Македонија
Петмина починати и 127 новозаразени од Ковид-19
 
																								
												
												
											Министерството за здравство информира дека во последните 24 часа се направени 1.574 тестирања, а регистрирани се 127 нови случаи на Ковид-19 во Скопје-43, Куманово-11, Дебар-1, Штип-4, Прилеп-8, Тетово-4, Струга-5, Велес-1, Битола-1, Охрид-4, Гостивар-10, Гевгелија-3, Струмица-5, Крива Паланка -5, Кочани-2, Пробиштип-3, Македонски Брод-1, Пехчево-3, Берово-3, Делчево-7, Кичево-2 и еден во Кратово.
Денеска Институтот за јавно здравје регистрира 95 оздравени пациенти од Скопје-37, Штип-6, Тетово-5, Струга-2, Велес-4, Битола-5, Охрид-3, Кавадарци -1, Гостивар-14, Крива Паланка-4, Пробиштип-1, Демир Хисар-1, Берово-3, Виница-1, Делчево-3, Свети Николе-3 и двајца од Кичево.
Починати се 5 лица, пациентка од Куманово (61), пациент од Штип (81), двајца пациенти од Гостивар (76 и 81 година) и еден пациент од Прилеп (53). Сите се починати во болнички услови.
Вкупната бројка на ковид дијагностицирани во нашата земја од почетокот на епидемијата изнесува 14.998, бројката на оздравени пациенти е 12.149, на починати е 614, а во моментов бројот на активни случаи изнесува 2.235. Според завршените епидемиолошки анализи во моментов статистиката на активни случаи по градови е следна:
• Скопје 6.097, активни 761
• Куманово 1.533, активни 287
• Дебар 260, активни 29
• Штип 1.176, активни 108
• Прилеп 518, активни 150
• Тетово 1.244, активни 120
• Струга 592, активни 62
• Велес 276, активни 24
• Битола 222, активни 39
• Охрид 358, активни 43
• Кавадарци 189, активни 50
• Гостивар 817, активни 140
• Гевгелија 58, активни 33 (7 лица од ПЕ Гевгелија се жители на Дојран, 9 на Богданци)
• Струмица 80, активни 28
• Крива Паланка 59, активни 19
• Радовиш 45, активни 6
• Крушево 17, активни 1
• Кочани 157, активни 30
• Пробиштип 89, активни 18
• Демир Хисар 60, активни 2
• Македонски Брод 75, активни 8
• Пехчево 35, активни 28
• Берово 67, активни 51
• Валандово 9, активни 2
• Виница 81, активни 30
• Делчево 89, активни 67 (24 лица од ПЕ Делчево се од Македонска Каменица)
• Кратово 22, активни 6
• Свети Николе 298, активни 42
• Кичево 281, активни 42
• Ресен 147, активни 1
• Неготино 47, активни 8 (11 лица од ПЕ Неготино се жители на Демир Капија)
Досега во земјата се направени вкупно 156.522 тестирања на Ковид-19. Нема тестирања во рамките на скринингот.
На Инфективната клиника во изминативе 24 часа примени се 11 пациенти. Вкупно се хоспитализирани 89, а на кислородна поддршка се 47 пациенти.
Во болницата во Козле нема возрасни пациенти. Хоспитализирани се 6 деца и 6 мајки позитивни и суспектни на вирусот.
Во болницата „8 Септември“ примени се 4 нови, а вкупно хоспитализирани се 24 пациенти. На респираторна машина се 2 лица.
Во болницата во Битола се хоспитализирани 12, а во болницата во Штип се хоспитализирани 49 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 114, позитивни и сомнителни на Ковид-19.
Статистиката на активни случаи по скопските општини, врз основа на денешните податоци е следна:
• Чаир – 88
• Гази Баба – 82
• Аеродром – 109
• Карпош – 81
• Центар – 77
• Кисела Вода – 83
• Ѓорче Петров – 44
• Бутел – 50
• Шуто Оризари – 31
• Студеничани – 26
• Сарај – 22
• Арачиново – 15
• Илинден – 13
• Сопиште – 7
• Чучер Сандево – 3
• Петровец – 7
• Зелениково – 2
• Странец – 8
• Нераспределен-13
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Луксузен хотел во центарот на Скопје крадел струја: Електродистрибуција пронајде нелегални кабли
 
														Откриена голема кражба на електрична енергија во центарот на Скопје. Хотел со четири ѕвезди на улицата „Луј Пастер“ бил нелегално приклучен на електромрежата, објави Електродистрибуција на социјалните мрежи.

