Македонија
Османи: Експертската мрежа на ОБСЕ е уште една одредница на Претседавањето на Македонија со ОБСЕ

Претседавањето на Северна Македонија со ОБСЕ постави уште една одредница во градењето на односите со граѓанското општество преку воспоставувањето на Експертската мрежа на ОБСЕ. Оваа мрежа има за цел да ги истражи бројните динамични трендови на соработка во областа на безбедноста во Европа и клучната улога што ја имаат организациите како ОБСЕ и тинк-тенковите во обликувањето на политиките во овој критичен домен.
Ова го истакна Претседавачот со ОБСЕ и министер за надворешни работи, Бујар Османи на денешниот настан организиран во рамки на Претседавањето со ОБСЕ – Стратегиско предвидување во променлива средина: Перспективи за соработка и безбедност во Европа – Градење на експертска мрежа на ОБСЕ што се одржува во Скопје.
„Северна Македонија, вклучително и МНР имаат модел за консултации и соработка со тинк-тенкови кои можеме да ги споделиме. Модел кој претставува формална точка за консултации и дијалог за развој на политики, што нуди редовни можности за средби меѓу креаторите на политиките и истражувачите на политиките, модел кој служи како платформа за размена на идеи, податоци и анализи“, истакна Османи.
Како што рече Османи, учесниците во Експертската мрежа на ОБСЕ ќе се фокусираат на неколку прашања коишто влијаат на безбедноста, како што се сајбер заканите и нападите и зајакнување на подготвеноста за соодветен одговор.
„Тоа подразбира зајакнување на инфраструктурата, комуникациските мрежи и механизмите за одговор на различни форми на закани, без разлика дали тие произлегуваат од природни катастрофи, сајбер напади или хибридна војна“, рече Османи.
Но, тоа ОБСЕ не може да го направи самостојно и затоа во голема мера соработува и се потпира на искуството и на експертизата на тенк-тенковите кои придонесуваат за подобрување на политиките кои се носат и градење на капацитетите на институциите, додаде Османи.
„Тинк-тенковите служат како независни чувари, нудејќи проценки за ефективноста и влијанието на политиките и иницијативите на ОБСЕ. ОБСЕ е отворена и транспарентна организација, го цени секое мислење и ги слуша сите засегнати страни. Соработката помеѓу тинк-тенковите и ОБСЕ преку оваа експертска мрежа, како и на конкретни истражувачки проекти или иницијативи ќе биде доказ за односот меѓу двете. Ова партнерство ќе го подобри квалитетот и длабочината на анализите презентирани на земјите-учеснички и различните тела, ќе ги подобри политиките и ќе ги зголеми нивоата на истражување, а во крајна линија ќе го подобри и животот на луѓето“, истакна Османи.
Следејќи го основното мото на Претседавањето на Северна Македонија со ОБСЕ „За луѓето се работи“, Османи во рамки на Претседањето со ОБСЕ именуваше специјален претставник за невладини организации на Претседавачот на ОБСЕ, Андреја Стојковски.
На дводневниот состанок на Експертската мрежа на ОБСЕ ќе присуствуваат голем број на претставници на организации партнери на ОБСЕ како и на тинк-тенкови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Вреди“ почна да слави победа за Чаир

„Вреди“ очекува убедлива победа уште во првиот круг на Изет Меџити во Чаир, над опонентот од ДУИ, Бујар Османи.
Пред изборниот штаб веќе почна славење.
Според партиските анализи, „Вреди“ води и во Сарај, Желино, Теарце.
Очекуваат 4 до 7 градоначалнички места уште во првиот круг.
Македонија
Кандидатот на ВМРО-ДПМНЕ во Штип: Разликата е над 15.000 гласови, благодарам штипјани!

Кандидатот за градоначалник на ВМРО-ДПМНЕ за општина Штип, Иван Јорданов на социјалните мрежи објви дека градот направил вистински избор со разлика од над 15.000 гласови, или сооднос 6:1!
„Денес испишавме историја за нашиот град. Политичката зрелост Штип ја докажа со поддршка на веќе воспоставена локална самоуправа. На овие избори победи вербата во она кое го сработивме, енергијата која секојдневно ја вложуваме и отвори можност за нови резултати на секое поле. Новиот мандат нема да биде нова иднина, туку сегашност што сме ја посакувале! Благодарам мој Штип! Благодарам мои штипјани!“, напиша Јорданов.
Македонија
46, 65 проценти е одзивот на гласачи до 18:30 часот, соопшти ДИК

Државната изборна комисија ја соопшти излезноста до 18:30 часот на првиот круг на локалните избори во Македонија.
„Последниот одзив е до 18:30 часот, одзивот на ниво на државата изнесува 46,65%, односно излегле да гласаат 803.091 граѓанин, од 94,62% од обработените избирачки места“, рече претседателот на ДИК, Борис Кондарко.
„Во споредба со Локалните избори во 2021 година, вкупниот одзив тогаш изнесувал 49,98%“, додаде Кондарко.
Конечниот одзив од изборите ќе биде познат после полноќ, за кога е најавена уште една прес-конференција, според Кондарко.
Генералниот одзив до 18:30 часот за Град Скопје изнесува 46,64%, информира ДИК.
„Три општини, Центар Жупа, Маврово и Ростуше и општина Врапчиште во моментов имаат помалку од една третина на излезност од вкупниот број на запишани избирачи во ИС. За избран кандидат во првиот круг на гласањето за градоначалник се смета оној кандидат кој добил мнозинство од гласовите под услов во соодветната општина да излегле да гласаат најмалку една третина од запишаните гласачи“, појасни Кондарко.
Според ДИК сите изибирачки места биле навреме отворени. Целокупниот тек на постапката за гласање бил спроведен без никакви проблеми. Сите изборни дејствија беа спроведени согласно Изборниот Закон и упатствата за работа на ДИК, појасни Кондарко.