Македонија
„По локалните избори – време за отрезнување и соочување со стварноста на реалниот живот“
Кога ќе се изгаснат блескавите светла од адреналински потентните рефлектори за актерите на изборната сцена, сите повторно јасно ќе можеме да ги видиме нијансите кај темнината на ноќта и светлите колорити на денот. На овие локални избори во нашата држава дежурниот чувар ќе го исклучи главниот кабел за разнобојното осветление и прегласното озвучување, ќе ги скине здодевните ПР-билборди на кандидатите, а медиумите ќе си се вратат на своето редовно известување за вистинските проблеми и предизвици од реалниот живот.
Како и на сите претходни локални избори, кандидатите за градоначалник и советници во општинските совети гласно ги промовираа и се натпреваруваа со многу ветувања или со подолги листи на желби за приоритетни проекти што би ги реализирале доколку го добијат мандатот од гласачите. Со мали разлики, кај сите кандидати најчесто се повторуваа ветувањата за почиста и поуредена општина, реформирана и ефикасна општинска администрација, нови или реновирани и добро опремени училишта, изградба на нови или асфалтирање на постојните локални патишта, еколошки безбедна депонија, пречистителна станица за отпадни води, реконструкција на дотраени дистрибутивни мрежи за чиста вода до сите домаќинства, урбан канализациски систем, канали за наводнување и континуирано чистење на речните корита, современо организиран развој на земјоделството и сточарството, како и ефикасни откупни центри, развој на руралниот и бањскиот туризам, поквалитетен социјален живот за младите, култура, спорт и…
Во последните 30 години едно големо НО, кое постојано се повторува, е суровата реалност дека веднаш откако новоизбраната локална управа ќе биде „устоличена“, неизбежно ќе се соочи со бруталниот факт дека многу мал дел од слаткоречивото ветено може и објективно да се оствари доколку бргу не се обезбедат стабилни и значително поголеми финансиски приходи за општинските буџети за да се обезбеди оптимално потребна самоодржливост на општините.
Ноторен факт е дека успешноста на секоја локална власт не се проценува по атрактивноста на нејзините ветувања и списокот на желби, туку само по реално остварените проекти, акција и дела од интерес за сите жители независно од нивните политички, етнички, верски и културни различности.
Дури и на најквалитетните локални лидери што ќе победат во изборниот процес обезбедувајќи мнозинство гласови за поддршка на ветените проекти за подобар живот во општината, рацете ќе им бидат врзани затоа што без директни приливи на оптимално потребни пари во општинските каси, објективно нема да има можност за вистинска реализација. Всушност, само со конструктивна соработка и ефикасна координираност помеѓу локалните и централната власт нашата држава може да обезбеди практични услови за забрзан развој во сите релевантни сектори и драстично да ги подобри и подигне на повисоко ниво реалните услови за достоинствено живеење на СИТЕ свои жители. Тука локалното лидерство – градоначалниците и советниците во општинските совети, има извонредно важна улога за да помогне во создавање позитивна пријателска средина и да понуди ефикасни решенија за да се привлечат домашните и странските инвестиции, кои со себе носат нови и подобро платени работни места и повисок животен стандард.
Атрактивно срочените изборни пароли и слаткоречивите ветувања имаат само краткотрајно дејство врз нашите емотивни реакции, но разумот бргу ќе нѐ потсети дека само богати и економски развиени општини, региони и држава реално може да си дозволат непречено реализирање на сите наведени инфраструктурни и комунални проекти, да инвестираат значително во неопходната грижа за заштита на животната средина, да обезбедат високи стандарди и технички услови во делот на хигиената и здравјето на луѓето… Или, воопшто, со акција и дела да креираат квалитетни параметри за современо и среќно живеење. Да, ваквата поддршка од локалното ниво на власт е неопходна за државата на национално ниво, конечно, да почне ефикасно да се справува со девастирачките последици од сѐ помасовниот процес на егзистенцијално мотивирано иселување кон економски поразвиените земји како неизбежна последица од пролонгираната економска стагнација и евидентното чувство на бесперспективност кај младите генерации.
И, навистина, не е потребен некаков rocket scientist, ниту научни анализи на врвни економски експерти за да се заклучи дека само робусно инвестициско трошење и отворање реален бизнис, производство и мултиплициран извоз, може бргу и ефикасно да ја придвижи националната економија напред. Високите достигнувања за поквалитетен и посреќен живот на сите наши сограѓани се остварливи само преку забрзан економски развој. Никако не доколку останеме заробени од нагласениот говор на омраза преку радикално деструктивен пристап, кој мазохистички сугерира само пролонгирано живуркање и преживување.
