Македонија
„Политико“: Вархеји и ЕПП не се доволно остри кон Борисов и Софија за блокадата за Македонија

Еврокомесарот за добрососедство и проширување Оливер Вархеји беше премногу мек кон Софија, а Европската народна партија (ЕПП) не беше доволно остра кон бугарскиот премиер Бојко Борисов, пишува „Политико“ во анализа за еврокомесарите и нивната работа за годината што изминува.
„Политико“ се задржува на блокадата на Бугарија, во делот посветен на еврокомесарот за добрососедство и проширување Оливер Вархеји, оценувајќи ја блокадата како еден од неговите лоши моменти оваа година.
„Најлоши моменти: Блокадата на Бугарија за преговорите за членство со Северна Македонија поради билатерален спор околу јазикот и идентитетот ѝзададе удар на целта Комисија да почне преговори пред крајот на годината. Некои дипломати го обвинуваат Вархеји дека е премногу мек кон Софија, но повеќето велат дека главниот проблем е што Европската народна партија (ЕПП) не е доволно цврста кон бугарскиот лидер Бојко Борисов. Критиката кон Вархеји е дека тој е повеќе засегнат за унгарските интереси, отколку за ЕУ како целина. „Кога зборува за Србија, се чини дека е подготвен да ги затвори очите“, поради блиските врски меѓу Србија и Унгарија во енергетскиот сектор, рече еден дипломат. Официјален претставник на ЕУ ги отфрли овие обвинувања, велејќи дека тој работи на ист начин како и другите комесари“, пишува Политико.
Понатаму се наведува дека клучниот играч во обидите да се одблокира застојот меѓу Бугарија и Северна Македонија е германското претседателство, а не Вархеји.
Според „Политико“, додека тоа не се случи, голем дел од неговата работа е практично замрзната.
„На крајот, Вархеји ќе биде оценет дали кандидатите за членство во ЕУ, вклучително и оние што веќе водат разговори, како што се Србија и Црна Гора, ќе се приближат до ЕУ под негов надзор“, додава „Политико“ во анализата.
Вархеји бара од Македонија да одговори на барањата на Бугарија
Еврокомесарот за проширување Оливер Вархеји вчера побара од Македонија да одговори на барањата на Бугарија за да се отворат преговорите за членство.
„Северна Македонија треба да вложи дополнителен напор да и излезе во пресрет на Бугарија и да се обиде да дојде до решение кое е прифатливо за двете земји“, рече Вархеји.
Тој рече дека за жал, се помалку е извесно оти ќе се донесе одлука за усвојување на преговарачката рамка оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ со повик до партиите да го поддржат законот за ветинг

ДУИ упати повик до сите политички партии да го поддржат предлог-законот на ДУИ за ветинг.
Според партијата, процесот на ветинг е неопходен и клучен за да се изгради довербата на граѓаните во правдата, институциите и државата.
„Нашиот став е јасен и непроменлив: им упатуваме повик на сите парламентарни политички партии да го поддржат предлог-законот на ДУИ за ветинг со меѓународен надзор, еден сеопфатен и бескомпромисен процес што ќе ја врати довербата на граѓаните во правосудството и институциите, го повторуваме нашиот одамнешен став за истрага против сите политички партии, без исклучок, за периодот од изминатите 33 години, бараме проверка и контрола на потеклото на имотот на сите носители на јавни функции во последните 33 години: министри, пратеници, градоначалници, директори, судии, обвинители – сите, без исклучок; ја потенцираме потребата од длабoка истрага на процесот на приватизација, кој во многу случаи служеше како основа за создавање на недопирливи олигарси. Ова темно поглавје не смее да остане нерасчистено. Правдата не се мери со изјави, туку со конкретни одлуки, бараме исто така истрага за дејствувањето на безбедносните служби на државата, како и за функционерите кои биле дел од тие служби од 1945 година наваму: ОЗНА, УДБ-а, СДБ, ДБК, УБК, АНБ“, изјави потпретседателот на ДУИ, Арбер Адеми.
Според него, ова не е само политички проект, ниту пак стара заложба на ДУИ, туку услов за правда и за поправедна иднина за сите граѓани.
Македонија
Отворена нова градинка „Верверичка“ во Кисела Вода

Во населбата 11 Октомври Згради во општина Кисела Вода денеска беше отворена новата градинка „Верверичка“, како дел од ЈДГ „Весели Цветови“.
Градинката е изградена во финансиско партнерство помеѓу Општина Кисела Вода и Комерцијална банка, која со донација од 6 милиони придонесе за реализација на овој проект, вреден над 14 милиони денари.
Новата градинка се простира на површина од 525 м², располага со 6 занимални, 4 воспитни групи и јасли, и овозможува згрижување на 125 деца. Оваа инвестиција директно ја решава проблематиката со недостиг на места во градинките.
Со отворањето на денешниот објект, изградбата на уште две градинки кои се во тек, претходно отворените две градинки и петте градинки кои беа доградени, во моментот во Кисела Вода, за прием чекаат само 20-тина дечиња, велат од Општина Кисела Вода.
Македонија
Кривична пријава за градоначалникот на Кичево – дозволил дива депонија во населена зона во градот

Полицијата поднесе кривична пријава против градоначалникот на Кичево, Фатмир Дехари, поради постоење основи на сомнение за сторени кривични дела „несовесно работење во службата “ и „загрозување на животната средина и природата со отпад “.
Според информациите од СВР-Охрид, тој, постапувајќи несовесно при извршување на своите законски обврски и не вршење должен надзор, од 2020 година, дозволил да биде формирана дива депонија на повеќе илјади квадратни метри во населена зона во Кичево.
Дехари давал задолженија на вработени секојдневно да складираат, оставаат или расфрлаат отпадни материи, односно со нив да постапуваат на начин со кој се менува квалитетот на воздухот, почвата, водата или водотекот, во мера што може да ги влоши условите за живот на луѓето или животните и растенијата со што го загрозил нивниот опстанок.