Македонија
Партиски кавги: според опозицијата здравството е „на апарати“, власта вели дека го модернизира
Власта и опозицијата продолжуваат со партиските препукувања. Утринава во нивниот фокус е здравството.
Од СДСМ велат дека постојано вложуваат во унапредување и модернизација на здравството во државата, со капитални инвестиции и повисоки плати за здравствените работици, за обезбедување на подобри услови и услуги за лекување на граѓаните.
„Скопската Клиника за хируршки болести „Св. Наум Охридски“, е модернизирана со набавка на нови апарати, во вредност од 1 милион евра, обезбедени од Владата предводена од СДСМ. Набавен е нов современ апарат за литотрипсија, нов апарат за мамографија со томосинтеза, и лапароскопски столб за изведување на минимално инвазивни хируршки процедури, кој веќе е ставен во функција во оваа Клиника. На Клиниката за ортопедија е пуштена во употреба комплетно реновираната современа хируршка сала, со што се заокружува еден процес кој значи осовременување капацитетите за лекување, интервенции и закрепнување на пациентите. Со инвестиција од 15.000.000 денари, средства обезбедени од Фондот за здравствено осигурување и од донации, се овозможува Клиниката да има зголемен број на операции за 20% на годишно ниво а со новата опрема за пациентите се обезбедува современа и комплетна грижа. Новата Клиника во Козле, од институт за белодробни заболувања прерасна во клиника каде се овозможува и специјалистичка нега на терцијално ниво. Набавени се голем број на нови апаратури во клиниката за гастроентерохепатологија со комплетно реновиран нов оддел, потоа одделот ендокринологија, Клиниката за токсикологија, како и Одделот за педијатрија во Општа Болница Гостивар. Граѓаните од Сарај за прв пат по 50 години добија модерен поликлинички центар, вреден 1,3 милиони евра. Реформите и инвестициите во здравство се еден од најважните приоритети на Владата предводена од СДСМ“.
Според ВМРО-ДПМНЕ, пак, Владата го ставила здравството „на апарати“.
„Без долгогодишна кадрова стратегија за континуирано надополнување на потребниот медицински кадар, без системска грижа за едукации и пренос на знаење и со нерешавање на статусот на голема група здравствени работници кои се со договор на дело и посветено работат и се грижат за граѓаните, Владата направи штета на долг рок, а здравството е вратено наназад за неколку децении. И додека трае неизвесноста и правните лавиринти за решавање на статусот на здравствените работници кои работат со договор на дело со години, функционерите од власта веднаш ги ухлебија своите семејни лози и тоа директно на терциерно здравство каде се третираат најкомплексните случаи. По серијата објави од поглавјето „позитивни промени во здравството“ до ВМРО-ДПМНЕ продолжуваат да пристигнуваат информации за вработувањата на цели семејни стебла покрај на министерот за здравство Фатмир Меџити, сега и на неговите советници и партиски функционери на оваа власт“.
Опозицијата постави и неколку прашања.
„Јавноста остана за покуса за отчет кога веќе и се полни устите со транспарентост за прашањата:
1.Дали шурата и свеската на Меџити се вработени во неговиот кабинет и по кои критериуми?
2. Дали и сопругата на министерот за правда Кренар Лога се вработи на Клиниката за стоматологија и дали нејзиниот брат е вработен како советник во кабинетот на Меџити?
Иако уште нема одговори за јавноста за овие прашања, во меѓувреме пристигнуваат нови информации за вработувања на семејните лози па јавно прашуваме:
Дали примерот со вработувањата на роднините на Меџити го следат и неговите советници?
Дали на Клиниката за гинекологија каде само за неколку дена имаше три скандали кои уште се без завршеток, на скандалозниот оглас се вработува и сестрата на Ајла Шабани, советничка во кабинетот на министерот Меџити, која работи исто така на Клиниката за гинекологија каде сега се вработува и нејзината сестра?
