На бирото на претседателот Стево Пендаровски се петте закони поврзани со реализација на Договорот со „Бехтел и Енка“ за изградба на четири автопатски делници на коридорите 8 и 10д. Од петокот попладне се чека одлуката на шефот на државата дали ќе стави параф на Указите на законите.

Според досегашните изјави за него се најспорни одредбите за работното време на работниците и покрај одлуката на Уставниот суд за 40 часовна работна недела, но и одредба од Законот за експропријација со која се поништува двостепеноста што е уставно загарантирана категорија.

Премиерот Димитар Ковачевски јавно верува во правните познавања на шефот на државата и неговиот правен тим. Ако ,тој ги гледа придобивките од пакетот измени очекува исто да постпи и тимот правници на претседателот на државата.

Пендаровски е на уште една мака. Доколку не ги потпише законите може да се замери и со СДСМ и со ДУИ со што ги губи или намалува шансите да биде подржан и предложен за втор претседателски мандат. Според сите математики нема шанси за победа ниту еден кандидат доколку зад него не застане една од двете големи партии од македонскиот и без поддршка од албанскиот блок.
Пендаровски не го потпиша Указот за прогласување на Законот за утврдување на правен статус на бесправно изградени објекти, но тоа мина без потреси.

Доколку Пендаровски не потпише некој од законите, тие се враќаат во Законодавниот дом со забелешките од претседателот. Доколку на гласање добијат повеќе од 60 гласа, законите без никакво ограничување почнуваат да важат.

Дали ова е планот Б на Ковачевски, доколку Пендаровски одбие да стави потпис на 5-те законски измени, не соопшти. Оваа ситуација ќе ги залади односите на релација претседател-Влада и партиските математики ќе кажат кој кандидат би бил добитна комбинација.