Македонија
Отпадните води од четири свињарски фарми ја загадувале реката Осојница

Државниот инспекторат за животна средина утврди дека реката Осојница во Виница се загадува од отпадните води од четири свињарски фарми. Надзорот се изврши со овластен инспектор од Општината поради локалната надлежност за инспекција на три од четирите фарми.
„Инспекторатот утврди дека фармата, која поседува А-интегрирана дозвола, не ги одржува лагуните и не врши мониторинг на подземните води – и ја задолжи во законски утврдениот рок да ја изведе прописно активната лагуна и да склучи договор за редовно чистење на талогот од изѓубрувањето. Исто така, фармата е задолжена да врши мониторинг на подземните води во согласност со обврските што произлегуваат од дозволата“, соопшти ДИЖС.
Овластените инспектори од општина Виница, како што наведуваат, досега немале сознанија дека покрај реката има фарми што треба да се контролираат од нивна страна. Тие додаваат дека дополнително ќе постапуваат за собирање информации од правните лица за капацитетот на фармите, од што ќе зависи дали тие ќе добијат задолжение да поднесат барање за издавање Б-интегрирана дозвола или одобрување елаборат за заштита на животната средина од страна на градоначалникот на општината.
Државниот инспекторат предупредува дека доколку овластените општински инспектори не постапат според своите овластувања, тогаш Инспекторатот ќе ги преземе соодветните чекори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.