Македонија
Охрабрувачки пораки од Неделата на студентите по медицина
Клубот на млади лекари со поддршка на „Алкалоид“ од денеска почна со организација на Неделата на студенти по медицина, водени со мотото „Студентите по медицина – нашите идни лекари“.
Мисијата на проектот е враќање на довербата во медицинската професија и можноста за професионална себереализација на студентите и младите доктори во Р. Македонија. Клубот на млади лекари сака да им помогне на студентите, младите професионалци во здравството, идните лекари, како и на граѓаните, да дојдат до искористување на своите права преку интердисциплинарна соработка со академската заедница, еминентни експерти и медиумските работници. Во текот на Неделата ќе се остварат разни активности и настани сè со цел овозможување чувство на припадност во заедницата и мотивирање на студентите за остварување на своите цели во Р. Македонија преку непосредна кафе-средба на студентите со специјализанти („Медкафе“), мотивациски говори и инспиративни професионални приказни на успешни лекари, вмрежување помеѓу невладини организации што работат со млади професионалци од разни области и, конечно, посета на Фоднот за иновации и технолошки развој, каде што ќе се презентираат веќе успешни стартап-приказни од областа на медицината. На настаните во текот на Неделата на студентите по медицина секој студент ќе добие мантил како подарок од Клубот на млади лекари и „Алкалоид“.
„Ми претставува особена чест и задоволство што ‘Алкалоид’ е дел од овој проект, организиран од Клубот на млади лекари. Потикнувањето вакви идеи и настани е секогаш од заеднички интерес. Ние работиме во насока на поддршка со тоа што стипендираме студенти по медицина и по фармација преку Фондацијата ‘Трајче Мукаетов’, како и преку практикантството што ги вклучува студентите од Фармацевтскиот, Хемискиот и од Природно-математички факултет. Голем број млади лекари ја напуштаат државата, а за да се спречи тоа, секој треба да придонесе во својот домен. Вие сте новата генерација идни лекари и ние сметаме на вас во секој поглед“, изјави Живко Мукаетов, претседател на Управниот одбор и генерален директор на компанијата „Алкалоид“ АД Скопје.
Деканката на Медицинскиот факултет, Соња Топузовска, ја потенцира потребата за реализирање на проектот „Студентите по медицина – нашите идни лекари“, која произлегува од очигледната неможност на младата генерација од прва рака да се запознае со фактите и искуствата што ги имаат веќе дипломираните лекари. Истакна дека е од особена важност да се охрабрат студентите по медицина да ги развиваат својот интелект, вештини и самореализација во Р. Македонија затоа што се работи за личности што треба да бидат нашите идни доктори, чувари на нашето и здравјето на нашите најблиски.
Претседателот на Клубот на млади лекари, Никола Брзанов, нагласи дека целата на формирање на клубот е поголема вклучечност младите во процесите на одлучување и креирање на политиките во здравството.
„Нашата цел е да бидеме критичен и конструктивен партнер во реформите кои не може да се случат без учество на оние што утре ќе одлучуваат за промени преку промоција на систем на заслуги, кој е единствена гаранција за подобар здравствен систем и најпосле праведно општество. Иницијативи како нашата не само што ќе се стремат да создадат промени, туку ќе разберат дека за да се случат, потребно е да ги направиме нашите млади студенти храбри, да се спротивстават на неправдите, а во исто време и доволно вешти да ве излечат“, рече тој.
Клубот на млади лекари денешниот настан го доживува не само како можност да го прослави ова ново партнерство помеѓу Клубот на млади лекари и „Алкалоид“, туку е и праќање порака дека навистина постои грижа за процесите и можност да се направи нешто за тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ со прашање за ВМРО-ДПМНЕ: Дали Британците лажат?
„Откако британските медиуми објавија нови информации со прецизни детали дека се договорени 20 илјади фунти по мигрант и дека Македонија е прва држава која се согласила на ваков договор имаме прашање до ВМРО-ДПМНЕ: дали британските медиуми лажат“, прашуваат од СДСМ.
„ВМРО-ДПМНЕ со техниката за препишување или по ново „copy-paste“ измислува оправдувања кои не поминуваат веќе ниту кај малите деца.
Фатени се во лаги, само фабрикуваат невистини. Кујната на лаги на ДПМНЕ не застанува.
Томовски нема одговор но затоа целото ДПМНЕ застана да го брани за скандалот со семејната фирма.
Бројот е негов, таткото е негов, зетот и внукот се негови, сите се негови и гледаме 5,3 милиони евра, 161 тендер за семејната фирма.
Па уште и нормално било да донира во ДПМНЕ, сите било нормално да донираат откако ќе свртат тендери и пари на граѓаните.
За злоупотреби со народните пари се оди во затвор не во партија.
Туку, да прашаме до каде се со одговорите за првата бомба и скандалот со 9 милиони евра за една форма со двајца вработени и основана лани? Зошто нема одговор?
ВМРО-ДПМНЕ на големо ги краде граѓаните додека Македонија ја претвораат во црна точка на Европла, додека коридорите европски не заобиколуваат а младите се иселуваат.
Но они претставуваат програма со 6 столбови „Ќациленд“, како Скопје 2014. Тогаш со стирпорт, а овој пат со шатори. Нив може да им текне за нови споменици од 600 милиони евра покрај тие шатори.
Велат нема мигранти а договараат 20 илјади фунти по мигрант. Еве ги чекаме да кажат дали Британците лажат? Нека одговорат. Работата не е завршена. Сите ќе одговарате“, соопштуваат од СДСМ.
Македонија
Делови од Студеничани и Сопиште денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 08.00 до 16.00 часот, дел од корисниците од село Осинчани, Ловиште Јасен, село Држилово, село Патишка Река, село Елово, село Малчиште, викендици Патишка Река, Сателитски центар Нова Брезница, Каменолом Вардар Градба, викендици Држилово, село Јаболци, село Црн Врв, Рудпроект, Карст Јаболци, Викенд Населба Јаболци и село Нова Брезница.(општинa Студеничани и Сопиште)
Македонија
Претпладне појава на слаба магла, во текот на денот сончево и тивко
Во утринските часови ќе има појава на магла по котлините. Во текот на денот ќе биде претежно сончево и тивко, освен во југоисточните делови каде ќе дува слаб до умерен ветер од северозападен правец. Минималната температура ќе биде во интервал од -2 до 5, а максималната ќе достигне од 9 до 15 степени.
Во Скопје, претпладне во делови од котлината ќе има појава на слаба магла. Во текот на денот сончево со мала до умерена облачност. Ќе дува слаб северен ветер. Минималната температура ќе се спушти до 1, а максималната ќе достигне до 11 степени.
Времето во наредните денови
До крајот на неделата нашата држава ќе биде под влијание на висок воздушен притисок кој ќе услови стабилно и релативно топло време. По одделни котлини во претпладневните и ноќните часови ќе има појава на магла.

