Македонија
Потрагата по пратеници за измена на Уставот има рок, по 30. ноември се ќе биде залудно

Дискусијата за измена на Уставот на првата пленарна седница која е за т.н. отворање на највисокиот правен акт, со цел да се изгласа потреба од негова измена, заврши за три саати. Со затворањето на дискусијата, следен чекор е гласањето. Ова нема да се случи се додека не се створат услови – а тоа е да се најдат 80 пратеници. Власта во изминатите денови ја убедуваше јавноста дека се разговара со поединци во ВМРО-ДПМНЕ, додека најголемата опозициска партија е децидна дека ниту еден пратеник нема да гласа „за“, а власта нема да добие уште осум пратеници за измени. Дополнително, ВМРО-ДПМНЕ кажа дека немаат притисоци, ниту директни ниту индиректни.
Собранискиот спикер, Талат Џафери, не е временски ограничен кога ќе мора да го закаже продолжението на седницата. Ова значи дека можат да поминат и месеци. Крајниот рок, кој го кажа претседателот на државата, Стево Пендаровски е до крајот на ноември. До тогаш на сила треба да стапат промените и гласањето да биде успешно. Во спротивно, скринингот од ЕУ завршува на 1. декември и приказната е завршена.
Дебатата имаше неколку говорници, покрај експозето на премиерот Димитар Ковачевски. Секој имаше своја улога. Опозицијата бараше гласање за да докаже дека власта нема доволно пратеници за измена на Уставот и со тоа да се затвори темата. Албанската опозиција бараше со отворање на Уставот да се измени и формулацијата „20 отсто“ која се однесува на јазикот. Власта односно СДСМ и ДУИ порачаа дека народот е спокоен, што значи дека го поддржуваат процесот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денеска претежно облачно и посвежо, со повремени врнежи од дожд

Времето денеска претежно облачно и посвежо, со повремени врнежи од дожд. Локално врнежите ќе бидат поројни и пообилни со услови за појава на ретки грмежи. Ќе дува слаб до умерен јужен ветер. Минималната температура ќе биде во интервал од 9 до 18, а максималната ќе достигне од 14 до 22 степени.
Во Скопје, променливо облачно со повремени врнежи од дожд. Ќе дува слаб до умерен јужен ветер. Минималната температура ќе се спушти до 17, а максималната ќе достигне до 21 степени
Под влијание на циклонска активност до понеделник времето ќе биде променливо облачно и посвежо со повремени врнежи од дожд. Локално врнежите ќе бидат поројни и пообилни (над 20 l/m²). Потоа во следните два дена времето ќе биде претежно стабилно. Дневната температура во текот на прогнозираниот период ќе биде за 8 до 10 степени пониска во однос на претходниот.
Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)