Дали и снаата на Зоран Верушевски, екс функционерот на СДС се вработи исто така на Клиниката за гинекологија?
Остана ли некој невработен од фамилиите на овие партиски функционери или можеби тие што останаа невработени се следни на листата?
Дека Владата воопшто не е загрижена за вработениот медицински кадар кој работи со договор на дело потврди и со манипулативната предизборна најава со која само направи конфузија кај овој медицински кадар и за ова и беа потребни 7 години за да сега пред избори започне со процедури за вработување кои се комплексни за сите освен за семејните лози.
Во меѓувреме, експресно се среди вработување за семејните стебла покрај на министерот Меџити и неговите советници, но и за децата на партиските функционери како ќерката на Мира Дизел, ќерката на директорот на Клиниката за очни болести и синот на директорот на Клиника за урологија.
Додека на терциерно ниво, каде треба да се третираат најкомплексните случаи се вработуваат овие непотистички лози, цели оддели се затвораат во болниците во внатрешноста заради неводење грижа за кадарот.
Дали Ковачевски се интересира за овие семејни стебла и негативна селекција на начин како што „се загрижи“ за семејните стебла во МНАВ или повторно има двојни стандарди?
Која инспекција ќе ги чешла овие непотистички вработувања во здравството кое го направија огромна семејна фирма на децата, роднините и партиските функционери на СДС и ДУИ?“, пишува ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Владата блокира уште 173 интернет-страници за онлајн-коцкање, информира Меџити
Владата донесе одлука за блокирање на 173 интернет-страници за онлајн коцкање, кои на нелегален начин нудеа услуги за игри на среќа во нашата земја, изјави вицепремиерот, Изет Меџити.
„Заедно со 53-те страници што беа блокирани минатиот месец, оваа бројка сега изнесува 226. Замислете за помалку од два месеци затворивме 226 страници за нелегално онлајн коцкање – и оваа бројка не е конечна. Само замислете за еден миг колку длабоко и колку далеку има навлезено мафијата на коцкањето во нашите животи и каква штета има предизвикано кај поединци и семејства погодени од оваа епидемија“, рече тој.
Според него, ова е директен удар врз една криминална мрежа која со години била толерирана и заштитена од структури тесно поврзани со претходната власт.
„За жал, една политичка партија која денес се претставува како чувар на правата и достоинствениот живот на Албанците, беше главен спонзор на коцкањето и вклучувајќи се директно во оваа индустрија, ова политичка партија и го даде на коцкарската мафија потребниот политички штит за да расте и се развива без да ја загрози никој. Како последица, нашите населби беа преполнети со казина, а нашите телефони, таблети и компјутери станаа цел на напад од нелегалните платформи за игри на среќа. Тоа што ДУИ му го направи на албанското општество во Северна Македонија е тешка катастрофа – и за ова катастрофа одговорност ќе има“, рече Меџити.
Ако до вчера имавме казина покрај училиштата, покрај домовите, покрај животите на нашите деца, додаде тој, денес воспоставуваме ред, закон и достоинство.
„До вчера ДУИ градеше коцкарски империи врз сиромаштијата и очајот на Албанците. Денес, ВЛЕН ги урива тие империи на криминалот и ја гради иднината“, рече Меџити.
Според него, за само за една година делувањето на игрите на среќа во земјата е намалено за 40%
Македонија
Граѓаните ќе можат од својот дом да симнат и испечатат документи, наместо да одат на шалтер
Со гордост сакам да ви соопштам дека вчера, на Комисијата за транспорт и дигитална трансформација, 4 клучни закони кои се однесуваат на дигитализација на државните служби и услугите кон граѓаните, го поминаа првиот собраниски филтер, изјави Тони Јаревски, пратеник на пратеничката група на ВМРО-ДПМНЕ.
