Македонија
Панделевски за Империја: „Ми велат ‘Добро Цветан, што не се спогодиш и ти како Мијалков и Камчев’, но јас сум невин“
Сопственикот на „Пелистерка“ Цветан Панделевски, преку допис до „Макфакс“ со обрати на јавноста во врска со случајот „Империја“. Во обраќањето тој порача дека не е проблем да се спогоди за случајот, но прво Обвинителството да каже дека е невин.
Дописот го пренесуваме во целост:
„Ова е мое прво и последно обраќање кон Македонската јавност. Не ми било својствено во мојата три децениска кариера како стопанственик да бидам јавно експонирање. Мојот фокус беше на работата градењето на моите компании и најверојатно најголемиот национален трговски бренд „Пелистерка“ и се разбира здравјето на моето семејство.
Која е причината за ова мое обраќање?
Изминатава година речиси секој ден добивам прашања од блиски пријатели, но и од луѓе кои не ме познаваат. Сите тие ме прашуваат:
„Добро Цветан, другите двајца Мијалков и Камчев се спогодија со обвинителката Лиле Стефанова си платија признаа вина и завршија со обвинителниот акт зошто ти не го направи тоа?“
Одговорот ќе го дадам пред целата јавност.
Затоа што сум невин немам направено никаков криминал. За што да се спогодувам.
Нема да навлегувам во туѓи аргументи, нема да обвинувам други обвинети. Но, бараме јасен одговор од страна на обвинителката Лиле Стефанова. За кое дело од обвинителниот акт сега ќе ме гоните мене што јас сум направил кога вие со спогодбиатe која ги направивте и ги покривте 80% побарувања од вашето обвинение. Еве линк јавно сте го поставиле:
Овде вие самите сте потпишале спогодба со која сте се договориле. Не разбирал што јас сум сторил ?
Со цел да останам достоен на мојот збор и да ги изнесам аргументите без да има потреба повторно јавно да се изјаснувам ги упатувам следниве прашања на адреса на Обвинителката Лиле Стефанова.
1. Обвиненувате за Злоупотреба на службена положба и Измама и во истиот обвинителен акт сами кажувате дека „тие активности не се случиле“.
2. И, не само што според вас не се случиле туку и според потенцијално оштетениот во предметот имате изјава во која „измамената“ Кираца Трајковска самата за мене кажува дека никогаш во нејзиниот живот ниту се видела ниту разговарала со мене.
3. Понатаму врз основа на овие две според вас Кривични дела кои пак според вас сум ги сторил, ама не се случиле, ме теретите за трето Кривично дело – перење пари. Кои пари сум ги перел кога за претходните Кривични дела сами укажувате дека не се случиле.
4. Да заклучам констатирате самите ги имате сите изјави од кои е јасно дека за ниту едно Кривично дело за кое сум обвинет нема штетно дејствие.
5. Во сите делови на Обвинителниот акт каде ме посочувате мене немате опис на било какво штетно дејствие сторено од моја страна.
6. Наместо заклучок – делата за кои ме обвинувате не се кривични дела, отсуствува опис на противправно дејствие.
Исто така сакам да ги посочам и следниве процесни недоследности.
1. Обвинението е поднесено без да се спроведе истрага од надлежен обвинител, односно истрагата е спрорведена по наредба на неовластено обвинителство. За појаснување на јавноста, наредбата за истрага е донесена на ден 18.11.2018 година, а надлежноста за гонење на кривични дела поврзани и кои произлегуваат од содржината на незаконското следење на комуникациите беше 18 месеци од денот на преземањето на предметите. Тој рок истече на 30.06.2017 година. Во таа насока има и начелно правно мислење на Врховниот суд на РСМ од 30.01.2019 година;
2. Недопустиво е изведување на докази прибавени неовластено – доказите прибавени од обвинителката Лиле Стефанова се прибавени со кршење на правото на одбрана и правото на правично судење, бидејќи сите истражни дејствија се преземени без мое учество и учество на моите бранители;
3. Пречекорени се сите законски рокови во кои требало да се покрене обвинение- максимален период на траење на една најсложена истрага е 21 месец, во случајов максимално требало да заврши на 08.08.2020 година. После тоа ако не е завршена или треба да запре или треба да се поднесе обвинение. Ниту едното, ниту другото не беше направено, туку продолжи да презема наводни истражни дејствија и да „ме присилува“ на спогодба по истекот на сите рокови;
4. Обвинението е поднесено после 8 месеци од преклузивниот предвиден рок, ваков парадокс немало во Македонското судство.
5. Изведено е вештачење на Економски факултет од лица кои немаат лиценца за судски вештак- двајца профсори од Правниот факултет учествувале во негово изготвувае, а немале лиценци. Дополнително, од кога тоа во македонскотото правосудство се воспоставува пракса правници да учествуваат во економско вештачење и да даваат свои ставови за правни прашања, за кои само судот може да одлучува?
6. И после известувањето за завршена истрага на ден 26.04.2022 година, преземени се истражни дејствија од обвинителката и тие докази се составен дел на листата на докази која сте ја доставиле до судот. Апсолутно незаконско постапување!