Конгресот на локални и регионални власти на Советот на Европа (Сесија во Стразбур 26 – 28 октомври, 2021) расправа по извештајот за Македонија во однос на Европската повелба за локална самоуправа, која нашата држава ја ратификува уште во 1997 година. Познато е дека во извештајот е забележана позитивната клима во однос на реформата за понатамошна децентрализација и се поздравува важноста што се дава со усвојување на новата програма за одржлив локален развој 2021 – 2026. Конгресот оценува дека локалните власти реално немаат пристап до доволно финансиски средства за ефикасно извршување на нивните обврски и успешно остварување на приоритетните проекти. Затоа сугерира ургентно имплементирање дополнителни реформски зафати за да се обезбеди соодветно и пропорционално финансирање, односно да се зголеми уделот на општините во приходите на локалниот буџет.
Време е за отрезнување и соочување со стварноста на реалниот живот затоа што само со акција и дела може да стигнеме до подобар живот – сега и веднаш! Крајно време е сите да ги прифатиме неоспорните факти – со конечна реализација на мегаинвестицискиот проект „Иловица-Штука“, „Еуромакс ресоурцес“ секоја година, само по основ на законски давачки, даноци и такси, ќе уплаќа приближно по 24 милиони евра во државниот буџет. Над 5 милиони евра годишно ДИРЕКТНО ќе се слеваат во буџетите на општините, на чија територија функционира овој современ рударски комплекс! Речиси десеткратно ќе се зголемат даночните приходи, кои директно се наплаќаат, и општинските буџети на Босилово и Ново Село со тоа ќе бидат зголемени двојно. Дополнителните 5 милиони евра секоја година ќе обезбедат стабилно финансирање за општините и ќе ја овозможат реализацијата на дефинираните проекти за заштита на животна средина, водоснабдувањето, инфраструктурата, образованието, поддршка на земјоделството, културата и сè друго што ќе придонесе за брз просперитет!
Безрезервно ги поддржуваме презентираните визии и приоритетните проекти од новоизбраните градоначалници на општините Струмица, Босилово и Ново Село затоа што нивната брза и ефикасна реализација ќе донесе добросостојба за СИТЕ жители, без разлика кому му го довериле својот глас во изборниот процес. И во оваа пригода, како докажани партнери на заедницата, јавно се обврзуваме и гарантираме долгорочна финансиска и експертска асистенција убедени дека само со широка инклузивност, транспарентност, конструктивен дијалог и соработка со сите фактори ќе успееме заедно да го изградиме и оперираме современиот рударски комплекс како win-win капитална инвестиција со стратешко значење за прогрес и изградба на просперитетни и економски стабилни општини, регион и држава.
Автор: д-р Живко Груевски, директор за комуникации на „Еуромакс ресоурцес“
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Шест пожари се активни во Македонија, изгаснати се 18
Центарот за управување со кризи (ЦУК) нѐ информира дека до 20:30 часот вечерва, во државата се евидентирани вкупно 24 пожари на отворен простор, од кои шест сè уште се активни, а 18 се веќе изгаснати.
Меѓу активните пожари, еден беснее кај селото Николиќ во општина Дојран, каде што гори нискостеблеста шума. Во општина Чучер Сандево, пожар го зафати реонот кај селото Горњани, каде исто така гори нискостеблеста шума. Два активни пожари има и во велешкиот регион – првиот кај селото Џидимирци, а вториот кај Крушје, каде пламените јазици зафатиле мешана шума. Сериозна ситуација е регистрирана и во општина Македонски Брод, каде што пожарот се шири помеѓу селата Црешнево, Локвица, Крапа и Слатина, горејќи деградирана дабова шума, грмушки и ниска вегетација. Во Скопје, во општина Шуто Оризари, активен е пожар на улицата „Индира Ганди“, каде што гори отпад. Последниот активен пожар е регистриран во Прилеп, во населбата Три Багреми, каде е зафатена ниска вегетација.
