „Дајте вино, хоќу лом“.
„Да живее пријателството меѓу Црна Гора, Македонија и Србија!“, напиша Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.