Македонија
Општина Аеродром изготвува втора верзија на ДУП за дел од населбата Лисиче: прифатени некои од забелешките

Во Општина Аеродром веќе тече постапката за ревидирање на првата и изработка на втора ревидирана верзија на детаљниот урбанистички план за дел од населбата Лисиче. Комисијата за урбанизам во општината ги разгледа и прифати најголем дел од забелешките што граѓаните ги доставија во рамките на јавната анкета, информираат од Општината.
По завршување на оваа фаза, според Општината, планерската фирма веќе изработува, а Општина Аеродром набргу ќе ја објави новата ревидирана верзија на детљлниот урбанистички план, кој како и досега во рамките на отворена и транспарентна постапка ќе биде изложен на јавна анкета и ќе биде презентиран пред граѓаните и медиумите.
„Интересот на граѓаните е приоритет во носењето на сите одлуки во Општина Аеродром, вклучително и оние од областа на урбанизмот. Одлуките што ги носи Општина Аеродром имаат единствена цел – решавање на клучните проблеми и подигнување на квалитетот на живеење во општината. Финалната верзија на детаљниот урбанистички план за овој дел од општината ќе биде направен во согласност со потребите и барањата на граѓаните“, истакнуваат од Општина Аеродром.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.