Македонија
Правата на просветните работници тема на средбата меѓу Заев и претставници на синдикати за образование од Евроазиската Унија
Премиерот, Зоран Заев, денеска прими делегација од претставници на синдикати за образование од земјите од Евроазиската Унија.
Делегацијата составена од Талип Гејлан, претседател на Евроазиската унија на просветни синдикати, Хуѕмбат Нагијев, Потпретседател на синдикатот на просветни работници на Азербејџан, Асилбег Токтогулов, претседател на синдикатот на просветните работници на Киргистан и Каган Миндикоглу претседател на синдикалното движење Мемур-Сен, ја предводеше Елвин Хасан, претседател на НВО УФУК-Македонија, организација домаќин на годишната конференцијата на Евроазиската унија на синдикати за образование.
Гостите изразија задоволство од средбата и пренесоа поздрави до премиерот и владата за постигнатиот договор со Грција како и поддршка за успешните евроатлантски интеграции на земјава.
Премиерот Заев, посебно ја поздрави иницијативата поради која се гостите тука во Македонија, конференцијата за просветни синдикати, и рече дека штитењето на правата на просветните работници, но и на работниците генерално, е благороден порив, што го прави синдикалното организирање многу важно за севкупниот квалитет на живот.
Премиерот Заев, истакна дека Македонија е пријателска земја, и има добра соработка со секоја од земјите од каде доаѓаат гоститеи дека посебно работи на стратегии за интензивирање на економската и трговската соработка со посочените држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.