Македонија
Пендаровски до војниците што се вратија од Турција: Нѐ направивте горди, бевте во првите пет армии што стигнаа на самото место

„Нè направивте горди со помошта што ја дадовте“. Со овие зборови претседателот Стево Пендаровски им се заблагодари на припадниците на македонската армија, која помагаше во Турција по разорните земјотреси. Пендаровски посочи дека турскиот народ е благодарен за помошта, а за припадниците на АРМ немало никаква забелешка.
„Нашата Армија беше во првите пет што стигнаа на самото место, 24 часа по земјотресот. Вашето пристигнувања на самото место, залагањето 24/7, сите вие, сосе службените кучиња, беше нешто што само може да се посака секогаш кога вежбате, тренирате за лошо и арно. Не постои никаква забелешка ниту од локалното население ниту од другите. Како членка на НАТО мора да се фокусираме на следната фаза, а тоа е помош на оние што преживеаја“, изјави Пендаровски.
Претседателот додаде: „Тука не само Армијата туку и Владата, претседателот, ќе мора да помагаме за сите луѓе да имаат покрив над главата, јадење, сместување. Станува збор за трагедија со пропорции што надминува сè. Македонскиот народ ѝ помогна на Турција не бидејќи сме членки на НАТО туку затоа што пријателството трае со векови и ќе трае со векови. Сакам да убедам дека сме помагале и ќе помагаме“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.