Македонија
Пациенти со Ковид-19 ќе се примаат и на Кардиологија и на Пластична хирургија, во „8 Септември“ само итни операции

Министерството за здравство соопшти дека во склоп на клиничкиот блок „Мајка Тереза“ во Скопје и во ГОБ „8 Септември“ се зголемија капацитетите за хоспиталзација на пациенти со Ковид-19. Пуштен е во употреба дел од Клиниката за трауматологија на УК ТОАРИЛУЦ со 25 болнички кревети.
Оттаму додаваат дека на Клиниката за пластична и реконструктивна хрургија и на Клиниката за торакална хирургија обезбедени се 50 болнички кревети. Клиниката за торакална хирургија ќе продолжи со нормална работа за итни случаи, а хируршките интервенции во моментот се редуцирани и се изведуваат само итни операции и операции на малигни состојби.
„Делот од патологија на Клиниката за пластична хирургија се префрла во болницата ‘Св. Наум Охридски’ во Скопје. Дополнителен капацитет за прием на пациенти со Ковид-19 се подготвува и на Клиниката за кардиологија, каде што за болните од Ковид-19 ќе бидат обезбедени 50 кревети. Со оваа реорганизација капацитетот во клиничкиот центар се зголемува за 100 кревети.
Во ГОБ ‘8 Септември’ ќе се отвори одделение со дополнителни 25 болнички кревети за ковид-пациенти. Во болницата ќе се немали хируршката програма и ќе се вршат само итни операции и операции на малигни болести, кои се неодложни“, се наведува во соопштението.
Исто така, се додава дека на ковид-одделите во внатрешноста има доволен број болнички кревети и капацитетите во болниците не се оптоварени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денеска облаци и сонце, утре дожд и снег

Утре голема промена на времето.
Времето денеска ќе биде променливо облачно со сончеви периоди. Локално ќе има услови за развој на нестабилност со краткотраен пороен дожд и грмежи. Минималните температури ќе се движат од 0 до 9, а максималните од 12 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе биде 8, а максималната 20 степени.
Утре ќе има брз продор на студена воздушна маса од север, кој ќе предизвика значителна промена на времето. Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.) и температурите значително ќе опаднат.
Во понеделник со засилен северен ветер наместа повремено ќе провејува слаб снег. Потоа времето ќе биде стабилно и ветровито со утринските температури кои насекаде ќе бидат негативни.
Македонија
Променливо облачно со сончеви периоди

Времето денеска, променливо облачно со сончеви периоди. Локално ќе има услови за развој на нестабилна облачност со краткотраен пороен дожд и грмежи. Минималната температура ќе биде во интервал од 4 до 9, а максималната ќе достигне од 14 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 20 степени.
Во недела ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10-15см).
Ќе дува засилен северен ветер (над 70км/ч) и температурите значително ќе опаднат. Во понеделник со засилен северен ветер наместа ќе провејува слаб снег. Потоа времето ќе биде стабилно и ветровито со утрински температури кои насекаде ќе бидат негативни.
Македонија
Ослободена од стапица мечка во Ресенско

Регионалниот ЦУК Битола, известува дека преку Единствениот број за итни случаи 112 во ЦУК била добиена пријава за заробено диво животно како последица од поставена криволовна замка во атарот на помеѓу селата Љубојно и Брајчино (Општина Ресен).
Пријавителот претпоставил во пријавата дека најверојатно се работи за мечка поради гласното рикање што се слушало во непосредна близина на мостот на Брајчинска Река.
„За оваа ситуација, од страна на ЦУК веднаш е известена Гранична полиција Маркова Нога, Полициска станица Ресен, Концесионерот – ловното друштво и други субјекти за понатамошно постапување. По интервенцијата на надлежните служби од Концесионерот -Ловното друштво, со присутен ветринар, од НП „Пелистер“ и од полицајци од МВР мечката е успиена и безбедно ослободена“, соопшти ЦУК.