„Владата предводена од ВМРО-ДПМНЕ активно инвестира во локалните самоуправи и нивниот напредок. Развиени и силни локални самоуправи се основа за развиена држава. Развиени општини се темел на развојот на држава“, велат од ВМРО-ДПМНЕ.

„Преку двата повици од инструментот за капитални инвестиции со поддршка на Владата на ВМРО-ДПМНЕ ќе се финансираат инфраструктурни проекти во општините. За разлика од минатото сега нема фаворизирање на ниту една општина ќе се инвестира насекаде низ Македонија.

Во првиот повик беа финансирани 288 проекти за општините кои опфаќаат проекти од областа на транспортот и инфраструктура, животна средина, образованието и културата, како и спортот и социјалната политика.

Преку вториот повик од инструментот за капитални инвестиции се потпишаа договори за 828 проекти со вкупна вредност од 225 милиони.

Најголем дел од проектите, 589 се во областа на транспортот, каде ќе се вложат над 8 милијарди и 105 милиони денари, или 132 милиони евра. Ќе се инвестира во нови патишта, улици, мостови.

143 проекти се од областа на животната средина каде ќе се инвестираат над 2,4 милијарди денари преку проекти за почиста вода, канализациски мрежи, управување со отпад, нови паркови.

Во образованието 48 проекти, се вложуваат 1,6 милијарди денари за нови училишта, обновени училници, градинки. Како и во проекти од областа на културата, социјалната политика, спортот.

Преку овие инвестиции Владата го забрзува локалниот развој и активно работи на приближување на институциите до граѓаните. Поддршката за општините е транспарентна и е насочена пред сè за потребите и барањата на граѓаните“, соопшти ВМРО-ДПМНЕ.

„Структури на СДС поддржуваат опасна бугарска пропаганда која има за цел негирање се што е македонско. Или едноставно, амбасадорот на бугарските интереси и пари во Македонија е СДС, и Венко Филипче. Јасно е дека на официјална Софија и смета се што застанува во заштита на македонските вредности и државните интереси во Македонија“, велат од ВМРО-ДПМНЕ.

„Јасно е зошто се нападите врз ВМРО-ДПМНЕ, и пред се, претседателот на партијата и премиер Христијан Мицкоски, бидејќи тој е предводник на политиката за заштита на интересите на Македонија и секој еден граѓанин.

Но, тешко е да се поверува што структури од опозициската СДС поддржуваат ваква антимакедонска пропаганда од Бугарија.

Воедно срамно е однесувањето на овие структури од СДС кои ги поддржуваат ваквите активности од Бугарија, а притоа имаат една и единствена цел заштита на лични бизнис интереси.

Бугарите со пропагандата имаат јасна цел и за истата во игра се многу пари, но срамно е однесувањето на структурите во СДС предводени од Венко Филипче што се вклучуваат во ова.

Јасно укажуваме, секој еден граѓанин ги има прочитано внатрешните структури кои се вклучуваат во ваква антимакедонска пропаганда. Секој еден граѓанин знае кој се грижи за нивниот интерес и интересите на Македонија. СДС очигледно нема намера да се вклучи во заштита на интересите на Македонија, туку ги распродава истите“, соопшти ВМРО-ДПМНЕ.

„Демократската унија за интеграција изразува длабока загриженост и револт поради одлуката на актуелната влада ВМРО–ВРЕДИ да не даде согласност за засновање на постојан работен однос на 155 медицински сестри во Клиничката болница во Тетово – професионалистки, мајки и столбови на стотици семејства, кои со години посветено им служат на пациентите и на јавното здравство на државата“, велат од ДУИ.

„Таквата одлука не е само неправедна и политички мотивирана, туку содржи и елементи на отворена етничка и родова дискриминација. Наместо да се вреднува професионалноста на овие вработени, од кои многу беа во првите редови за време на пандемијата, тие беа игнорирани на најнедостоинствен можен начин.

ДУИ, како државотворна партија што со години вложува во изградбата на правичен и еднаков систем за сите граѓани на Северна Македонија, ја смета оваа одлука за опасен преседан кој сериозно го нарушува довербата во институциите, ги поткопува темелите на соживотот и ја враќа исклучувачката логика од минатото.

Неприфатливо е во држава што стреми кон членство во Европската Унија, со еден потпис да бидат исклучени 155 мајки и сестри, како резултат на затворен, партиски и слеп пристап кон општествената реалност.

ДУИ бара итно повлекување на оваа одлука и враќање на медицинските сестри на нивните работни места, со постојан работен однос.

Актуелната влада мора да разбере дека играњето со судбината на луѓето и со достоинството на жената нема да помине без политички последици. Молкот повеќе не е опција. Граѓанската реакција е неизбежна – и таа ќе биде масовна, праведна и насочена кон заштита на еднаквоста, достоинството и правото на работа во сопствената земја, без страв и без исклучување“, соопшти ДУИ.