Македонија
Пендаровски: Дали ќе го потпишам указот за коридорите зависи од мене, не од политичките партии

Претседателот Стево Пендаровски ги коментира предложените законски измени поврзани со коридорите 8 и 10 д.
„За давање указ за важење на законите, не примам совети од никого, а најмалку од политичките партии“, рече Пендаровски при денешната посета на Универзитетот на Југоисточна Европа во Тетово.
Објасни дека кога ќе ги донесат законите во конечна верзија во парламентот, тогаш тој ќе седне со својот правен тим да видат дали има основа за такво нешто.
Во врска со уставните измени, Пендаровски рече дека е отворен за форуми или средби на кои би се разговарало, но мора да има согласнот од двете, трите, петте страни учеснички, а во овој момент нема таква согласнот.
На новинарско прашање за предлогот на некои партии за замена на фразата „20 проценти“ со „албански јазик“, претседателот Пендаровски рече дека тоа не му пречи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Претежно облачно со услови за дожд и снег

Времето денеска ќе биде умерено до значително облачно со услови за слаб дожд, на планините и на повисоките места слаб снег, претежно во источните делови. Ќе дува слаб до умерен ветер од југоисточен правец.
Минималната температура ќе биде во интервал од -5 до 3, а максималната ќе достигне од 3 до 9 степени.
Во Скопје претежно облачно, во раните утрински часови во делови од котлината ќе има услови за врнежи од слаб дожд и снег. Ќе дува слаб до умерен ветер од југоисточен правец. Минималната температура ќе се спушти до 1, а максималната ќе достигне до 7 степени.
Времето во наредните денови
Следува период на променливо облачно време. По одделни котлини ќе има појава на магла и ниска облачност, а локални врнежи од дожд се очекуваат во четврток. Утринските и дневните температури ќе бидат во постепен пораст.
Македонија
Дел од Центар денеска без вода

ЈП Водовод и Канализација известува дека денеска поради изведување на водоводен приклучок од ф 80мм на улицата Васил Стефановски бр 2. без вода ќе останат корисниците на дел од улиците Васил Стефановски, Костурски Херои, Борка Талевски, Петар Поп Арсов, 9-ти Мај, Роза Луксенбург, Христо Смирненски во општина Центар.
Водоснабдувањето ќе биде прекинато од 09:00 часот до завршување на интервенцијата.
Македонија
Без струја дел од Бутел и Карпош

ЕВН Македонија АД известува дека денеска без електрична енергија ќе останат делови од општините Бутел и Карпош.
– во периодот од 09.00 до 14.00 часот, корисниците од дел улица Радишани и дел од улицата Бел камен во општина Бутел,
– во периодот од 09.00 до 15.00 часот, корисниците од дел од корисниците од улицата Јури Гагарин во општина Карпош.