Македонија
Панаѓур во Дебар поттикна протести кај локалните дуќанџии

Над стотина сопственици на продавници на мало попладнево во Дебар протестираа против отворањето на панаѓур на кој би се изложила конфенција и друга стока.
На протестот беше нагласено дека на панаѓурот, кој се планира да се отвори утре и да трае три дена, ќе се пласира стока од страна на тезгаџии од Скопје и други градови кои воопшто не плаќаат придонеси на државата, поради што, како што истакнуваат револтираните дуќанџии, имаат и пониски цени.
Еден од кординаторите на протестот, Фисник Амбари, изјави дека станува збор за диви продавачи на разна стока, кои три дена пред верскиот муслимански празник Курбан Бајрам, сакаат да пласираат стока во Дебар на диво, на панаѓур.
„Овој начин на продажба на стока е против нашите трговски интереси бидејќи ние, сопствениците на бутици и други продавници на мало во Дебар, плаќаме даноци и придонеси на државата. Ние реагираме и на организаторите, а тоа е локалната власт“, вели Амбари.
„Ние на културен начин нема да дозволиме влез на тезгаџиите во дворот на деветолетката во Дебар каде се планира да се одржи панаѓурот. Известена е и полицијата, а ние ги контролираме и сите влезови во дворот“, изјави Роланд Хаме.
Утре протестот ќе продолжи, а организаторите се децидни дека нема да дозволат почеток на панаѓурот.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.