Македонија
Општина Центар почна со реализација на проектот „Училишни сообраќајни единици“

Поради зголемената грижа за безбедноста на учениците, Општина Ценар реализира низа проекти, чија цел е зголемување на безбедноста на учениците при нивното доаѓањe и заминување од училиште.
Општина Центар во соработка со СВР Скопје и со поддршка на „Америт сиз Македонија“ почна со реализација на проектот „Училишни сообраќајни единици“, соопштија од Општината.
„Безбедноста на учениците е еден од главните наши приоритети. Имaјќи предвид дека повеќето од нашите училишта се сместени на високофреквентни локации, Општината прави напори да ја зголеми нивната безбедност. Сакам да ја изразам мојата благодарност до СВР Скопје и до „Америт сиз Македонија“ како општествено одговорна компанија што ни даде безрезервна поддршка за овој проект. Исто така, очекувам долгорочно зголемување на безбедноста на учениците во рамките на европските стандарди на безбедност“, изјави градоначалникот Саша Богдановиќ.
Членовите на училишната сообраќајна единица, информираат од Општината, обезбедуваат премин на учениците преку коловоз пред училиштата (исклучиво во присуство на наставник и службено лице од МВР), учествуваат во спроведување сообраќајно-воспитни акции, даваат информации на учениците во сообраќајот за објектите во чија близина ги извршуваат своите задачи, а им укажуваат на учениците во сообраќајот на грешките што ги прават поради превентивно и воспитно дејствување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.