Македонија
Османи подарува 1,8 милион евра државни пари на најголемиот донатор на ДУИ, „Еуровија“ ДООЕЛ и Адеми, велат од ВМРО-ДПМНЕ

Од партијата ВМРО-ДПМНЕ велат дека најголемиот донатор на ДУИ, фирмата Еуровиа ДООЕЛ на поклон од Бујар Османи ќе добие 1.8 милиони евра државни пари.
„1.8 милиони евра преку МНР, Бујар Османи му дава на внукот на Абдулаќим Адеми, Елмедин Адеми преку фирмата Еуровиа ДООЕЛ, за адаптација на спортскиот центар Борис Трајковски. Според податоците од Бирото за јавни набавки за само една година, од 2021 до 2022 има пораст од над 100% односно приходот во 2021 година изнесувал 7,4 милиони евра, а веќе следната година скоро 15 милиони евра. Додека во дел на профитот, состојбата на фирмата на Елмедин Адеми, исто така оди во нагорна линија, особено во последните две години, односно профитот во 2021 година бил 576 илјади евра, а веќе во 2022 година 787 илјади евра“, велат од ВМРО-ДПМНЕ.
Како што посочуваат, наместо Османи да лаже и да се заплеткува во сопствените лаги, веднаш да го раскине договорот.
„Додека Елмедин Адеми зема народни пари, Бујар Османи се прави наудрен, знаел дека Адеми и фирмата Еуровиа ДООЕЛ дека се најголеми донатори на ДУИ, па потоа не знаел. Времето на крадење на Османи и ДУИ завршува. Следува одговорност и ревизија на сите криминални тендери на ДУИ поддржани од СДС. Секој денар кој што го украл ДУИ и СДС ќе биде вратен назад кај граѓаните ДУИзацијата на државата набрзо ќе заврши“, истакнаа од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).