Македонија
Помпео: САД остануваат силен сојузник, ќе ги поддржиме вашите напори за европска интеграција
Оваа година ѝ честитаме на Северна Македонија што стана 30-та членка на НАТО и ја поздравуваме посветеноста на вашата земја за регионален и глобален мир и безбедност, што се рефлектира преку ова достигнување, напиша државниот секретар на САД, Мајк Помпео, по повод Денот на независноста на Република Северна Македонија.
Во честитката објавена на веб-страницата на Стејт департментот, Помпео наведува дека САД остануваат цврст сојузник на Република Северна Македонија, и вели дека Соединетите држави се охрабрени од напредокот на патот кон членството во ЕУ и ќе продолжат да ги поддржуваат напорите за постигнување европска интеграција.
„Неодамнешните парламентарни избори во Северна Македонија беа мирни и успешни во невидени околности и ние го цениме вашето тежнеење кон демократските идеали, транспарентноста и силното владеење на правото. Вашите достигнувања ќе помогнат во обликувањето на идната насока кон која ќе се движи регионот на Западен Балкан“, додава Помпео во честитката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Влада: Исплаќаме 1 милијарда денари за заостанати субвенции од претходната влада
„Една од заложбите на Владата е посветено да се работи и да им се помага на земјоделците. Затоа издвоени се 1 милијарда денари за исплата за заостанати субвенции за земјоделците. Над 9.000 земјоделци ќе ги добијат своите заслужени средства како поддршка за своето производство. Кај дел од нив се доцни дури 4 години со исплатата“, велат од Владата.
„Првата одлука на оваа Влада беше со ребалансот да се обезбедат средства и до крајот на годината нема да има субвенции со кои се доцни кај земјоделците.
Домаќинското и посветено работење на Владата ќе придонесе значајна поддршка за земјоделското производство.
На овој начин се исправаат и неправдите кон земјоделците кои со својот труд печалат за себе и своите семејства“, се наведува во соопштението на Владата.
Македонија
Променливо облачно со сончеви периоди, попладне повремен слаб дожд
Времето денеска ќе биде променливо облачно со сончеви периоди. Попладне ќе има локални врнежи од дожд и ретки грмежи. Ќе дува слаб до умерен ветер од јужен и југоисточен правец. Минималната температура ќе биде во интервал од 6 до 11, а максималната ќе достигне од 19 до 25 степени.
Во Скопје променливо облачно со сончеви периоди, попладне со повремен слаб дожд. Минималната температура ќе се спушти до 9, а максималната ќе достигне до 23 степени.
Ќе се задржи променливо облачно време со повремени локални врнежи од дожд, проследени со ретки грмежи. Од среда врнежите наместа ќе бидат пообилни, повремено поројни.
Скопје
Без струја дел од село Кондово
Поради планирани зафати во електро дистрибутивната мрежа, денеска, без напојување со електрична енергија ќе останат корисниците на дел од село Кондово во општина Сарај.
Прекинот ќе биде во период од 08:00 – 12:30 часот.