Македонија
Полициските функционери кои се приведени дале согласност дека кабарето во Кочани ги исполнува условите за јавен ред и мир без целосна проверка

МВР поднесе кривична пријава против седуммината високи полициски функционери од полицијата во Штип и Кочани за кривично дело „тешки дела против општата сигурност“ со кривично дело „предизвикување општа опасност“.
Од МВР информираа дека кривичната пројава е поднесена против В.П (главен инспектор за сообраќајни работи во Штип.), В.Н. ( самостоен инспектор за планирање, резервен состав, превенција и справување со кризна состојба во Штип), Ј.Т. (началник на Одделение за полиција во СВР Штип), Б.Г. (началник во Штип), В.И. (документарист во Полициската станица Кочани), Г.И. (заменик командир на Полициската станица Кочани) и А.М. ( началник на Одделение за внатрешни работи Кочани).
Според МВР, првопријавен е главниот инспектор за сообраќајни работи во Штип кој заедно со В.Н., на 6 март 2023 година, до Министерство за економија доставиле известување каде, спротивно на членот 6 став 3 од Законот за угостителска дејност, констатирале дека кабарето „Пулс“ од Кочани ги исполнува законските услови во делот на заштита на јавен ред и мир и во делот на сообраќај и покрај тоа што не извршиле целосна проверка пред да ја издадат позитивната согласност за издавање на лиценца за кабаре.
Началникот на Одделението за полиција во СВР Штип за време и началникот од СВР Штип, истиот ден го одобриле и потпишале известувањето до Министерство за економија во кое е констатирано дека кабарето ги исполнува законските услови во делот на заштита на јавен ред и мир и во делот на сообраќај.
Понатаму, документаристот во кочанската полиција, истиот ден изготвил телеграма во која не дал точни и целосни податоци дека во и во близина на кабаре „Пулс“ има пријавени нарушувања на јавен ред и мир и пријавени кривични дела, односно дал податоци само дека против фирмата и против одговорното лице таму се поднесени две барања за поведување прекршочна постапка.
Заменик командирот од Кочани и началникот од Кочани, иако знаеле дека има повеќе пријавени нарушувања на јавен ред и мир во и во близина на кабарето, ја потпишале телеграмата, со што не постапиле според прописите за мерките за заштита и не извршиле целосна и детална проверка во врска со издавање на позитивна согласност за издавање лиценца за кабаре, велат од МВР.
По наредба на јавен обвинител од Основно јавно обвинителство за гонење на организиран криминал и корупција дадена е наредба за приведување и нивно спроведување на суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДУИ: Трагедијата бара јасна институционална одговорност, а не манипулации за политички поени

Трагедијата што се случи бара јасна институционална одговорност, а не манипулации за политички поени, велат од Демократската унија за интеграција (ДУИ).
Според нив, власта со сите сили се обидува да ги заштити своите и да го пренасочи вниманието на јавноста кон други, наместо да обезбеди транспарентност и одговорност.
„Овој селективен и неправеден пристап не само што ја поткопува довербата на граѓаните во институциите, туку и го загрозува самиот процес на правда. Ние нема да влеземе во замката на политика на обвинувања и поделби. За нас, правдата не може да се дели на „наши“ и „нивни“ – таа мора да биде еднаква за сите“, велат од ДУИ.
Партијата ги повика институциите да останат надвор од секое влијание и да обезбедат транспарентен, праведен и непристрасен процес.
Македонија
Земјотрес почувствуван во Струмица

Земјотрес е почувствуван попладнево во Струмица, во 18 часот и 33 минути.
Според информацијата на сеизмолошката опсерваторија, потресот е со јачина од 2,8 степени според Рихтеровата скала.
Според досегашните податоци со кои располага опсерваторијата, земјотресот е почувствуван во Струмица и околината.
Македонија
„Халкбанк“ донира 50.000 евра за семејствата на загинатите и повредените во Кочани

„Халкбанк“ со донација од 50.000 евра уплатени кон наменскиот фонд од Црвен крст на Македонија, дава поддршка за семејствата на загинатите и повредените.
„Бескрајно жалиме за трагичната загуба на младите животи во Кочани… А нашите мисли се и со повредените, на кои им посакуваме целосно опоравување и сила во овие тешки моменти“, напиша банката на нејзината „Фејсбук“ страна.