Македонија
Пратениците треба да знаат дека се избрани во Собранието да аргументираат, а не да се фотографираат и да молчат: Богоев ги искара своите сопартијци по вчерашниот молк

Критики на сметка на новите пратеници од Социјалдемократскиот сојуз од некои од нивните сопартијци.
Молкот на вчерашната конститутивна собраниска седница предизвика реакции меѓу членовите на партијата.
Стефан Богоев од СДСМ оценува дека пратениците треба да дискутираат во Собранието, а не да молчат.
„Пратениците треба да знаат дека се избрани од народот во Собранието да аргументираат и дискутираат, а не да се фотографираат и да молчат!
Особено на седници на кои се формира владејачко мнозинство и се избира претседател на Собранието.
СДСМ треба да има конструктивна, но, пред сè, корективна и активна улога во Собранието.
Тоа мора да биде така од самиот почеток, во спротивно други партии ќе го преземат опозицискиот простор“, напиша Богоев на социјалните мрежи.
18 пратеници од СДСМ и коалицијата за европска иднина, и покрај тоа што беа присутни, не учествуваа во гласањето за избор на претседател на Собранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Укината забраната за тешки товарни возила на патниот правец Маврово – Дебар

Забраната за сообраќај за тешки товарни возила на патниот правец крак Маврово – Дебар се укинува во 06.10 часот, извести АМСМ.
Сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на Македонијапат.
Македонија
Променливо облачно и студено со повремено засилен ветер, претпладне услови за слаб снег

Времето денеска ќе биде променливо облачно и студено, претпладне наместа ќе има услови за провејување на слаб снег. Ќе дува умерен до засилен ветер од северен правец (над 70 km/h).
Минималната температура ќе биде во интервал од -4 до 1, а максималната ќе достигне од 3 до 10 степени.
Во Скопје, променливо облачно и студено. Ќе дува умерен, во делови од котлината повремено засилен ветер од северен правец. Минималната температура ќе се спушти до 0, а максималната ќе достигне до 8 степени.
Времето во наредните денови
Во следните денови времето ќе биде стабилно и ветровито со температури под просекот за овој период од годината. Утринските температури на повеќе места ќе бидат негативни, а дневните во постепен пораст.
Македонија
Дел од Карпош денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, на денеска поради санирање појавен дефект на водоводна мрежа со пречник Ф-1 цол на улицата Ванчо Мицков бр. 18, во општина Карпош, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:30 часот до завршување на интервенцијата.