Македонија
Петков: Долгорочно Северна Македонија треба да биде во ЕУ, но мора да се заштитат правата на Бугарите

Бугарското вето ќе биде повлечено откако работата ќе биде завршена, изјави бугарскиот премиер, Кирил Петков, во раговор за бугарската „Нова.бг“.
„Очекувам во следниот период Северна Македонија да направи некаков вид институција при тамошната Влада, за правата на Бугарите“, рече Петков.
Премиерот смета дека долгорочно Северна Македонија треба да биде во ЕУ, но мора да се заштитат правата на Бугарите.
Бугарскиот долгорочен интерес, како што рече Петков, се совпаѓа со оној на Република Северна Македонија, односно никој не сака сосед кој е сиромашен, а не е во ЕУ и е со затворени граници.
„Треба да се ослободиме од политичката реторика и да работиме. Оваа влада нема да направи ништо без согласност од страна на бугарскиот парламент. Ништо скриено нема да се случи. Целосно ќе го заштитиме нашиот интерес“, изјави Петков.
Претходно денеска, шефицата на кабинетот на Петков, Лена Бориславова, информираше дека премиерот ја откажал посетатата во Македонија поради тоа што не бил постигнат напредок во преговорите меѓу двете земји.
„Она што бугарската влада и лично премиерот би сакале да го видат е некој доказ дека Северна Македонија има сериозен однос кон говорот на омраза и дискриминацијата на бугарското етничко население“, рече таа во разговор за БНТ.бг додавајќи дека во меѓувреме министерствата за надворешни работи на двете земји активно ги продолжуваат разговорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
29-годишниот Aлександар е 61-та жртва на пожарот: имал изгореници на дишните патишта

Александар Гавриловски роден на 7 март 1996 година е 61. жртва на пожарот во кочанската дискотека „Пулс“.
Тој почина денес во 11 часот, како од покритичните пациенти кои се лекувале во Литванија.
Министерот Арбен Таравари изјави дека од 4 април му била влошена состојбата, а од вчера бил ставен на хемодијализа. По телото имал 35 отсто изгореници од трет степен, како и изгореници во дишните патишта.
Во моментот меѓу повредените кои се лекувата има уште двајца критични пациенти, а нивната состојба е стабилна.
Александар е вториот пациент кој почина во Литванија од 193-те повредени лица во пожарот.
Министерот Таравари, изрази сочувство до семејството.
Македонија
Фетаи: Земјата ги има решено речиси сите случаи на лица без државјанство, кои произлегуваат од распадот на поранешна Југославија

Заменик-претседателот на Владата на Република Северна Македонија, задолжен за политики на добро владеење, Арбен Фетаи, денеска оствари работна средба со г. Габриел Гуалано де Годој, претставник на Агенцијата на Обединетите нации за бегалци (УНХЦР) во Скопје, со кого разговараше за извонредниот напредок што го постигна Северна Македонија во елиминацијата на појавата на лица без државјанство.
За време на средбата беше истакнато дека Северна Македонија е веќе позитивен пример во рамките на глобалната алијанса за решавање на лица без државјанството позиционирајќи се како регионален и глобален лидер во оваа област. Земјата ги има решено речиси сите случаи на лица без државјанство, кои произлегуваат од распадот на поранешна Југославија, при што остануваат само уште два нерешени случаја, кои се однесуваат на граѓани од други поранешни републики што живееле на територијата на нашата земја пред распадот.
Дополнително, евидентирани се и 153 други случаи на лица без државјанство, кои главно се резултат на нерегистрирање деца по раѓањето. Од овие случаи, 90 проценти се од ромската заедница, 7 проценти се Албанци, 1 процент Македонци и 2 процента се од други етнички групи.
„Решавањето на проблемот со лицата без државјанство е многу повеќе од статистички предизвик – тоа е хуман и трансформативен чин, што директно го менува животот на луѓето“, беше потенцирано на средбата.
„Измените на Законот за државјанството имаа длабоко влијание врз животот на многу граѓани враќајќи им го човековото достоинство, кое им било скратено повеќе од три децении“, истакна Фетаи.
Заменик-претседателот на Владата ја повтори заложбата на Владата да продолжи со изградба на инклузивно општество, каде што секој граѓанин има право да постои со достоинство и да придонесува кон заедничката иднина на државата.
„Нашата заложба за измена на Законот за државјанството ги трансформира животите на овие луѓе и семејства враќајќи им го човековото достоинство, кое им беше скратено три децении по ред. Оваа заложба не запира тука. Ќе продолжиме да градиме инклузивно општество, во кое секој граѓанин има право да постои со достоинство и да придонесува кон заедничката иднина“, констатира Фетаи.
Македонија
Таравари не преговарал со ДУИ, а од „Влен“ не добил понуда да бидат една партија: „Ако решиле да се здружат, ќе им го дадеме името“

Досега сме немале понуда од „Влен“ за да бидеме една партија, ако имаме, ќе ја разгледаме, не брзаме, но ако одлучиле заедно да бидат, името им го даваме, нека го задржат „Влен“, ние ќе останеме Алијанса за Албанците, ќе продолжиме со нашата пратеничка група. Ова го истакна Арбен Таравари одговарајќи на новинарски прашања.
Тој рече дека остануваат отворени за соработка со сите.
Вели дека не преговарал со ДУИ. Прашан за информациите дека добил понуда од „Влен“, која содржела 35 отсто за советничките листи и 5 градоначалници, а ваква понуда имал од ДУИ, Таравари рече: „’Влен’ ми пушти нешто што повеќе ми изгледаше како ултиматум пред вчершното собрание. Јас никогаш во животот не прифаќам ултиматуми, сакам разговори“.