Во текот на денот, пожарникарските и противпожарните служби успеале да локализираат и изгаснат 18 пожари. Во скопската општина Гази Баба изгаснати се два пожара – едниот кај гробиштата Камник, каде горела ниска вегетација, а вториот на улицата „Душан Тавковиќ“, зафатувајќи нискостеблеста шума и трева. Во Прилеп се изгаснати два пожара – едниот покрај патот од хотел „Салида“ кон Битола, а другиот меѓу селата Лажани и Ропотово. Во Ресен, изгаснат е пожарот во селото Перово каде горела трска, а во Охрид се локализирани два пожара – кај селото Оровник и во населбата Далјан, каде биле зафатени ниска вегетација и отпад. Во општина Виница е изгаснат пожарот во селото Ласки, а во Куманово се изгаснати три пожари – во кругот на фабриката на ФЗЦ, на местото викано Пармакови ниви, и во селото Умин Дол, каде гореле ниска вегетација и стрништа.
Дополнително, пожарот кај маалото Мишинци, во селото Пелинце, општина Старо Нагоричане, исто така е изгаснат, како и оној во селото Милутинци, каде гореле депонии и отпад – во две одделни интервенции. Во селото Градец, на територијата на општина Крива Паланка, изгаснат е пожарот во месноста Ѓошинска маала. Угаснат е и пожарот кај Поправниот дом во Тетово, како и два пожара во Гостивар – еден во близина на стадионот, а другиот во селото Чегране, каде гореле пченични полиња.
ЦУК останува на терен во координација со сите надлежни институции и апелира до граѓаните да бидат максимално внимателни и да не палат огнови на отворено, особено во овие екстремно суви и топли услови.
Македонија
ЦУК: Осум активни пожари, еден под контрола, 12 се изгаснати
Центарот за управување со кризи (ЦУК) информираше дека до 18:30 часот евидентирани се вкупно 21 пожар, од кои осум се уште се активни, дванаесет се изгаснати, а еден е ставен под контрола.
Од активните пожари, во Дојранско и натаму гори во атарот на селото Николич, каде ситуацијата е сериозна и бара постојана интервенција. Во Велешко, активни се пожарите кај селата Џидимирци и Крушје, а во Виничко, пожар има во атарот на село Ласки.
Во општина Македонски Брод, активен е пожарот кај село Локвица, додека во Гостиварско, огнот зафаќа подрачје во близина на селото Чегране. Активен е и пожарот во општина Куманово – Липково, на потегот над село Умин Дол кон село Никуштак.
Во Скопскиот регион, активни се два пожара – едниот во општина Чучер-Сандево, на потегот од село Горњани кон село Блаце, во близина на магистралниот пат, а вториот во општина Шуто Оризари, на улицата „Индира Ганди“.
Под контрола е ставен пожарот во општина Македонски Брод, на подрачјето меѓу селата Црешнево, Крапа, Слатина и Девич.
Изгаснати се 12 пожари, меѓу кои пожарот во близина на село Горњани – општина Чучер Сандево, во близина на стадионот на Гостивар, во ресенското село Перово, во општина Куманово, во кругот на фабриката на ФЗЦ и во месноста викана Пармакови ниви. Изгаснати се и пожарите во општина Старо Нагоричане, кај селата Пелинце и Милутинци, општина Крива Паланка, кај село Градец, во месноста викана Ѓошинска мала.
Два пожара се изгаснати во Охрид, кај селото Оровник и кај населбата Далјан. Во Прилепско се изгаснати пожарот покрај патот од хотел „Салида“ кон Битола и пожарот меѓу селата Лажани и Ропотово.
Македонија
Границите во колапс, по еден час се чека на Табановце и на Богородица
Зголемена фреквенција на возила и чекање од околу еден час се евидентирани на граничните премини Табановце и Богородица, информира Авто-Мото Сојузот на Македонија (АМСМ). На останатите гранични премини, според АМСМ, сообраќајот се одвива нормално без подолги задржувања за влез или излез од државата.
Сообраќајот на државните патишта се одвива непречено, по суви коловози, но интензитетот на возилата е зголемен, особено надвор од градските средини.
Од АМСМ препорачуваат зголемено внимание при управување со возилата, прилагодување на брзината, како и почитување на сообраќајната сигнализација, особено на патиштата низ котлините, речните долини и клисурите, каде постои опасност од одрони.
11-годишно дете и маж се тешко повредени откако возилото излетало низ дупка во оградата кај Прилеп
11-годишно дете и маж се здобиле со тешки телесни повреди, откако попладнево нивниот автомобил излетал од експресниот пат Прилеп–Градско и...
Границите во колапс, по еден час се чека на Табановце и на Богородица
Зголемена фреквенција на возила и чекање од околу еден час се евидентирани на граничните премини Табановце и Богородица, информира Авто-Мото...