Станува збор за Законот за електронски комуникации, Законот за безбедност на мрежи и информациски системи, Законот за архивски материјал, како и Законот за електронски документи и електронска идентификација.
„Со ова, Собранието даде зелено светло за владата да ја направи најтемелната трансформација на односите, односно начинот на кој комуницираат граѓаните и државните органи. Со овие реформи, граѓаните ќе можат од својот дом да симнат и испечатат документи кои ќе имаат правна важност еднаква како оние издадени на шалтер, документи кои ќе содржат QR-код како безбедносен елемент и доказ за автентичност“, рече Јаревски.
Тој додаде дека се воспоставува и целосен инспекциски надзор над дигиталните услуги, со јасно утврдени 22 задолженија на инспекторите кои ќе дејствуваат под капата на новото Министерство за дигитализација односно за дигитална трансформација.
„Предвидените глоби за институциите што нема да ги прифатат дигиталните документи се јасен сигнал дека дигиталната реформа не е опција, туку обврска“, рече Јаревски.
Тој додаде дека ќе следи јавна расправа за овие закони со цел во овој, како што рече, сериозен државен зафат да се вклучи експертската и стручната јавност.
Македонија
Успешно изведени две трансплантации на коска од починат донор на Клиниката за ортопедски болести
На Клиниката за ортопедски болести успешно се изведени две сложени трансплантации на коска од починати донори, со што продолжува примената на современи и високоспецијализирани медицински интервенции во областа на ортопедија и трауматологија во нашата земја, соопштија од Министерството за здравство.
Во првиот случај, е извршена операција на коскена циста кај 45-годишен пациент. Интервенцијата ја спроведе стручен тим, во состав: проф. д-р Милан Самарџиски, доц. д-р Александар Трајановски, д-р Билјана Лазарова, специјализант по ортопедија, анестезиолог д-р Марина Темелковска, инструментарка с. Кристина Реџеп, помошник инструментар д-р Оливера Лазаревска, сестра анестетичар Гордана Захариева и болничарка Снежана Тодоровска.
Втората трансплантација беше изведена кај 65-годишна пациентка со дијагностициран гигантоцелуларен тумор на дисталниот дел од радиусот на десната подлактица. По претходно направена биопсија е заменето туморското ткиво со здраво коскено ткиво од донор. Интервенцијата ја водеше специјалист ортопед и супспецијалист трауматолог д-р Резеарт Далипи, заедно со тимот: д-р Маја Неделковска, специјалист ортопед, д-р Симона Карапанџевска, специјализант по ортопедија, д-р Искра Шојлевска–Јовановска, специјализант по ортопедија, анестезиолог д-р Јадранка Зафировска, анестетичар Мерита Рамадани, инструментарка Оливера Лазаревска, помошна инструментарка Сања Тодоровска, радиолошки техничар Силвана Стојковска и болничар Сејнур Идриз.
Двете интервенции се реализирани во соработка со д-р Милена Богојевска Доксевска, болнички координатор за ортопедија и одговорна за ткивната банка.
„Огромна благодарност до сите членови на тимовите вклучени во трансплантациите, како и до семејствата на донорите. Зајакнување на знаењата и вештините, следење на современите европски трендови и воведување нови методи во трансплантологијата, се нашиот постојан императив“, истакна проф. д-р Билјана Кузмановска, национален координатор за трансплантација.
Укинувањето на царините за стоките од САД не е само трговска одлука, туку и дипломатски чекор, вели Стојанова
Со новите измени и дополнувања на законот за царински тарифи Собранието ќе даде зелено светло на планот на Владата да...
Успешно изведени две трансплантации на коска од починат донор на Клиниката за ортопедски болести
На Клиниката за ортопедски болести успешно се изведени две сложени трансплантации на коска од починати донори, со што продолжува примената...
ГЕРБ: Властите во Скопјe треба да ја запрат репресијата врз Бугарите во РСМ
Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово,...
