Македонија
Османи ќе ја презентира програмата на претседавањето на Македонија пред Постојаниот совет на ОБСЕ во Виена
![](https://makfax.com.mk/wp-content/uploads/2023/01/bujar-osmani-1.jpg)
Македонската делегација предводена од министерот за надворешни работи, Бујар Османи, денеска ја почнува официјалната посета на Виена во својство на претседавач со ОБСЕ во 2023 година.
Во согласност со работната агенда, денеска Османи ќе се сретне со министерот за надворешни работи на земјата домаќин на ОБСЕ, Александар Шаленберг, по што ќе одржи брифинг за претставниците на медиумите со кои ќе сподели информации за програмата на претседавањето на Македонија со ОБСЕ во 2023 година.
Утрешниот работен ден Османи ќе го почне со средба со генералната секретарка на ОБСЕ, Хелга Шмит, по што ќе се одржи главниот настан и неговото обраќање пред Постојаниот совет на ОБСЕ во својство на претседавач кога е предвидено да ја презентира програмата на претседавањето на Македонија со Организацијата.
Во своето обраќање министерот Османи ќе се осврне на предизвиците со кои ќе се соочи Македонија за време на претседавањето со најголемата светска регионална безбедносна организација во 2023 година имајќи ја притоа предвид длабоката политичко-безбедносна и економска криза, во која се наоѓа регионот на ОБСЕ. Османи пред Постојаниот совет ќе ја презентира програмата на претседавањето со мотото „За луѓето се работи“, во која примарен фокус ќе бидат токму луѓето и хуманата безбедност во ера на регионална и глобална несигурност и нестабилност.
Во текот на денот предвидено е Османи да оствари средба и со претседателот на Швајцарската Конфедерација, Алаин Берсет, со чија земја Македонија континуирано одржува цврсти билатерални односи. На средбата ќе бидат разменети мислења за актуелните случувања во регионот на ОБСЕ, како и за нејзината улога во справувањето со последиците предизвикани со руската агресија врз Украина.
Третиот и последен ден од посетата на Виена, Османи ќе се сретне со раководните структури на независните институции, како што е ОДИХР, со другите извршни тела на Организацијата, како и со шефовите на теренските мисии, вклучително и серија состаноци со специјалните претставници на претседавачот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Гаши на парламентарниот самит на НАТО во Вашингтон
![](https://makfax.com.mk/wp-content/uploads/2021/11/afrim-gashi-alternativa.jpg)
Претседателот на Собранието, Африм Гаши, престојува во Вашингтон, САД, каде што ќе учествува на Парламентарниот самит на НАТО, во рамки на Самитот на Алијансата, по повод 75-годишнината од нејзиното формирање.
Самитот е во организација на Парламентарното собрание на Алијансата и ќе се одржи утре (9 јули), а покрај претседателот на Собранието, поканети се и претседатели на парламенти и шефови на делегации во ПС на НАТО од сите други земји членки.
За време на настанот, Гаши утре ќе има свое обраќање. На овој самит учествува и пратеникот Миле Талески, како в.д. претседател на Делегацијата на Собранието во ПС на НАТО.
Во текот на посетата на Вашингтон, предвидени се повеќе билатерални средби на претседателот Гаши со странски државници и високи американски претставници.
Делегацијата на Претставничкиот дом на САД во ПС на НАТО е домаќин на Парламентарниот самит, на кој ќе се соберат лидери на парламенти од 32 земји членки, како и Украина. Најавено е учество на 23 претседатели на парламенти.
Овој собир на високо ниво треба да ја покаже важноста на парламентарната димензија на Алијансата и да ги нагласи ставовите на сојузничките парламенти за клучните приоритети.
Македонија
Перински за 100. милиони евра што ќе ги добијат општините: Убеден сум дека ќе аплицираат со корисни проекти
![](https://makfax.com.mk/wp-content/uploads/2024/07/08072024-Perinski-sredba-so-gradonachalnici-1.jpg)
Министерот за локална самоуправа, Златко Перински денеска имаше состанок со градоначалниците од Скопскиот плански регион. На состанокот се разговараше за приоритетите на општините и за нивната подготвеност да реализираат проекти, кои што ќе бидат финансирани со средства од јавниот повик кој што веќе го подготвува Министерството за локална самоуправа.
„Јавниот повик ќе биде објавен веднаш по ребалансот на Буџетот и на општините ќе им бидат достапни првите 100 милиони евра за реализација на готови проекти. Убеден сум дека општините ќе аплицираат со квалитетни и корисни проекти кои што ќе одговорат на потребите на граѓаните“, рече министерот за локална самоуправа, Златко Перински.
Перински истакна дека Владата во континуитет ќе ги поддржува општините и затоа фокусот треба да биде ставен на подготовка на добри проекти и на проектна документација.
„Потребна е целосна посветеност на граѓаните и на нивните потреби. Владата и Министерството за локална самоуправа се подготвени и ќе инвестираат во квалитетни инфраструктурни објекти кои што ќе направат разлика и ќе го подобрат квалитетот на живеење во општините. Така ќе го поттикнеме развојот и на локално и на ниво на плански региони. Рамномерниот развој бара сериозни вложувања, нашите ветувања ги реализираме веднаш затоа што имаме за цел секоја општина да ги искористи сопствените потенцијали и да биде атрактивно место за живеење и за вложување во развојот“, рече Перински.
Македонија
„Охридското крајбрежје заробено од непознати изведувачи“, партијата Левица со барање за инспекциски надзор
![](https://makfax.com.mk/wp-content/uploads/2024/07/FB_IMG_1720432458217.jpg)
Партијата Левица извести дека од група граѓани добиле информации за узурпација на охридското крајбрежје со поставување лежалки, педалинки, тезги и друга урбана опрема.
„Партијата Левица поднесе барање за вонреден инспекциски надзор до Управата за јавни приходи, Комунална инспекција и Пазарна инспекција за да се утврди дали поставените лежалки, чадори и летни реквизити од баровите на плажите е во согласно со законите за доделување концесии во Република Македонија“, се вели во соопштението на партијата Левица.
„Потсетуваме дека пред неколку месеци, пред почетокот на летната сезона, политичката партија Левица реагира поради градежни зафати на самиот езерески брег кај Канео и поднесе иницијатива за вршење вонреден инспекциски надзор. Од инспекциската служба доби одговор дека се гради од непознат сторител, што е јасен сигнал дека и инспекциските служби се соучесници во организираното заробување на Охридското Езеро од страна на концесионерите“, се додава во соопштението.