Македонија
Откриена статуата на Света Мајка Тереза во Хрватска

Пораки за мир, разбирање и меѓусебно почитување беа истакнати на денешното отоврање на статуата на Света Мајка Тереза во хрватскиот град Карловац. На свечениот настан присуствуваше министерот за дијаспора Едмонд Адеми, кој во својот говор високо го истакна ликот на Света Мајка Тереза.
“Како Албанец од Република Северна Македонија, почита и честа кон Мајка Тереза е дополнително посебен, знаејќи дека милосрдниот мисионер, е роден на 26 август 1910 година во Скопје како Ањезе Гонџа Бојаџиу”, рече Адеми.
Со Мајка Тереза се гордеат сите граѓани на Република Северна Македонија, без разлика на етничката или верската припадност. Со неа зе гордее целиот свет, додаде Адеми.
Тој меѓудругото се заблагодари на градот Карловац, како и на сите активисти од нашата дијаспора кои иницираа и придонесоа во воспоставување на статуата на Света Мајка Тереза, потенцирајќи дека денови како овој треба да не потсетат дека треба да продолжиме и да ја следиме мировната мисија на Света Мајка Тереза.
„Не можеме сите да правиме големи работи. Но сите можеме да правиме мали работи со многу љубов“, порача Адеми цитирајчи ја Света Мајка Тереза.
Во свеченото откривање на статуата на Мајка Тереза, присуствува и политички претставници од Република Хрватска, Република Албанија и Република Косово, како и разни други гости.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Над 15.000 матуранти утре ќе полагаат мајчин јазик и литература

Над 15.000 матуранти утре ќе го полагаат мајчин јазик и литература, задолжителен дел во рамки на првиот екстерен испит.
За државна матура годинава се пријавени 15.004 кандидати, од кои 8.816 ученици се од средните стручни училишта, 5.966 од гимназиите и 222 од училиштата за уметничко образование.
Вториот екстерен испит од државната матура, кој е изборен (математика, англиски јазик, француски јазик, германски јазик, руски јазик, италијански јазик, филозофија, естетика), ќе се полага на 11 јуни.
Матурантите кои во јуни нема да ја положат државната матура или не во целост, ќе имаат втора шанса. На 12 август е испитот по мајчин јазик, а два дена подоцна е полагањето на изборниот екстерен испит.
Македонија
Вкусна трпеза и музика во 18 часот во Паркот на Франкофонијата во Скопје

Градоначалникот Горан Герасимовски ги поканува скопјани денеска во 18.00 часот на добра традиционална македонска и европска трпеза во Паркот на Франкофонијата. Герасимовски вели дека културно-гастрономскиот настан „Нож и виљушка на европска чинија“ e можност за дружење, културна размена и зајакнување на заедништвото.
„Денеска, со почеток во 18.00 часот повторно го организираме настанот ‘Нож и виљушка на европска чинија’, кадешто ќе дегустираме вкусна храна и ќе слушаме добра музика од диџеј Зоки Бејбе и Наде Талевска бенд. Центар поврзува – преку храна и музика. Ве чекаме во Паркот на Франкофонија да го прославиме богатството на различности со убава трпеза и пријатна атмосфера“, истакнува Герасимовски.
Гастрономскиот настан „Нож и виљушка на европска чинија“ е организиран од Општина Центар и истиот е отворен за сите граѓани.
Македонија
Објавен конкурсот за државната награда „Св Климент Охридски“ за 2025 година

Одборот за доделување на државната награда „Св. Климент Охридски“ распиша Конкурс за доделување на државната награда „Св. Климент Охридски“ за 2025 година.
Со оваа награда се оддава највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност.
Конкурсот за државната награда ќе трае од 1 до 30 јуни 2025 година.