До крајот на неделата времето ќе биде променливо облачно со врнежи од дожд, а од недела ќе има значителен пораст на температурите, информира УХРМ.

Утре ќе има повремени врнежи од дожд, наместа пообилни (10 до 15 l/m²). Локално ќе има услови за појава на нестабилност со пороен дожд, грмежи и засилен ветер. Во петок и во
сабота ќе дува умерен до засилен северен ветер и ќе има изолирана појава на пороен дожд.

Од недела следува период на претежно стабилно и топло време со значителен пораст на дневните температури.

Во Собранието почна Комисијата за надворешни работи на Собранието каде точка на дневен ред е Предлог законот за ратификација на договорот меѓу владата на Обединетото Кралство и Македонија. Овој договор е историски чин за Македонија, затоа што претставува цврст темел за односите со една од најголемите светски сили и мотор на финансиите, науката и иновациите, изјави пратеникот од ВМРО-ДПМНЕ, Никола Мицевски.

Според него, овој договор е основа на едно стратешко поврзување со една од најмоќните политички и економски сили во светот.

„Овој договор, на Македонија ќе и овозможи стратешка позиционираност во регионот, развој на инфраструктурата, здравството, енергетиката, науката, зацврстување на институциите. Македонија ќе може да ја направи железницата долж Коридорот 10, во две железнички линии, од кои едната ќе биде брза железница за возови над 160км на час, а другата линија за товарен транспорт. Линијата за товарен транспорт ќе ја подигне стратешката важност на Македонија и ќе го зголеми протокот на стоки низ државата од пристаништата во Грција кон Средна Европа. Само по основ на транзит, очекувано е државата секоја година да инкасира од 100 до 120 милиони евра. Ќе ја трансформираме државата на здравствен план. Овој договор ќе овозможи доизградба на Клиничкиот центар во Штип, медицински факултет и нов студентски дом, изградба на болница во Кичево и Тетово“, рече Мицевски.

Тој рече дека договорот не е класифициран и не се чува во четири ѕида како претходните на владата на СДС и ДУИ.

„Се’ е транспарентно, затоа што и придобивките се јавни и достапни за граѓаните. Повикувам на зрелост и конструктивност од опозицијата предводена од СДС и ДУИ. Ова не е договор на ВМРО-ДПМНЕ, туку на Македонија, за сите граѓани. Неговото отфрлање е одење против народот и интересите на Македонија“, рече Мицевски.

Во модуларната болница живи изгореа 14 лица. Тогаш Венко Филипче беше министер за здравство, а Кочо Анѓушев чија компанија ја градеше болницата беше вицепремиер во истата влада на Заев. Епилогот од ова е една година затвор и симболична одговорност на периферни и неважни ликови за овој случај, вели Валентин Манасиевски, член на ЦК на ВМРО-ДПМНЕ.

„Додека Филипче е министер за здравство се случува Ковид криза каде животите ги губат 10 илјади наши сограѓани. Имаше целосно отсуство на протоколи, на ресурси и вакцини за успешно справување со КОВИД кризата. Констатацијата би била дека ова беше елементарна непогода во целиот свет, но додека оваа елементарна непогода се случуваше во целиот свет, само во Македонија Венко Филипче, договараше провизии за себе преку набавка на вакцини од Кина, градеше хациенда на Водно од компанија која победува на тендери во Клинички центар, и му се случи погромот на Онкологија каде главен и единствен профитер беше веледрогеријата Пановски“.

Филипче, потсетува тој, преку фирмата Стабри Интернешенал од Хонг Конг формирана само три месеци откако СДС дошле на власт во 2017-тата година сакаа да купат вакцини од 100% поскапо од тоа што ги плаќаа другите држави.

„Додека другите држави купуваа кинески вакцини најмногу по 30 долари, Филипче сакаше преку посредничка фирма да плати 62 долари, што е најмалку 100% повеќе.

Во ек на пандемија, Филипче не можеше да набави ракавици, маски, средства за дезинфекција, а да не зборуваме за набавка на вакцини. Не само што последни набавивме, бидејќи Филипче сакаше да си прави бизнис и да ги набавува од фантом фирма по двојно поскапа цена, туку и оние што ги добивавме на почеток беа на база на донации“, додава Манасиевски.

Заради лошото менаџирање на Филипче во здравството, Манасиевски вели дека граѓаните одеа во соседни држави за да се вакцинираат.

„Заради лошото менаџирање на Филипче во здравството, починаа приближно 10 илјади луѓе. Заради лошото менаџирање на Филипче во здравството, бевме на врвот во светот по смртност од КОВИД по глава на жител. Дали Филипче и за ова не чувствува вина? Додека нам не лажеше дека само што не стигнале вакцини, Филипче зад грб сакаше да печали на маката на граѓаните. Ако Заев беше главниот ограбувач на народот, неговата десна рака е Венко Филипче.

Венко Филипче во Ковид кризата се однесуваше како воен профитер. Луѓе умираа, а тој печалеше на вакцини, тендери и договори во 4 очи“.

Според него, затоа денес Венко Филипче нема кредибилитет. Тој, како што вели, е само продолжена рака на криминалот на Заев.