Македонија
Починати 22 и нови 609 заболени од Ковид-19
Во последните 24 часа се направени 6.542 тестирања, а регистрирани се 609 нови случаи на КОВИД-19: Скопје – 276, Куманово – 50, Струмица – 36, Штип – 21, Велес – 20, Охрид и Кавадарци – по 18, Гостивар и Битола – 17, Кичево, Струга и Радовиш – по 15, Прилеп – 14, Кочани – 11, Тетово и Берово – по 9, Ресен – 6, Гевгелија, Свети Николе, Дебар, Валандово и Кратово – по 5, Виница – 4, Крива Паланка, Делчево и Пехчево – по 3, Неготино – 2, Македонски Брод и Македонска Каменица – по 1.
Регистрирани сe 347 оздравени пациенти од: Скопје – 173, Тетово – 25, Куманово – 24, Струмица – 22, Гостивар – 15, Штип – 14, Кичево – 13, Велес – 8, Берово и Делчево – по 6, Кавадарци, Прилеп и Македонска Каменица – по 5, Радовиш, Свети Николе и Пробиштип – по 4, Неготино – 3, Битола, Ресен и Гевгелија – по 2, Крива Паланка, Кочани, Валандово, Кратово и Виница – по 1.
Пријавени се 22 починати лица: 6 починати лица од Скопје (65г, 66г, 73г, 77г, 78г и 81г), 5 починати лица од Струмица (45г, 52г, 64г, 71г и 82г), по 2 починати лица од Прилеп (51г и 82г) и Струга (70г и 80г) и по едно починато лице од Тетово (54г), Гостивар (64г), Берово (72г), Кавадарци (54г), Куманово (46г), Крива Паланка (72г) и Дебар (65г). Сите пријавени се починати во болнички услови.
Направени се 6.542 тестови преку: ИЈЗ-297, ЦЈЗ Скопје-53, ЦЈЗ Битола-78, ЦЈЗ Прилеп-67, ЦЈЗ Тетово–84, ЦЈЗ Куманово-88, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија – 5, ГОБ 8-ми Септември-0, Институт за микробиологија–163, Жан Митрев (Филип Втори)-152, Авицена-324, Биотек-588, Систина-107, лабораторија Лаор-439, Синлаб-46, Ремедика-42, Плодност–102, Генеа-7, Никоб лаб-853, ВФВ Медикал-145, Ели Медика-182, Ројал Медика –63, ЈЗУ и ПЗУ (рапид тест) – вкупно 2.657.
Досега во земјата се направени вкупно 1.218.501 тестирање на Ковид-19.
Вкупната бројка на КОВИД-дијагностицирани лица во нашата земја од почетокот на епидемијата изнесува 183.059, бројката на оздравени пациенти е 163.417, на починати е 6.236, а бројот на активни случаи изнесува 13.406.
Според епидемиолошки анализи во моментов, дистрибуцијата по градови е следна:
Дистрибуција по градови Заболени (вкупно), Активни случаи (вкупно)
Скопје 79074, Активни 5828
Куманово 10701, Активни 884
Тетово 10639, Активни 1175
Прилеп 8803, Активни 276
Гостивар 7865, Активни 727
Битола 6859, Активни 281
Велес 5906, Активни 243
Охрид 5691, Активни 572
Кавадарци 5614, Активни 198
Струмица 5453, Активни 552
Штип 5429, Активни 221
Кичево 3787, Активни 496
Струга 3714, Активни 631
Кочани 3064, Активни 111
Гевгелија 2326, Активни 74
Неготино 2274, Активни 51
Свети Николе 1769, Активни 122
Ресен 1464, Активни 108
Дебар 1429, Активни 212
Радовиш 1418, Активни 111
Крива Паланка 1319, Активни 64
Берово 1177, Активни 60
Делчево 1095, Активни 81
Виница 986, Активни 44
Пробиштип 876, Активни 51
Валандово 768, Активни 37
Богданци 539, Активни 31
Крушево 518, Активни 20
Кратово 501, Активни 57
Македонски Брод 450, Активни 40
Демир Хисар 418, Активни 11
Демир Капија 404, Активни 3
Пехчево 307, Активни 11
Македонска Каменица 284, Активни 20
Дојран 138, Активни 3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Филипче да ги објави документите или да одговори од каде 500 илјади долари за златна виза во Дубаи и инвестиции
Во свое појавување пред медиумите, Венко Филипче рече дека тој не бил бизнис партнер на Зоран Заев во градбата на висококатница во Дубаи. Но со тоа, пак, потврди дека Заев сепак таму гради зграда висока 42 ката, велат од ВМРО-ДПМНЕ преку допис до медиумите.
