Македонија
Османи и австрискиот амбасадор го посетија семејството на момчето кое загина во нападот во Виена
Министерот за надворешни работи Бујар Османи, заедно со австрискиот амбасадор, Георг Вутсас, беа во посета на роднините на 20-годишниот Неџип Вренези од Струга, кој беше еден од цивилите кои настрадаа во терористичкиот напад во Виена од пред неполн месец, што го изврши Австриец со потекло од Тетовско.
„Го изразивме нашето длабоко сочувство за нивната загуба, констатирајќи притоа дека е тоа загуба и за двете држави – Австрија и Северна Македонија, кои загубија чесен, работлив и лојален граѓанин“, истакна Османи, заблагодарувајќи се на срдечниот пречек на семејството Вренези кои ги примија пораките на жалење и сочувство во овие тешки времиња за нив.
Османи рече дека тероризмот е опасна закана, од која никој од нас, никаде не е заштитен.
„Неџип Вренези, иако со потекло од Велешта, тој бил роден во Виена, и бил среќен и успешен граѓанин на Австрија; млад, образован човек кој сакал да студира медицина“, истакна Османи, додавајќи дека тероризмот не само што не бира кого ќе загрози, туку не бира ниту каде.
Исто како и извршителите, и жртвите можат да бидат од било каде, со било какво потекло и на било кое место. Сите ние сме на некој начин жртва на оваа закана, сите сме потенцијална мета, и затоа мора заеднички да се спротивставиме и да со одбраниме од ова зло, нагласи Османи.
Министерот истакна дека со амбасадорот Вутсас се во постојан контакт уште од денот на овој терористички чин, уверувајќи дека двете земји имаат целосна доверба, блиска и ефикасна соработка на сите можни полиња, од безбедноста, информативна па се до политичка соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.
Македонија
Мицевски: Владата има зголемен буџет за реформи во МВР
На денешната Комисија за финансии и буџет, на амaндманската расправа за Предлог-буџетот за 2025 година, се обрати пратеникот од ВМРО-ДПМНЕ, Јане Мицевски кој посочи дека Владата има планирано доволна сума во буџетот за реформи во полицијата, во делот на јавната безбедност и во секторот за внатрешни работи и поради тоа амандманот се одбива.
„Оваа влада има предвидено пари за инвестиции во МВР. Ако погледнете добро, за реформи во полицијата има предвидено зголемување од 238 % во однос на 2024 година, во делот за јавна безбедност зголемување од 14%, во секторот за внатрешни работи зголемување од 58%, во центарот за обука само зголемување од 61% во однос на 2024 годин. Конкретно за опрема и машини повеќе една милијарда денари, а не како што вие барате во амандманот 10 милиони денари, така да десет пати повеќе имаме планирано“, изјави Мицевски.
Тој исто така истакна дека Спасовски додека бил на функција не направил ништо добро за државата, туку баш во тој период имало највисока стапка на криминал и корупција и многу неразрешени случаи.
Во однос на тоа, Мицевски образложи дека апсурдно е покрај сите овие работи, Спасовски да кажува како треба да биде во иднина, а државата е вратена сто години наназад токму поради претходната власт.
„Нели е смешно и срамота, осум години бевте министер за внатрешни работи, сега да кажувате што треба да се смени и што треба да се инвестира. Од друга страна, сакам да ве потсетам што направивте вие за изминативе осум години како што сте министер, дел технички дел министерство МВР? Највеќе криминални пресметки и убиства и нерешени случаеви во историјата на Република Македонија, ниту еден фатен ниту еден ставен во затвор, дадени еден тон пасоши на белосветски криминалци кои шетаа како бизнисмени во Македонија. Во ваше време рекордни шверцувани опојни дроги, ваши најблиски соработници со службени коли фамилијарно одеа по одмори, ваши соработници началници сега се избркани од МВР затоа што давале тајни на криминални групи“, рече Мицевски.