Македонија
Османи се сретна со дијаспората во Њујорк и Њу Џерси

Министерот за надворешни работи Бујар Османи за време на престојот во САД, се сретна и со претставници на дијаспората во Њујорк и Њу Џерси.
За време на средбите Османи ја потврди посветеноста на македонските институции за зајакнување на односите со дијаспората, преку систематизација на улогата и потенцијалот што припадниците на дијаспората ја имаат во новите средини во кои живеат.
Изрази благодарност за досегашните активности на дијаспората за зачувување на јазикот и културата, меѓу другото и преку реализација на дополнителна настава на мајчин јазик, при што имаше можност да ги посети училниците каде се изведува наставата.
Османи високо го оцени ангажманот на дијаспората за лобирање и промовирање на интересите на Северна Македонија пред највисоките претставници на американската администрација, политичките и бизнис елити, како и пред разните интересни групи во американското општество.
„ Дијаспората позитивно придонесува за нашиот имиџ во странство и е важен мост, кој не можеме ниту смееме да не се обидуваме и искористиме. Во услови на потенцирана промена на структурата на миграцискиот контингент и неговите растечки развојни потенцијали. потребата за воспоставување на посилна соработка со дијаспората е од исклучително значење“, нагласи Османи.
Детално се осврна на проектите на Министерството за надворешни работи последните две и пол години, реализирани и како резултат на апелот и интересот на дијаспората. Ги издвои, меѓу другите – дигитализацијата на конзуларните услуги (е-конзулат), поставувањето на базни и мобилни станици со кои за кратко време се обновува патната исправа, финансирањето на проекти за дијаспората, економските поволности за инвестирање во Северна Македонија.
Османи ги информираше соговорниците и за надворешно-политичкиот контекст, регионалната динамика и заокружувањето на стратешките цели на Северна Македонија, каде пристапниот процес за членство во ЕУ е од примарен интерес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Гужва на границите, на Табановце и Богородица се чека по 20-тина минути

Интензитетот на сообраќајот на патиштата надвор од градските средини е зголемен.
Поради летните одмори, се бележи зголемена фреквенција на возила, на ГП „Табановце” времето на чекање за влез и излез е околу 20 минути, за. На ГП „Богородица” времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата, информира АМСМ.
Поради пожар во националниот Парк Јасен, пак, регионалниот пат Р1106 Македонски Брод – Скопје затворен е за секаков вид на возила.
Сообраќајот на останатите државни патишта се одвива непречено, по суви коловози.
Македонија
Без вода дел од Центар

Од ЈП Водовод и Канализација известуваат дека денеска поради изведување на водоводен приклучок ф-100 мм на улицата Маџирмаало 11, општина Центар, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности.
Македонија
Дел од Зелениково денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа денеска, без електрична енергија ќе останат:
· од 08:00 до 15:00 часот, корисниците од дел од село Зелениково, општина Зелениково.