Македонија
Отворен ден со Армијата на Република Македонија
Денеска на плоштадот Македонија се одржа настан „АРМ со вас“ на кој граѓаните имаат можност одблиску да се запознаат со Армијата на Република Македонија и со дел од нејзините капацитети.
На денешниот отворен ден присуствуваа министерката за одбрана, Радмила Шекеринска, и началникот на ГШ на АРМ, генерал-потполковник Величковски, воено-дипломатскиот кор во Република Македонија и други високи претставници на МО и АРМ.
На плоштадот Македонија најнапред продефилира Баталјонот за почести заедно со Воениот оркестар, кој отсвири дел од репертоарот на воени маршеви и химни, по што од страна на гардистите беше изведена точката Егзирцир. Во рамки на денешниот отворен ден, граѓаните имаа можност да видат изведба на боречки вештини од страна на специјалната единица Волци.
Армијата беше претставена на повеќе штандови кои беа поставени по овој повод. Граѓаните имаа можност да се информираат за доброволно служење во АРМ, што е основен предуслов за да станат дел од професионалниот состав на АРМ, да се информираат за актуелните огласи за прием на професионални војници и за воени пилоти, да се запознаат со студиската програмата што ја нуди Воената академија „Генерал Михаило Апостолски“ и како да станат идни офицери во АРМ, имаа можност да погледнат дел од оклопните возила на АРМ и да се запознаат со дел од опремата што се користи во Армијата.
На видеобимот на градскиот плоштад беа прикажани видеопораки од припадници на АРМ и нивни претпоставени во Македонија и во мисијата „Одлучна поддршка во Авганистан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Фирма од Чаир монтира небезбедно панорамско тркало во Карпош, обвини Град Скопје
Град Скопје информира дека правното лице Дизниленд реквизити, фирма од Чаир регистрирана пред само еден месец, без соодветни документи и дозволи, без потребна документација која гарантира безбедност, монтира панорамско тркало и останати реквизити во Карпош пред Борис Трајковски.
„Град Скопје, во рамки на своите надлежности изврши надзор, превзема мерки и го казни правното лице, но тој сепак насилно продожува да работи. Ги повикуваме надлежните институции и апелирам да постапат во најкус можен рок, бидејќи се доведува во прашање безбедноста на децата и на сите останати посетители поради практицирањето на ваквото самоволие“, велат од таму.
Македонија
Вработен во МВР фатен со мито од 12.500 евра
Вработен во Министерството за внатрешни работи е фатен со мито од 12.500 евра, соопшти министерот Панче Тошковски. Како што вели тој, лицето И.М. било вработено како виш аналитичар во СВР Скопје. Осомничениот е лишен од слобода под сомневање за сторени кривични дела измама предвидени по чл. 247 од КЗ.
„Од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12.500 евра, претходно криминалистички обработени кои ги прибавила за наводно посредување за добивање на социјални станови од Б категорија. Во врска со кривичното дело извршен е претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи“, соопшти Тошковски.
При извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки.
Министерот додава дека МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници.
Македонија
За осомничениот за убиството на братот и снаата се бара притвор
Јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за лице осомничено дека сторило кривични дела убиство според член 123 став 2 точка 2 од Кривичниот законик.
Против лицето беше поведена истражна постапка откако на 14 мај, при вршење семејно насилство, во семејниот дом во Стајковци, тој со умисла ги лиши од живот својот брат и снаата.
Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди.
„По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка“, велат од Обвинителството.