Македонија
Повторно активен пожарот над Битола
![](https://makfax.com.mk/wp-content/uploads/2024/07/pozar-333.jpg)
Огнот повторно се разгоре над обиколницата на Битола. Екипите на ТППЕ Битола постојано се на терен и работат на ставање на ситуацијата под контрола и локализирање на пожарот, известува Општина Битола.
Паралелно се врши и координација со општинскиот кризен штаб за вклучување на сите расположливи сили и ресурси во согласност со потребите. Во комуникација на градоначалникот Тони Коњановски со Центарот за управување со кризи и Дирекцијата за заштита и спасување повторно е најавена воздушна поддршка во гаснењето на пожарот, велат од Општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Над 750 милиони евра од ЕУ предвидени за Северна Македонија од реформската агенда од планот за економски раст на Западен Балкан
![](https://makfax.com.mk/wp-content/uploads/2024/08/Screenshot-2024-08-27-153541.jpg)
Премиерот Христијан Мицкоски и министерот за европски прашања, Орхан Муртезани, утрово одржаа заедничка прес-конференција на која ја информираа јавноста за Нацрт-Реформската агенда од Планот за економски раст на Западен Балкан на Европска Унија.
Според информацијата проследена од Европската комисија, според формулата од Регулативата за инструментот за реформи и раст, усвоена од страна на Европскиот парламент и Советот на ЕУ, како што нагласи претходно Мицкоски, Северна Македонија треба да добие 750,4 милиони евра за периодот 2024-2027 година. Овие средства ќе бидат условени со реализација на конкретни квалитативни и квантитативни чекори поврзани со мерките за планираните реформи. Или со други зборови, а со заокружени бројки, 250 милиони евра ќе се добијат како грант или неповратни средства за инвестициски проекти, додека 500 милиони евра ќе се обезбедат преку заем со исклучително поволни услови (почеток на отплата од 2034 година, со до 40 години рок за отплата и поволна каматна стапка), од кои 250 милиони евра за реализација на реформите (буџетска поддршка) и преостанатите 250 милиони ќе бидат алоцирани за инвестициски проекти, информира Мицкоски.
Тој се осврна на 4-те основни столба од планопт за економски раст за земјите од ЗБ. Во рамките на овој план, нашата земја ќе се фокусира на пет приоритетни области во реформската агенда: управување и реформа на јавната администрација, енергетска и зелена транзиција, развој на човечкиот капитал, подобрување на деловното опкружување и владеење на правото.
Конкретно, ќе се работи на зајакнување на јавната внатрешна финансиска контрола, зајакнување на системот за јавни набавки, декарбонизација и обновливи извори на енергија, (соларна и ветерници), усвојување на систем за трговија со емисии на гас, енергетска ефикасност и справување со загадувањето на воздухот. Тука спаѓа и развојот на образованието и вештини преку реформи на средното стручно образование, како и реформа на државните и јавните претпријатија, особено во поштенскиот и железничкиот сообраќај, вклучително и воведување на интелигентен транспортен систем, зголемување на е-услугите во царинското работење, подобрување на деловната средина преку зајакнување на инспекторатите и зголемување на инспекциските надзори, поддршка за работа на малите и средни претпријатија. Во делот на Владеење на правото – развој на демократијата преку реформа на изборното законодавство, зајакнување на независноста, квалитетот и интегритетот на правосудството, борба против корупцијата и организираниот криминал, донесување на нов Кривичен законик и Закон за кривична постапка согласно стандардите на ЕУ и други приоритети кои во интерес на времето не би ги набројувал детално.
„Надоврзувајќи се на мојата претходна прес-конференција кога се осврнав на неискористените ЕУ фондови, зборував за потребата од јакнењето на капацитетот и политика за задржување на кадарот во структурите за имплементирање. Во тој контекст, ќе биде направена анализа за евентуална потреба од создавање на дополнителна структура или користење на постојната (со нејзино зајакнување и проширување), а која што ќе има за цел со сите ресурси и капацитети да обезбеди економска стабилност, одржлив раст и подобар квалитет на живот за сите граѓани“, кажа Мицкоски.
Македонија
Филипче: Со планот за раст Мицкоски ја призна добро сработената работа на СДСМ
![](https://makfax.com.mk/wp-content/uploads/2024/08/Venko-Filipce.jpg)
Скопје
Ѓорѓиевски: Првпат по 20 години, целосна реконструкција на „Христо Татарчев“, краците 1, 7, 9 и 11
![](https://makfax.com.mk/wp-content/uploads/2024/08/Hristo-Tatarcev.jpg)
Продолжува да се менува ликот на Кисела Вода. Првпат досега се реконструира „Христо Татарчев“, краците 1, 7, 9 и 11.
Се работи за обемен потег на речиси 3.200 квадратни метри површина. Сообраќајници што никогаш досега не биле обновени, а таков зафат бил потребен уште пред децении.
„Денес, работиме на целосна реконструкција на краците 1, 7, 9 и 11 од улицата Христо Татарчев од приближно 3.200 квадратни метри, кои имаат видни оштетувања и не биле санирани повеќе од 20 години. Некои од овие улици, како што слушнав од разговорот со жителите, се правени со самопридонес и освен мали интервенции, никогаш досега не се целосно обновени. Тоа од сега е само минато.
Како што му дадов збор на чичко Раде, на неговите соседи, на сите што живеат тука дека нема да има неасфалтирана улица во Кисела Вода, така продолжуваме кон нашата цел. За кратко време од сега тука ќе има комплетно нови улици, кои ќе им го олеснат секојдневието на мојот народ. Продолжуваме понатаму. Ќе интервенираме на сите улици и со посветена работа ќе овозможиме современи услови за живеење“, рече градоначалникот на Кисела Вода, Орце Ѓорѓиевски, при денешниот увид во градежните активности за реконструкција на краците 1, 7, 9 и 11 на „Христо Татарчев“.