Македонија
Правобранителот не постапил за апсењето на Бошкоски поради судската одлука дека не била употребена прекумерна сила

Поранешниот заменик-правобранител Трипун Танушевски, кој за апсењето на лидерот на Обединети за Македонија, Љубе Бошкоски, бил одреден да постапува кога во јавноста излегле извештаите од медиумите, на денешното сведочење за случајот „Тортура“ рече дека народниот правобранител не постапил по предметот поради веќе донесената одлука на истражниот судија од Кривичниот суд дека не се преземени никакви незаконски активности при апсењето на Бошкоски.
„По добивањето на доказите од секторот за внатрешна контрола, доставени ни се и записници за оправданоста за употреба на сила. Во меѓувреме, народниот правобранител прибави докази дека истражниот судија од Основниот суд 1, кој ја водел истрагата, констатирал дека не се преземени незаконски полициски овластувања, што е констатирано со судска одлука. Народниот правобранител немаше законски можности за понатамошно постапување кога има одлука на истражен судија“, рече Танушевски.
Тој истакна дека народниот правобранител претходно ги прибавил сите материјали за почеток на постапка, меѓу кои изјави од Бошкоски додека се наоѓал во притвор и изјава и документација од затворскиот лекар. Сепак, поради судската одлука, не е почната постапка.
Одговарајќи на прашање на јавниот обвинител, Танушевски рече дека не се сеќава дали ја видел снимката од апсењето додека постапувал по случајот или подоцна, но во секој случај од видеоматеријалот не можел да увиди дали е употребена прекумерна сила.
Поранешниот заменик-народен правобранител пред судечкиот совет рече дека доколку се наоѓал на местото на Бошкоски и било поставувано така кон него од страна на полицијата при апсењето, земајќи ги предвид фактите дека е поранешен министер, јавна личност и лидер на партија, ќе бил и тоа како понижен.
„Кога би се нашол во ситуација на Љубе Бошкоски и доколку ме легнат на земја како јавна личност, некогашен министер, сето тоа, како и вртењето кон тоалетот, би го чувствувал како понижување“, рече Танушевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Лажна дојава за бомба ноќеска на скопскиот аеродром

Ноќеска во 02:41 часот, на телефонскиот број за итни случаи 112 е добиена пријава за поставена бомба во авион кој требало да полета од „Меѓународниот аеродром Скопје“ кон Турција.
Како што соопшти утрово Министерството за внатрешни работи, се работи за лажна дојавата за бомба на скопскиот аеродром.
-Веднаш по добиената пријава преземени се соодветни активности и извршени се потребните проверки од страна на антитерористичката единица при МВР и утврдено е дека пријавата е лажна, односно дека нема никаква експлозивна направа, велат од МВР.
По завршувањето на проверките, околу 06:00 часот, аеродромот продолжи со редовно работење.
Македонија
Променливо облачно со сончеви периоди, попладне дожд

Времето денеска ќе биде променливо облачно со сончеви периоди. Попладне ќе има услови за изолирана појава на нестабилност со краткотраен пороен дожд и грмежи. Ќе дува слаб до умерен ветер од североисточен правец.
Минималната температура ќе биде во интервал од 10 до 19, а максималната ќе достигне од 29 до 36 степени.
Во Скопје ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 36 степени.
Според прогнозата на УХМР, во следните денови ќе преовладува променливо облачно време со сончеви периоди.
-Во недела попладне ќе има изолирана појава на нестабилност со пороен дожд и грмежи. Во првите два дена од новата седмица на повеќе места ќе биде нестабилно со пороен дожд, грмежи и услови за локално невреме со засилен ветер и изолирана појава на град, информира Управата за хидрометеоролошки работи.
Скопје
Без струја утре неколку улици во Центар и Чаир

Регионалниот центар за управување со кризи на Град Скопје, по добиеното известување од ЕВН известува дека: поради технички зафати во електродистрибутивната мрежа, утре, без електрична енергија ќе останат:
· од 06.00 до 11.00 часот, корисниците на улица 6 и дел од улица 4 во Сарај. (Општина Сарај )
· од 08.00 до 14.00 часот, корисниците од дел од ул. Даме Груев и дел од ул. Свети Кирил и Методиј. (Општина Центар