Македонија
Османи: Русија остварува влијание преку незадоволството, а нема понудено алтернатива за Западен Балкан
Граѓаните знаат дека нема алтернатива, освен членство во ЕУ, порача министерот за надворешни работи на Македонија, Бујар Османи. Тој ѝ се заблагодари на Германија што не дозволува процесот за зачленување во ЕУ да стане билатерален. Смета дека со билатерализацијата „се оштетува атрактивноста за членство во ЕУ“.
„Влијанието на Русија во регионот е можна закана за мирот и стабилноста, помирувањето во регионот, Русија никогаш нема понудено алтернатива на Западен Балкан. Начинот на кој се обидува да го оствари своето влијание е преку бесперспективност и одржувајќи ги живи замрзнатите конфликти овде. И, се разбира, киднапирајќи го незадоволството на луѓето од тешкиот европски процес, трансформирајќи го тоа незадоволство како антиевропско“, рече Османи.
Тој додаде дека важно е враќањето на кредибилитетот.
„Првата работа е враќање на кредибилитетот дека процесот е сериозен. Никогаш не сум бил со повеќе самодоверба во кредибилитетот на овој процес од сега слушајќи ги речениците на министерката од Германија. Германија прва реагира да не се билатерализира процесот“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.