Македонија
Османи за средбата во Тирана: Нема никаква конспирација туку размена на мислења за регионални прашања

Министерот за надворешни работи Бујар Османи изјави дека утрешниот состанок на албанскиот премиер Еди Рама со лидерите на политичките партии на Албанците од Македонија во Тирана е новогодишна средба со цел размена на мислења по однос на актуелните прашања од регионот.
Османи вели дека Рама е докажан пријател на Северна Македонија и затоа смета дека не треба да се создава конспирација околу овој состанок.
„Очигледно, оваа година ќе биде година на предизвици за регионот. Сепак, се наоѓаме во година во која што се уште постои војна во нашиот континент во кој што постојат бројни регионални предизвици, заедничките аспирации на двете земји за продолжување на преговорите за членство во Европската унија“, рече Османи одговарајќи на новинарски прашања.
Рама на средбата во Тирана ги поканил лидерите на ДУИ, Али Ахмети, на Алијансата за Албанците, Арбен Таравари, на Движењето Беса, Билал Касами, на Алтернатива, Африм Гаши и на ДПА, Мендух Тачи.
Пратеникот од Движењето Беса, Фадил Зендели денеска изјави дека тие нема да присуствуваат на средбата бидејќи е во полза на ДУИ, а секогаш кога оваа партија има внатрешни превирања се одржуваат вакви средби во Тирана.
„Како политичка партија Движење Беса не сме подготвени да седнеме на иста маса со ДУИ. Во овој момент на ДУИ му е потребна средба во Тирана“, рече Зендели.
Од кабинетот на Рама не ја објавија агендата за средбата, а министерот Османи рече дека нема однапред предвидена агенда за што ќе се разговара.
Претходно опозициската ВМРО-ДПМНЕ реагираше дека само СДСМ нема против оваа средба, каде што за македонските прашања – се координираат во Тирана.
„Очигледно, Али ќе ја учи и Тирана за зелената агенда или Тирана ќе спрема втора тиранска платформа, која после Али ќе му ја даде на Ковачевски?“, се посочува во соопштението од опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Двајца браќа обвинети за убиство и за обид за убиство на подмолен начин

По спроведена истражна постапка, јавен обвинител од Основното јавно обвинителство Скопје денеска поднесе Обвинителен акт против две лица кои како соизвршители се товарат дека сториле едно кривично дело – Убиство од член 123 став 2 точка 1 и уште едно кривично дело – Убиство во обид предвиден со член 19 од Кривичниот законик.
Во текот на истрагата се обезбедени докази кои потврдуваат дека на 01.11.2024 година во Арачиново двајцата браќа на возраст од 23 и 31 година со умисла и на подмолен начин лишиле од живот едно лице и се обиделе да лишат од живот уште едно. Со двајцата оштетени – татко и син обвинетите се договориле да се најдат и да разговараат за наводен долг од 7.000 евра. Со автомобил пристигнале на договорената локација, но по краток разговор, едниот од обвинетите извадил огнено оружје – пиштол и започнал да пука кон жртвите. Од нанесените огнострелни повреди оштетениот татко починал, а синот се здобил со тешки телесни поврeди.
Јавниот обвинител до Основниот кривичен суд Скопје достави и предлог за продолжување на претходно определената мерка притвор за двајцата обвинети, бидејќи се уште постојат законските основи за најстрога мерка за обезбедување.
Македонија
Филипче ја следи политиката на Заев, кој со една раката на срцето се колнеше во македонската жичка, а со другата ја распродаваше, велат од ВМРО-ДПМНЕ

Венко Филипче се гордее со неговиот претходник, Зоран Заев и учи од него. Тој призна дека не сака да се одвои од неговата сенка и дека и народот треба да учи од неговото искуство и политики спроведени во минатото, велат од ВМРО-ДПМНЕ.
„Неговите политики спроведени во минатото од Заев, покрај криминал и корупција се предавството на националните интереси. Зоран Заев е човек кој со едната рака на срце се колнеше во македонската жица и тврдеше дека си ја сака земјата, додека со другата ја распродаваше. Откако со Бугарија влезе во процес на преговори и без око да му трепне, Заев прифати се што Бугарите од него побараа. Сега, таа попустлива политика на Зоран Заев спрема Бугарија, до најмал милиметар ја следи и неговиот наследник во СДС, Венко Филипче. Наместо државничка политика за заштита на националните интереси, Филипче инсистира на попустлива и политика на предавство на националните интереси“, според партијата на власт.
Од оваа партија оценуваат дека политиката на Филипче и СДС е предавничка.
„Пред некој ден потврди и Бујар Османи, кој призна дека со дозвола на СДС, со Бугарија преговарал за етнички прашања.
Со вакви погубни и предавнички политики и послушнички и поданички однос кон Заев, не е ни чудно што на последните анкети на јавното мислење, половина од граѓаните Филипче не го препознаваат за лидер на опозицијата“, додаваат од ВМРО-ДПМНЕ.
Со неговите потези, како што велат, Филипче само потврдува дека СДС продолжува да биде синоним за неспособност, криминал и предавства.
Македонија
„Како Тошковски и МВР штитат роднини на партиски функционери од ДПМНЕ“, СДСМ најави нов скандал

СДСМ извести дека денеска ќе објави нов скандал, поткрепен, како што велат и со видео докази, „како Панче Тошковски и МВР штитат роднини на партиски функционери од ДПМНЕ“.
„Брат да ми е ќе одговара? Дали е ова точно што го кажува Панче Тошковски или уште една голема лага? Дали роднините на партиските функционери од ДПМНЕ праваш што сакаат и никој не ги казнува“, прашуваат од СДСМ и додаваат дека за денеска за 11.30 часот е закажана прес-конференција, во седиштето на партијата.