Македонија
Османи: Европската банка е наш значаен партнер во имплементацијата на реформите на Македонија

Во просториите на Секретаријатот за европски прашања заменик-претседателот на Владата на Република Македонија задолжен за европски прашања, Бујар Османи, оствари средба со претставници на Европската банка за обнова и развој.
На средбата беше презентирана новата Стратегија за соработка помеѓу Македонија и ЕБОР за 2018-2023, статусот на имплементација на проектите финансирани од страна на ЕБОР, како и активностите што се преземат во иднина во рамките на заедничката соработка.
Претставниците на ЕБОР истакнаа дека во нацрт-верзијата на новата Стратегија за соработка со Македонија за периодот 2018-2023 се идентификувани приоритетните области кои ќе бидат во фокусот на соработката со нашата земја во наредниот период. Во овој контекст вицепремиерот Османи потенцираше дека стратешките приоритети на соработката на ЕБОР со Македонија за периодот 2018-2023 се во согласност со програмата на Владата и агендата на ЕУ во кои е планирана поддршка на конкурентноста и регионална интеграција.
Османи додаде дека соработката помеѓу Македонија и ЕБОР дополнително е интензивирана преку инструментот Инвестициска рамка за Западен Балкан (ВБИФ), како дел од Агендата за поврзување. Овој инструмент внесе видлива дополнителна динамика на процесот на Европска интеграција во регионот на Западен Балкан преку кој земјите можат да аплицираат за добивање грант-средства за техничка помош и инвестиции за имплементација на проекти финансирани со заеми од меѓународни финансиски институции и билатерални кредитори во секторите: енергетика, транспорт, животна средина, како и социјалниот и дигиталниот сектор.
Вицепремиерот Османи изрази благодарност за поддршката од ЕБОР, со чија помош преку ВБИФ досега Македонија има добиено околу 102 милиони евра инвестициски грант-средства за инфраструктура, од кои 82 милиони евра (12 милиони евра за проектот „400 kV интерконекција Македонија (Битола) – Албанија (Елбасан) и 70 милиони евра за „Проект рехабилитација на источниот дел од железничката пруга на Коридор VIII – трета делница (Крива Паланка – Деве Баир, граница кон Р Бугарија)“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.
Македонија
ВМРО-ДПМНЕ: Шукова позната како трујач на скопјани се слика кај „ОХИС“, најголемата рана на Скопје

Шукова позната како трујач на скопјани се слика кај „ОХИС“, најголемата рана на Скопје – депонија со линдан која нејзината партија СДС ја премолчуваше, реагираат од ВМРО-ДПМНЕ на обвинувањата од кандидатката за градоначалничка на Скопје од СДСМ, Каја Шукова.
„Екс-министерката Шукова позната како трујач на скопјани, кога веќе реши да позира покрај „ОХИС“, нека се потсети дека таму стои најголемата отворена рана на Скопје – депонијата со линдан, канцерогената бомба што со години го труе нашиот град, а таа и нејзината партија ја премолчуваа.
А кога веќе спомнува кафе и прошетки, нека застане и во „ТИТАН Усје“, таму каде што СДС и ДУИ, заедно со неа, имаа одлична „соработка“ во труењето на скопјани.
Токму таа ќе остане запаметена по скандалозниот предлог за увоз на отпад од цела Европа и негово согорување во Македонија.
Замислете, со европско знаменце, директно потпишано од СДС-ДУИ.
Тоа беше нивниот план за градот и за граѓаните!
Кандидатката во обид, пуштена од сопствената партија само за да изгори, денес се обидува да зборува за инфраструктура. Нека не се грижи, булеварите ќе бидат завршени и тоа експресно, но од идниот градоначалник на Скопје, Орце Ѓорѓиевски.
Канцерот на скопјани, СДС и нивното време завршува.
Единственото нешто што можат да поправат се сопствените редови по силниот пораз“, пишува во реакцијата.
Македонија
(Видео) Јанковиќ: Наместо лаги за Филипче, Бојан Стојановски да се покаже во Собрание и нека гласа за минимална плата од 500 евра

Наместо лаги за Филипче, Бојан Стојановски да се покаже во Собрание и нека гласа за минимална плата од 500 евра, изјави Јовица Јанковиќ од СДСМ.
„Со ВМРО-ДПМНЕ граѓаните осиромашуваат. Ударот врз куповната моќ на граѓаните е резултат на неспособноста на владата на ВМРО-ДПМНЕ и дебаклот на сите нивни промашени економски политики. Бидејќи ВМРО-ДПМНЕ не испорача никаков резултат а разочарувањето кај граѓаните е огромно штанцаат невистини за Венко Филипче. Очигледно Бојан Стојановски одработува за нечии бизнис интереси штим зборува лаги во кои ниту тој самиот не верува. За катастрофалната економска состојба во која ја доведоа државата се знае кој е крив, тоа е ВМОР-ДПМНЕ и неспособната влада“, рече тој.
Јанковиќ вели дека Бојан Стојановски може да докаже на дело дека навистина мисли на работниците и на граѓаните, во македонското Собрание.
„Еве, за почеток нека ги поддржи предлозите на СДСМ за: зголемување на минималната плата на 500 евра, укинување на ДДВ за храната и основните прехранбени производи, континуирано покачување на платите во сите сектори. Понатаму, нека ги повика и неговите колеги од ВМРО-ДПМНЕ да гласаат за овие решенија и да побара од неговата влада да се откаже од луксузирањата со парите на граѓаните за папаја и манго“, рече Јнаковиќ.