Македонија
Педесетина жени учествуваа на изборот на најдобрата мавровско-реканска пита

Во Ростуше, административниот центар на општина Маврово Ростуше, денеска се одржа изборот на најдобрата мавровско-реканска пита ,,Питијада 2о18″, на која учествуваа над 50-тина домаќинки.
На оваа традиционална манифестација, која е во рамкиите на Културниот летен бран во општина Маврово-Ростуше, оваа година во жири-комисијата беа градоначалникот на општината, Медат Куртовски, како и амбасадорките на Јапонија, Шварцарија и на УНДП во Маскедонија. Питата подготвена од страна на домаќинката Ќамка Ајдини беше прогласена за најдобра пита за 2018 година.
Градоначалникот на општината, Куртовски, нагласи дека оваа летна манифестација има за цел да го промовира туризмот и традициите на Реканскиот Регион, но и општината во целина. ,,Во зимскиот период имаме многу активности во Маврово, а во летниот период бројни активности има во регионот на Река. Сите овие активности се во насока на развојот на туризмот во оваа општина”, рече тој.
Претседателката на Здружението на жени ,,Радика”, Азиза Асаноска, која доби специјално признание од организаторот, Општината Маврово-Ростуше, рече дека таа е горда што во 2001 година беше во организациониот одбор за стартување на оваа манифестација, која ја карактеризира промоцијата на богатите традиции на Долна Река.
Макфакс /КМ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Градоначалниците од Западен Балкан ја основаа алијансата Green mayors во Драч

Градоначалниците од 19 општини од Западен Балкан потпишаа заедничка декларација со која ја формираа Алијансата на „зелени“ градоначалници – регионална платформа за забрзување на зелената транзиција преку општинско лидерство и прекугранична соработка.
Потпишувањето се одржа во рамки на Форумот на „зелени“ градоначалници во Драч, организиран од OSF–WB (Фондација Отворено Општество – Западен Балкан). Настанот собра над 100 учесници – градоначалници, претставници на училишта, граѓански организации и експерти за енергетика.
Градоначалникот на Битола, Тони Коњановски, на панел-дискусијата истакна:
„Проектот ‘Сончеви училишта’ и слични иницијативи покажуваат како промените можат да започнат на локално ниво. Општината работи на повеќе зелени решенија, како воведување електричен јавен превоз и изолација на стари згради. Нашата цел е да ги подготвиме граѓаните за праведна и одржлива иднина.“
На конференцијата беше посочено дека Битола е меѓу водечките општини во регионот според бројот и квалитетот на реализирани проекти за енергетска ефикасност и зелени решенија.
Македонија
Муцунски на првиот состанок на министрите за надворешни работи на Јадранско-јонската иницијатива во Њујорк

Денес, на маргините на 80. заседание на Генералното собрание на Обединетите нации во Њујорк, се одржа првиот состанок на министрите за надворешни работи на Јадранско-јонската иницијатива (ЈЈИ) – настан кој претставува историски момент и потврда за заедничката посветеност кон регионалната соработка, европската интеграција и конструктивниот мултилатерализам.
Состанокот беше организиран од страна на Република Северна Македонија, која ја презеде едногодишната улога на претседавач со ЈЈИ за периодот 2025–2026 година. Во своето обраќање, министерот за надворешни работи и надворешна трговија, Тимчо Муцунски, ја истакна симболиката на оваа година, кога се одбележуваат пет години од приклучувањето кон ЕУ Стратегијата за Јадранско-јонскиот регион (EUSAIR), седум години членство во ЈЈИ и 25 години од потпишувањето на Анконската декларација – основата на оваа регионална иницијатива.
Под мотото „Зајакнување на регионалното единство, унапредување на европската иднина“, македонското претседателство ја афирмира својата определба за продлабочување на интеграцијата и соработката меѓу земјите членки и нивната врска со Европската Унија. Муцунски ја нагласи потребата од кредибилен процес на проширување на ЕУ, истакнувајќи дека Западен Балкан мора да остане стратешки дел од европската иднина.
Во тој контекст, беа претставени приоритетите на македонското претседавање: зајакнување на ЕУ интеграцијата и регионалната доверба, дигитална трансформација, подобра инфраструктурна поврзаност, културна соработка и поддршка за младите. Во време на глобална неизвесност беше испратена јасна порака: „Единството е нашата сила, а европската интеграција – заедничка цел.“
Македонија
Муцунски на првиот состанок на министрите за надворешни работи на Јадранско-јонската иницијатива во Њујорк

На маргините на 80. заседание на Генералното собрание на Обединетите нации во Њујорк, денеска се одржа првиот состанок на министрите за надворешни работи на Јадранско-јонската иницијатива (ЈЈИ) – настан кој претставува историски момент и потврда за заедничката посветеност кон регионалната соработка, европската интеграција и конструктивниот мултилатерализам.
Состанокот беше организиран од страна на Република Северна Македонија, која ја презеде едногодишната улога на претседавач со ЈЈИ за периодот 2025–2026 година.
Во своето обраќање, министерот за надворешни работи и надворешна трговија, Тимчо Муцунски, ја истакна симболиката на оваа година, кога се одбележуваат пет години од приклучувањето кон ЕУ Стратегијата за Јадранско-јонскиот регион (EUSAIR), седум години членство во ЈЈИ и 25 години од потпишувањето на Анконската декларација – основата на оваа регионална иницијатива.
Под мотото „Зајакнување на регионалното единство, унапредување на европската иднина“, македонското претседателство ја афирмира својата определба за продлабочување на интеграцијата и соработката меѓу земјите членки и нивната врска со Европската Унија. Муцунски ја нагласи потребата од кредибилен процес на проширување на ЕУ, истакнувајќи дека Западен Балкан мора да остане стратешки дел од европската иднина.
Во тој контекст, беа претставени приоритетите на македонското претседавање: зајакнување на ЕУ интеграцијата и регионалната доверба, дигитална трансформација, подобра инфраструктурна поврзаност, културна соработка и поддршка за младите. Во време на глобална неизвесност беше испратена јасна порака: „Единството е нашата сила, а европската интеграција – заедничка цел.“