Македонија
Пендаровски во Кратово: Oпозицијата продава народски кажано „мачка во вреќа”

На средба ги со граѓаните во Кратово и Старо Нагоричане, претседателскиот кандидат Стево Пендаровски порача дека опозициската ВМРО-ДПМНЕ и нивната кандидатка за претседател, Гордана Силјановка Давкова немаат идеја, ниту план за тоа што да прават со евроинтегративниот процес.
„Тие велат, подобро да бидеме сами, отколку да одиме со вакви понижувачки договори. Еве нека направат тие подобар договор. Дали знаат како да направат подобар договор? За да направиш подобар договор треба да имаш меѓународни пријатели, тие немаат ниту еден, а овие договори за кои зборуваат, се направени со помош од меѓународните пријатели. САД и Европа стојат зад договорите, а тие, ВМРО-ДПМНЕ немаат многу-многу пријатели во Европа, во САД воопшто и немаат и затоа велат, ќе ви кажеме на 9 мај што ќе правиме. Почитувани, тоа се вика „мачка во вреќа“ односно политичка пропаганда. Бидејќи немаат никаква понуда, се кријат зад тоа дека договорите не се добри и дека ги штителе националните интереси. Еве како ги штитеа македонските национални интереси и правата на граѓаните во нивното 11годишно владеење. Во тоа време имаше две категории граѓани, членови на ВМРО-ДПМНЕ и сите останати, каде само првите можеа да се вработуваат, само првите можеа да напредуваат, а сите ние други бевме во групата „останати“ порача Пендаровски.
Пендаровски посочи дека за разлика од времето на режимот кога пристапот до најголемите медиуми беше строго одграничен, денеска има демократски амбинет и тоа го гледа секој поединец во државата.
„Некој ќе рече, требаше и ние така да владееме, но јас не можам така да функционирам. Јас се разликувам од Ѓорге Иванов, јас се разликувам од Гордана Силјановска Давкова, јас не можам да владеам на таков начин, по диктат и да кажувам само моите луѓе и само мојата фамилија ќе напредува. Што станува со другите семејства во нашата држава?“ рече Пендаровски додавајќи дека во првиот мандат покажал дека е претседател на сите, без да фаворизира кого било и дека така ќе продолжи и во вториот мандат, ако ја добие поддршката од граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ

„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува да се луксузира со народните пари. Не било доволно папаја, манго, аспарагус и други егзотични и прескапи овошја, Министерството за одбрана на Мисајловски склучило договори со пет компании за набавка на кафе, вино, ракија, мастика и други алкохолни пијалоци во вредност од 31.000 евра“, соопшти СДСМ.
„Во реалноста, народот не може да си дозволи ниту основни работи. Последните податоци покажуваат дека синдикалната потрошувачка кошничка достигна 65.507 денари, на граѓаните им се потребни речиси 3 минималнни плати за да ги покријат само основните трошоци. Многу производи се недостижни за голем број семејства во државата.
ВМРО-ДПМНЕ ја држи Македонија со најниската минимална плата во целиот регионот и упорно одбива да ги покачи платите и да ги намали цените кои се превисоки. Просечната плата е само една третина од европскиот просек, додека цените на основните производи достигнуваат до 60% од просекот во Европа.
Ваквата расипничка политика на власта е доказ дека Мицкоски и неговите министри се грижат единствено за сопствената удобност, а не за народот кој секој ден тоне во сиромаштија и едвај врзува крај со крај“, се наведува во соопштението на СДСМ.
Македонија
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ

„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше на јахтата на Заев и тоа малку што го имал го нема. Народот денес е побогат од времето на СДС. Единствена разлика е што нема милиони за него и Заев од државниот буџет“, реагира ВМРО-ДПМНЕ на изјавите на Венко Филипче.
„Бројките се секогаш тврдоглави, а тие го говорат следното:
Растот на просечната нето-плата во период од последната година кога ВМРО-ДПМНЕ е на власт е 10.3%, за разлика од периодот кога СДС беше на власт, кога просечната плата порасна за 8.3%.
Уште поголем удар за СДС е фактот што реалниот пораст на просечната плата во период на ВМРО-ДПМНЕ е двојно поголем од периодот на СДС. Имено порастот на реалната плата во време на ВМРО-ДПМНЕ е 6.7%, за разлика од 3.5% во време на СДС. Тоа значи дека стандардот на граѓаните сега, е поголем од времето кога СДС беше власт.
Кога сме кај инфлацијата, и таму бројките се лоши за СДС. Имено во време на СДС инфлацијата во просек изнесувала 4.8%, за разлика од сега кога во просек е 3.6%.
СДС и Филипче може да лажат колку сакаат, но едно не можат да сменат, а тоа е реалноста“, се додава во реакцијата на ВМРО-ДПМНЕ.
Македонија
Муцунски – Кос: реформите поврзани со евроинтеграциите остануваат високо на домашната политичка агенда

Во рамки на дводневната работна посета на Брисел, министерот за надворешни работи и надворешна трговија, Тимчо Муцунски, денеска оствари средба со еврокомесарката за проширување на Европската Унија, Марта Кос.
Соговорниците ја нагласија силната поддршка за проширувањето на Унијата, и од страна на земјите членки и од страна на граѓаните на Северна Македонија – што го потврдуваат и наодите од последниот „Евробарометар“.
На средбата беше поздравен реформскиот пристап на Владата, особено исполнувањето на обврските од реформскиот процес и имплементацијата на Планот за раст. Муцунски нагласи дека реформите поврзани со евроинтеграциите остануваат високо на домашната политичка агенда, со силен фокус на владеењето на правото и борбата против корупцијата.
Изрази благодарност за личниот ангажман на еврокомесарката Кос во пристапниот процес, особено во контекст на нејзиното учество и поддршка на Самитот за Планот за раст, што неодамна се одржа во Скопје.
Соговорниците разменија мислења и за неодамнешното приклучување на државата кон СЕПА, како и за иницијативата за постепено укинување на роаминг трошоците помеѓу земјите од Западен Балкан и Европската Унија. Одлуката за оваа иницијатива се очекува на почетокот на 2026 година, како дел од бенефитите на постепената интеграција во Унијата.
На средбата се дискутираше и за актуелните регионални и глобални случувања, при што беше потврдена заедничката поддршка за Украина и заложбата за што побрзо постигнување на праведен и одржлив мир.