„При техничка контрола во станбена зграда која граничи со хотел на улицата „Луј Пастер”, нашите екипи пронајдоа три нелегални и изгорени кабли како последица на преголема оптовареност.
Каблите веднаш беа исклучени бидејќи претставуваа директна и огромна општа опасност од настанување на пожар. За време на дополнителна контрола се утвди дека хотелот повторно бил приклучен на еден од нелегалните кабли.
Екипите беа попречени во вршењето на должноста при влезот во хотелскиот објект.
Случајот е документиран и за истиот е поднесена Пријава за нелегално приклучување на мрежа и предизвикување на општа опасност од пожар до Министерството за внатрешни работи“, се додава во објавата од Електродистрибуција.
Македонија
Закани за убиство кон градоначалникот на Неготино и обид да се изнудат пари: обвинение против едно лице
 
														Основното јавно обвинителство Кавадарци обезбеди докази и поднесе обвинение против едно лице осомничено за кривични дела – Изнуда од член 258 став 1 во врска со член 19 (во обид), како и Загрозување на сигурноста од член 144 став 4 во врска со став 2 и став 1 од Кривичниот законик.
Со намера за себе да прибави противправна имотна корист, обвинетиот на 2 септември упатил сериозна закана дека ќе нападне по животот и телото на оштетениот – градоначалник на Општина Неготино и неговото семејство, обидувајќи се да му изнуди сума од 3.000 евра. Оштетениот не постапил по барањето и случајот го пријавил во полиција.
Во периодот од 04.09-18.09, обвинетиот испраќал заканувачки пораки до градоначалникот со намера да го вознемири и заплаши, а дел од пораките ги адресирал и до официјалната адреса на општината, до адреси во МВР и до новинари. Со тоа кај оштетениот предизвикал чувство на несигурност, загрозување и страв и за сопствената, но и за безбедноста на неговото семејство и за безбедноста на граѓаните на Неготино.
Надлежниот јавен обвинител со обвинението побара продолжување на претходно определената мерка притвор за обвинетиот, за кој постои реален ризик од бегство, бидејќи дел од неговото семејство живее во странство. Исто така, постојат околности кои укажуваат на опасноста тој да го повторува делото, па дури и да ги реализира заканите и изнудата. Јавниот обвинител го имаше предвид и фактот дека истото лице веќе е осудено за кривични дела присилба и демнење на градоначалникот за кои му е изречена условна осуда и која обвинителството ќе побара да биде отповикана, бидејќи се уште не е поминат периодот на проверка, а обвинетиот врши нови кривични дела.
Македонија
Данела Арсовска повторно во судница, се соочува со вториот напаѓач од инцидентот во Чаир
 
														Град Скопје сооопшти дека градоначалничката во заминување, Данела Арсовска, денеска се соочува со вториот насилник кој на 11 јули 2025 година ја нападна за време на увид на терен во Општина Чаир, на локација каде се гради дивоградба спроти полициската станица.
Напаѓачот бил спречен од полицијата пред да се случи физички напад, но, како што наведува Град Скопје, има долга историја на сериозни кривични дела и повеќегодишни затворски казни.
По инцидентот, Министерството за внатрешни работи, врз основа на безбедносна проценка од Агенцијата за национална безбедност, ѝ додели 24-часовна заштита на градоначалничката.
За истиот настан, на 2 септември Основниот кривичен суд Скопје донесе пресуда со која обвинетиот Сулејман Љамалари беше прогласен за виновен за кривично дело насилство и осуден на две години затвор. Тој, како што велат од Градот, не покажал каење и со своето однесување го исмејувал судот и јавноста.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											