Оставки од Тошковски и Јанев и кривична одговорност, бара СДСМ
Последната акција на ОЈО ГОК потврди сè. СДСМ ја говореше вистината за Кочани од првиот ден. Уапсените полициски службеници вчера...
МНР со апел до македонските граѓани: Воздржете се од било какви патувања кон Израел и Иран
Во врска со информациите за влошената безбедносна состојба на Блискиот Исток, Министерството за надворешни работи и надворешна трговија апелира до...
Анализа: Иран ќе го нападне Израел со сè што има
Ова е моментот од кој многумина на Блискиот Исток се плашеа со години, но исто така и го чекаа. Како...
Пристигнуваат реакции од целиот свет по израелскиот напад врз Иран
Израел започна напади врз Иран во петокот, насочени кон нуклеарни постројки, фабрики за ракети и воени команданти, а иранските медиуми...
(Видео) Израел нападна воени згради во Техеран, објавени снимки
Израел изврши воздушни напади врз Иран во текот на ноќта, насочени кон неговата нуклеарна програма и капацитетите за балистички ракети...
Кого убија Израелците во нападот врз Иран? Воени шефови, нуклеарни научници…
Според иранските државни медиуми, неколку високи ирански воени функционери и нуклеарни научници беа убиени во израелската операција „Rising Lion“, чија...
Трамп: Однапред знаевме за израелскиот напад, но не учествувавме
Претседателот на САД, Доналд Трамп, изјави за „Фокс њуз“ дека однапред знаел за израелските планови за напад врз Иран, но...
Убиен висок ирански воен функционер
Иранската државна телевизија IRINN објави дека генералот Мохамед Багери, началник на Генералштабот на иранските вооружени сили и највисок воен офицер...
Иранскиот ајатолах: Ционистичкиот режим ќе се соочи со болна судбина
Полуофицијалната новинска агенција Тасним на Иран објави соопштение кое му се припишува на врховниот лидер на земјата, ајатолахот Али Хамнеи....
(Видео/фото) Техеран по израелскиот напад
Фотографии од запалена зграда во Техеран беа објавени на Телеграм каналот на Корпусот на Исламската револуционерна гарда (ИРГЦ). Ирански медиуми:...
Иранската војска им порача на Америка и на Израел: „Ќе платите“
Портпаролот на иранските вооружени сили изјави дека САД и Израел ќе платат „висока цена“ за нападите, објави Ројтерс. „Вооружените сили...
Убиен шефот на Иранската револуционерна гарда
Генералот Хусеин Салами, врховен командант на Корпусот на Исламската револуционерна гарда (ИРГЦ) на Иран, е убиен во израелски воздушен напад,...
(Видео) Нетанјаху: Удривме во сржта на иранската програма за нуклеарно оружје
Израелскиот премиер Бенјамин Нетанјаху потврди дека тие нападнале нуклеарни цели во Иран и најави дека операцијата ќе продолжи уште неколку...
Марко Рубио до Иран: Да бидам јасен – не таргетирајте ги нашите интереси или персонал, не сме вклучени во нападите
Израел го нападна Иран во четвртокот навечер, а иранските медиуми известија за експлозии во Техеран. Нападот се случува во време...
Приведени уште 13 полициски службеници за пожарот во „Пулс“
Во тек е акција под раководство на обвинител од Специјализираното одделение за полициски службеници, соопштија од Обвинителство за гонење на...
(Видео) Објавени се нови снимки од падот на Боингот во Индија
Авион на „Ер Индија“ што леташе за Лондон со 242 патници се урна кратко по полетувањето во близина на аеродромот...
(Видео) „Имаше тела насекаде околу мене, бев преплашен, станав и почнав да трчам“: британски државјанин го преживеа падот на авионот на Ер Индија
Британски државјанин кој ја преживеал падот на авионот во Ахмедабад го опишал моментот кога се случил. Според NDTV, шефот на...
