Македонија
Општина Битола најави поддршка за Македонците од Мала Преспа

Градоначалничката на општина Битола, Наташа Петровска, во својот кабинет оствари средба со Ефтим Митревски, активист за човекови права од Мала Преспа, Република Албанија, и претставник на македонското малцинство во комитетот за национални малцинства во албанската влада.
Целта на оваа средба, како што посочија од Општината, била запознавање на градоначалничката Петровска со состојбата на Македонците во Мала Преспа и идна можна соработка, пред сè во однос на печатењето на весникот „Мала Преспа“, кој се издава на македонски јазик во Албанија.
Градоначалничката Петровска доби покана да учествува на симпозиумот за македонскиот писател Стерјо Спасе, кој се смета за еден од најзначајните претставници на современата албанска литература и е еден од најуспешните писатели од македонско потекло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 13.00 часот, корисниците од ул. Пелистерска 4-1/8. (општина Карпош)
– во периодот од 09.00 до 14.00 часот, корисниците од улиците бр. 3 и бр. 5 како и околните објекти во нивна близина во Сарај.(општина Сарај)
Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.