Македонија
Повеќе пари за повеќе сложени операции на детска хирургија

Фондот за здравствено осигурување во 2017 година обезбеди вкупен буџет за Универзитетска клиника за детска хирургија од 133 милиони денари, што споредено со 2012 година, кога буџетот на детска хирургија изнесуваше 65 милиони денари, значи зголемување за повеќе од двапати.
Во 2016 биле оперирани и хосплитализирани 1.870 пациенти на детска хирургија, а тимовите на оваа клиника оперираат и изведуваат хируршки интервенции кои се од година на година се посложени и покомплексни.
Голем придонес за комплексноста на операциите и зголемувањето на буџетот на детска хирургија се должи на кардиохируршките операции на деца и трансплантации на бубрези на деца, кои тимот на лекари ги изведува изминативе неколку години. Имено, покрај кардиохирургијата, на Клиниката се изведуваат и трансплантации на бубрези на деца за кои Фондот одвои посебен условен буџет.
Кажано во бројки, во 2013 година биле извршени 30 кардиохируршки операции, во 2016 година – 52 операции, додека во 2017 година се планираат 60 кардиохируршки операции на деца. Треба да се напомене и дека најголем број од овие кардиохируршки операции се однесуваат на новороденчиња.
Воведувањето на ваквиот вид комплексни современи операции во Македонија, резултира со неколкукратен бенефит, не само за државните институции, туку и за здравството во целост.
Во 2017 година, Фондот за здравствено осигурување со ЈЗУ Универзитетска клиника за детска хирургија утврди вкупен буџет во вкупен износ од 132.900.000 денари. Условниот буџет е наменет за стимулирање на дефицитарни здравствени услуги, како и на нови здравствени услуги и нови современи методи на лекување./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.