Зеленски: 1.800 дронови и 1.200 бомби врз Украина за една недела, Русија го засилува теророт
Украинскиот претседател Володимир Зеленски ја обвини Русија за ескалација на теророт врз цивилното население, откривајќи дека во последната недела врз...
Охриѓанка тешко повредена откако ја удрило комбе додека била на велосипед
56-годишна жена од Охрид се здобила со тешки телесни повреди во сообраќајна несреќа што се случила во саботата рано наутро,...
Младите на „Галичка свадба“ добија подарок од претседателката Сиљановска Давкова
Претседателката на државата, Гордана Сиљановска-Давкова, и годинава беше дел од манифестацијата „Галичка свадба“, каде што одблизу ги проследи свадбарските обичаи...
Полицијата откри што точно се случувало со тројното убиство во Прилеп
Тројца загинати, меѓу кои и 13-годишно дете, е исходот од трагичниот настан што се случи на 12 јули 2025 година...
Пуштени во употреба првите 20 километри од автопатот Кичево-Охрид
Првите 20 километри од автопатот Кичево – Охрид, на потегот од Врбјани до Ботун, денеска се пуштени во употреба. Овој...
Петрушевски: Приведени осомничени за подметнување пожари, дел поврзани со опозицијата
Пратеникот на ВМРО-ДПМНЕ, Бране Петрушевски вели дека последните пожари што ја зафатија околината на Скопје, според досегашните информации, не биле...
МВР потврдува: Роднината убил две лица, фрлил бомба и пукал кон полицијата, па се самоубил
Тешка трагедија го потресе Прилеп, откако тројца членови на едно семејство, меѓу кои и 13-годишно дете, беа пронајдени мртви со...
ОЈО со детали за грозоморното убиство во Прилеп: Ги убил внукот и неговиот 11-годишен правук, па се самоубил
Обвинителството откри детали од вчерашната трагедија во Прилеп. Дежурен јавен обвинител од Основното јавно обвинителство Прилеп извршил увид во куќа...
(Видео) Охридското лето се отвори, и уметноста прозборе – музиката и мајчинството во хармонија на Античкиот театар
Под ѕвезденото небо на Античкиот театар во Охрид, синоќа величествено беше отворено јубилејното 65. издание на фестивалот „Охридско лето“ со...
Семејна драма во Прилеп, убиени малолетно дете и неговиот татко, напаѓачот си пресудил сам
Во семејна трагедија што се случи синоќа во прилепската населба Точила, животот го загубија три лица, меѓу кои и едно...
Македонија под топлотен бран, температурите до 38 степени
Македонија денеска е под влијание на топол воздушен бран што носи високи температури и претежно сончево време. Според Управата за...
Ангелов: Најсериозен е пожарот во дојранското село Николиќ во близина на границата со Грција
Во моментов најсериозен е пожарот во дојранското село Николиќ во близина на границата со Грција. Тоа е пожар кој гори...
Обезбедување од МВР ќе ја чува Данела Арсовска 24 часа
Министерството за внатрешни работи информира дека по вчерашниот инцидент во Општина Чаир, врз основа на оперативни сознанија и безбедносна проценка...
ОЈО сомничи двајца за насилство врз градоначалничката Арсовска
Основното јавно обвинителство Скопје поведе постапка против две лица за кривично дело „насилство“. Првоосомничениот вчера се заканувал и физички ја...
ФЗО ќе покрива шест, наместо досегашните три ин витра за семејствата кои се обидуваат да имаат потомство
Вкупно шест наместо три обиди за биомедицинско потпомогнато оплодување (БПО) ќе бидат овозможени на товор на Фондот за здравствено осигурување...
Пожарникарите се бореа со огнови на 38 места во државава, 30 се изгаснати
Во текот на изминатото деноноќие се евидентирани вкупно 38 пожари од кои три активни, пет ставени под контрола и 30...
Во Кочани нема да има концерт за Петровден, Крстевски го откажа на барање на родителите на загинатите деца во „Пулс“
Откажан е музичко забавниот дел од програмата за одбележување на Петровден, празникот на градот Кочани. Ваква одлука вчера донесе в.д....
„Ќе глумиме дека не сме виделе?! Ќе чекаме некој да биде убиен за да се освестиме?!“, праша Јакимовски
Градоначалникот на општина Карпош, Стевчо Јакимовски се огласи на социјалните мрежи, по нападот врз градоначалничката Данела Арсовска. „Она што ѝ...
