Македонија
ПОДЕМ: Законот за јазици не смее да ја сопира европската перспектива

Партијата на обединети демократи на Македонија – ПОДЕМ повикува на транспарентност и отвореност во однос на најважните национални прашања како што е Законот за јазици и односите со соседите, односно спорот со името.
„Очигледно е дека Законот за јазици ја ниша владејачката коалиција на СДСМ и ДУИ. Да не дозволиме тоа нишање да ја разниша и стабилноста и перспективата на Република Македонија. Доста е со уцени! Да не дозволиме теснопартиски интереси и уцени да ја одредуваат судбината на граѓаните на Македонија. Затоа ПОДЕМ ги повикува и СДСМ и ДУИ со отвореност и транспарентност да стават крај на тензиите. Секакви уцени ќе се пресечат во корен ако јавно и јасно се каже што се договарало, ако отворено се каже што може, а што не може да биде производ на коалицирањето“, велат од партијата.
Во однос на спорот со името, ПОДЕМ обвинува дека таблите на аеродромот и автопатот требало да се променат по решавање на спорот за името. Политичката партија изрази загриженост дека по отстапките од наша страна, Грција не нѐ сфаќа сериозно.
„Денеска Грција ни порача дека не било доволно што Македонија ги смени таблите со имињата на аеродомот и автопатот. Отворено слушнавме дека со тоа нема да се реши проблемот со името. Каменос дури ни порача и дека Заев давал хумористични изјави. Во Грција веќе не нѐ сфаќаат сериозно, а и како ќе нѐ сфаќаат по толку отстапки?Како да не можеше таблите да се сменат откако ќе се реши името. Сега бараат надуставен договор, доаѓаат со дополнет нацрт, и што ли уште ќе им текне до следната недела кога Коѕијас ќе дојде во Македонија за да ги врачи новите уцени.
Сите досега направени отстапки им даваат залет и на Грција и на ДУИ“, смета ПОДЕМ.
Додаваат дека македонскиот народ има право да знае што им е ветено на Грција и на ДУИ и, според нив, веројатно е време да се размисли за национална коалиција, односно СДСМ и ВМРО ДПМНЕ да седнат на иста маса и да направат коалиција по примерот на Германија и заеднички да ги одредат приоритетите за националните прашања.
„Приоритет за Македонија е влезот во Европа, а не донесување закони кои не подлежат на европско знаме, но се наметнуваат и ја блокираат работата на Собранието кое треба да ги донесе вистинските европски закони. Таа коалиција, на СДСМ и ВМРО ДПМНЕ, треба да е отворена и за албанските партии, но тие треба да покажат дека ѝ мислат добро на Македонија, а не секое коалицирање да го користат за остварување цели што не се во заеднички интерес на сите граѓани на Република Македонија, без оглед на која етничка група припаѓаат“, велат од ПОДЕМ и заклучуваат дека Законот за јазици и не е закон за јазици, туку е Закон за албанскиот јазик и не ги става во рамноправна положба сите етнички заедници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, дел од корисниците на улицата Мице Козар, општина Ѓорче Петров;
– во периодот од 10:00 до 12:00 часот, корисниците од ул.4 во Горно Соње, општина Сопиште.
Македонија
Променливо облачно со сончеви периоди, максималната температура до 24 степени

Времето денеска ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе биде во интервал од 5 до 14, а максималната ќе достигне од 17 до 24 степени.
Во Скопје, променливо облачно со сончеви периоди. Ќе дува слаб ветер од северен правец. Минималната температура ќе се спушти до 12, а максималната ќе достигне до 22 степена.
Времето во наредните деново
Од среда попладне до петок под влијание на нов влажен бран ќе има врнежи од дожд, локално пообилни (над 30 l/m²). Поради продор на постудена воздушна маса од север и засилен северен ветер во четврток и петок на повисоките планини ќе има услови врнежите од дожд да преминуваат во повремен снег. Температурата значително ќе опадне. Во деновите од викендот ќе има стабилизирање на времето и постепен пораст на дневната температура.
Македонија
Мицкоски: Левица е на услуга на ДУИ, сега си направиле пазар од кој ќе профитира или ќе се обиде да профитира ДУИ

Претседателот на ВМРО-ДПМНЕ, Христијан Мицкоски, имаше свое обраќање на денешниот митинг, со кој се започна кампањата за претстојните локални избори, и кој се одржа во Скопје во Спортскиот центар ,,Јане Сандански“ на кој се осврна и на коалицијата ДУИ и Левица, односно на Али Ахмети и Димитар Апасиев.
Мицкоски објасни дека сега јасно се гледа дека Левица игра во корист на ДУИ, како што претходно играла во корист на СЈО и Зоран Заев.
„Постојат две коалиции, две коалиции надвор од видливото. Првата е онаа меѓу Али и Димче, помеѓу ДУИ и Левица. Левица само го покажа своето вистинско лице кое што сите ние го знаеме. Тие се на отворен пазар, на услуга на Али и ДУИ. Сетете се, да не заборавиме, прво го помагаа СЈО за добри хонорари, потоа самиот Заев отворено кажа дека правеле тајни коалиции за наводно да ја спаселе Македонија од ВМРО-ДПМНЕ и од Христијан. А сега си направиле пазар од кој ќе профитира или ќе се обиде да профитира ДУИ. А тие пак од ДУИ, со истите трикови се децении наназад. Како стара закачица, провоцираат и едвај чекаат да им одговорам“, кажа Мицкоски.
Мицкоски укажа „сигурно пресметале дека ќе им вратам, па така ќе им го подобрам уништениот рејтинг“.
„Таа нивна игра мора и Албанците и Македонците и сите останати да ја знаат и разберат. Така ДУИ си го крева рејтингот. А тезите им се стари и излитени – те. „крвови“, те „јастреби, те орлите, те зајаци“, истото тоа, истиот фолклор го споменуваат 20 години, тоа со години е истиот филм. Албанците му се иселија. Парам-парчe направија од крадење Албанците – дури и од неговото Зајас – се иселија; исто како во Дебар, Струга, Тетово, Гостивар, Кичево и насекаде што живеат.. Дваесет години беа на власт. Видовме се што можат, но и што не можат. И тие метафори на митинзите повеќе не им поминуваат – добри се, ако одлучиле да се занимаваат и да глумат хумористични филмови за да може да насмеат некого. Но, не и да влеат надеж каква им е потребна на сите граѓани во Македонија“, посочи Мицкоски.