Македонија
Пецаков: Среде туристичка сезона СДСМ ќе воведува наплата на паркинг во Охрид
Опозициската ВМРО-ДПМНЕ обвини дека во период кога туристичката сезона е започната, ЈП „Билјанини извори“ носи скандалозна одлука за наплата на паркинг на улиците.
„Имено, зоната А со највисока цена се проширува со што по цела должина ќе се наплаќа на следните сообраќајници: Илинденска, Цар Самуил, Коста Абраш, Кузман Јосифовски – Питу, а покрај нив во зона А се и јавните паркиралишта на дел од булеварот Македонски просветители, Кеј Македонија, Партизанска, Димитар Влахов, Јане Сандански, старата автобуска и кај старата стоковна куќа „Чинар“. Одлуката со проширувањето на зоните, особено зона А, по автоматизам значи поскапување на цените за паркинг.
Во зона Б нелогично се вметнуваат улици каде што таква услуга никогаш немало. Дури се осмелуваат булеварот Туристичка, кој е магистрален пат да го узурпираат за наплатување паркинг. Во стариот дел на градот, кој е репрезентативен дел, наместо зона без возила, сега и трите најпосетувани улици од туристите ќе бидат паркинг и ќе се наплаќа“, порача Кирил Пецаков, член на ИК на ВМРО-ДПМНЕ.
ВМРО-ДПМНЕ го повикува градоначалникот Стојаноски веднаш да побара поништување на оваа скандалозна одлука на Уравниот одбор на ЈП „Билјанини извори“ и таа да не ја става како точка на дневен ред на следната седница на Советот. Наместо безидејноста на градоначалникот, од ВМРО-ДПМНЕ му порачуваат да се зафати со капитални проекти, како што е изградба на катните гаражи.
„ВМРО-ДПМНЕ не е против модерен начин за наплата за паркирање со испраќање СМС-порака, но не може тоа да се прави без пилот-проект и во туристичка сезона. Им објаснивте ли на вработените што ќе се случи со нив и каква ќе биде нивната иднина? Охрид памети! Граѓаните на Охрид паметат дека СДСМ еднаш ја признаа грешката со начинот на управувањето на паркинзите што ја наруши туристичката сезона и живеењето. ВМРО-ДПМНЕ нема да дозволи повторно партиските интереси да се стават пред интересите на охриѓани“, нагласи Пецаков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.