„После оваа јавна потврда, во јавноста се јавуваат нови дилеми, на кои Филипче треба да даде одговори, како на пример, како дошол до златната виза за Дубаи.
Кога пред извесно време во јавноста се појави темата со златна виза на Филипче за Дубаи, тој се правдаше дека истата ја стекнал поради работен ангажман додека бил во напредни преговори и разговори со некоја тамошна болница.
Тој отиде до таму за што тврдеше и дека сето ова е така и со докази и документи ќе го докажел.
Доколку Филипче навистина бил на работа во Дубаи, договарал работа во некоја болница или што и да има измислено за оваа лага, бидејќи веќе ни тој самиот не се сеќава, нема да му биде проблем да ги покаже документите.
Но, до ден денес, Филипче не покажува документи за некаков договор или преговори за работена ангажман со некоја тамошна болница. Тоа е така, најверојатно, поради тоа што таквите документи, очигледно, ги нема.
Од друга страна имаме сведоштво на Тома Аврамски, поранешен соработник на Зоран Заев, кој рече дека ја видел 42-катницата која тој ја гради и дека бил во зградата во која Заев и Филипче имаат станови.
Но, Филипче како што не објави документи за разговори за работен ангажман, така не одговори дали има или нема стан во Дубаи и дали тоа е причината за добивање на златна виза.
Колку за потсетување на македонската јавност, за да се здобиете со златна виза, во Дубаи треба да се има минимум инвестиција од 500.000 долари, но до оваа сума на пари не се стигнува со докторска и пратеничка плата.
Затоа, Филипче да не молчи, кога веќе не објавува документи за наводен работен ангажман, туку да одговори дали златната виза е поради влог во Дубаи од минимум 500.000 долари и на кој начин ги има тој заработено овие пари?
А ваквото темно минато создадено од двоецот Заев-Филипче треба да остане таму кај што му е местото, во минатото, а не да сака да ја предводи иднината на државата“, се вели во соопштението.
Македонија
Сончево време со температура до 10 степени
Времето денес сончево со мала до умерена локална облачност. Ќе дува засилен до повремено силен ветер од северен правец (над 60 km/h).
Максималната температура ќе биде во интервал од 4 до 10 степени, јавува УХМР.
Во Скопје, сончево со мала облачност. Ќе дува умерен, во делови од котлината повремено засилен ветер од северен правец. Максималната температура ќе достигне до 7 степени.
Македонија
СДСМ: Нема да нè замолчите, обидите за уривање на партијата одвнатре ќе бидат спречени
ВМРО активираше организирана и координирана операција за уривање на СДСМ одвнатре, тврди опозициската партија преку соопштение.
Целиот план, како што се додава, бил осмислен пред две недели, кога власта сфатила дека ја губи поддршката на граѓаните по сознанијата за мигранти за пари и по отворањето на криминално-корупциските афери на највисоките функционери на ВМРО-ДПМНЕ од страна на Антикорупцискиот тим на СДСМ.
„Активностите на СДСМ ги принудија предвреме да го активираат овој план. ВМРО мислеше дека ќе нè ослабат и ќе нè замолчат, ама се излажаа. Првиот обид за дестабилизација беше целосно разоткриен и пропадна. Сега сме посилни.
Јован Деспотовски вчера не се ни обиде да ја демантира соработката со ВМРО, ниту пак координираните текстови со Героски туку објасни дека бил „умерен“ во предавството.
Сега на сите им е јасно кој внесуваше немир во нашите редови – ВМРО, и на сите им е јасно дека обидите за уривање на СДСМ ќе бидат спречени.
СДСМ секогаш била и сè уште е партија со дијалог во рамки на партијата, по тоа сме препознатливи, но нема да дозволиме сценарија на ВМРО за делење и уривање на СДСМ одвнатре.
Нема да нè замолчите. Нема да престанеме со објавувањето на криминалот и корупцијата.
Сите ќе одговарате!
Работата не е завршена“, се вели во соопштението на СДСМ.