Целиот живот придонесувам во економско општествениот живот во Македонија, се што сме заработиле сме инвестирале повторно дома, никогаш не сум се соочил со било какви обвиненија кон мене ниту пак не дај боже судски процеси до овој момент.
Моите години ми даваат за право да го бранам мојот став и немање вина, јас не можам да правам спогодби кога знам дека сум целосно невин, дека конструкцијата во обвинителниот акт на обвинителството е целосно неоснована во правен смисол, и убеден сум дека судот истата ќе ја препознае.
Врз основа на тоа, идните обвинители ќе имаат можност да учат како не треба да работаат. За мене правдата, значи и слобода, а слободата е право дадено од Господ. Со никакво дејствие на било кој, не може да се одземе неосновано.
Алберт Ками кажал: „ Ако човекот не успее да ги помири правдата и слободата, тој не успева во сè.“
Очекувам дека Основниот кривичен суд ќе го прифати приговорот на мојот
адвокатски тим.
Очекувам да бидам прогласен за невин.
Мојата единствена спогодба е мојата чест“, наведува Панделевски во дописот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето викендов: Променливо облачно со повремени врнежи од дожд, наместа пообилни
Времето утре ќе биде променливо облачно со повремено врнежи од дожд, наместа пообилни, проследени со грмежи и засилен ветер. Минималната температура ќе биде во интервал од 11 до 18, а максималната ќе достигне од 19 до 25 степени.
Во Скопје променливо облачно, попладне и кон крајот на денот со повремени врнежи од дожд. Во делови од котлината врнежите ќе бидат пообилни, проследени со појава на грмежи. Минималната температура ќе се спушти до 17, а максималната ќе достигне до 23 степени.
Под влијание на циклонска активност во деновите од викендот ќе се задржи променливо облачно време со повремени врнежи од дожд. Врнежите наместа ќе бидат пообилни, локално во форма на невреме, проследени со грмежи и засилен ветер. Потоа времето ќе биде стабилно со пораст на дневната температура.
Македонија
Средби на претседателот на Собранието Гаши во Истанбул
Претседателот на Собранието на Република Северна Македонија, Африм Гаши, придружуван од пратениците: Бејџан Иљас, Никола Мицевски, Оливер Спасовски, Мерита Колчи Коџаџику и Беким Сали, ја продолжува официјална посета на Република Турција со средби во Истанбул.
Делегацијата присуствуваше на Конференцијата за отворање на академската година 2024-2025 на Универзитетот Мармара, кој е еден од најстарите и најпрестижните универзитети во Турција. Претседателот Африм Гаши одржа предавање на тема: „Односите меѓу Северна Македонија и Турција на историски и политички план, актуелни прашања во светот“ пред ректорот, професорите и студентите на овој Универзитет.
Тој се осврна на заедничката географија и историја, образованието, културата и градењето на нацијата, заедничката геополитика и перспективите како би можел да изгледа заедничкиот свет во иднина. Изрази убедување дека Балканот повторно ќе се обедини, не само како географска целина, туку и како место на допир на цивилизациите, културите и религиите во пошироки размери, каде што ќе преовладува мирот, безбедноста и благосостојбата.
Тој посочи дека Република Северна Македонија е пример дека и на овие простори може да се гради соживот, градејќи држава и општество со различности, но во комплементарно единство.
На средбата со Одборот за надворешни економски односи Турција-Северна Македонија, стана збор за можностите за унапредување на економската соработка меѓу двете земји, која треба да го следи примерот на одличните политички односи. Претседателот на Собранието на Република Северна Македонија Гаши истакна дека државните институции прават сè што е во нивна моќ за да се олесни економската соработка, за што придонесува и географската близина, добрата инфраструктурна поврзaност и директните авионски линии меѓу двете земји. Беше подвлечено дека се заемни заложбите на двете земји за зголемување на вкупната трговска размена и беше изразено очекување за проширување на интересот на турските компании за инвестирање во Република Северна Македонија.
Во рамките на официјалната посета на Република Турција беше остварена и средба со граѓани од Република Северна Македонија кои престојуваат во Истанбул. Претседателот Гаши нагласи дека Република Северна Македонија и Република Турција ги поврзуваат историски и културни врски и во тој поглед, иселениците претставуваат значајна алка во цврстото пријателство и плодната соработка меѓу двете земји.
Македонија
Средба Коцевски-Вал
Меѓусебната соработка на Јавното обвинителство и Мисијата на ОБСЕ беше тема на денешната средба на Јавниот обвинител на Република Северна Македонија Љупчо Коцевски со амбасадорот Килиан Вал, шеф на Мисијата ОБСЕ во Скопје.
Притоа амбасадорот Вал го запозна обвинителот Коцевски со планираната реформа на Мисијата на ОБСЕ во Скопје и новата тригодишна стратегија, во рамките на која првиот од петте кластери со активности ќе се однесува на кривичното правосудство. Во моментов Мисијата на ОБСЕ врши мапирање на потребите и проценка на секторот правосудство, при што побара соодветен придонес и од Јавното обвинителство.
Јавниот обвинител Коцевски се заблагодари на досегашната поддршка од Мисијата на ОБСЕ и детално го запозна амбасадорот со предизвиците и потребите со кои се соочува обвинителството.